這間位於北角的小食店,主打自家製魚品輕食,包括多款創新魚麵,還有各種自家製魚肉小食。其中「炸魚無薯條」,用魚肉代替薯條感覺新穎,堅食到有魚味,而且口感煙韌,不會太淋身。「扮墨西哥魚皮」亦是必食之選,芝士醬及牛油果醬幼滑濃郁,配即炸魚皮無得輸!
尖沙咀最近新開了一間樓上Cafe,店內裝修設計優雅復古,最亮眼的就是巨型發光月亮裝飾,會發光及變換13種顏色,絕對是打卡首選!食物方面亦選擇多多,供應多款薄餅、意粉及小食,主打近期大熱的牛角包窩夫Croffle,最特別是加入芝士牛肉變成牛角包窩夫漢堡,厚切超級酥脆好食!
石硤尾美荷樓青年宿舍最近新開了一間Cafe,環境寧靜舒服,以本土懷舊風情及輕露營風作主題。每間房的牆身及主題布置都不同,包括「正呀喂」字牆、數字卡牌房、黑膠唱片及明星閃卡裝飾,充滿舊時代情懷。戶外的帳篷位置更是令人有露營野餐的感覺,可說是室內室外全是打卡位!
葵湧廣場一直是掃街小食聖地,其中這間小食店專賣由韓國紅到香港的牛角包窩夫Croffle,雖然只有甜食口味,但款式多達13款!牛角包窩夫是指用牛角包麵團烘成的窩夫,小店賣的牛角包窩夫比市面一般Cafe的大,而且全部都是即叫即製,人氣之選有焦糖燉蛋、肉桂蘋果、榛子朱古力香蕉。
這間位於觀塘核心地段的露天餐廳,佔地2500尺,把商廈天台改造成舒適寫意兼有私隱度的空間。露台戶外位置則特設5個防水的原木帳篷,內有大張木枱及兩張長凳,可容納多達6個人,露台盡頭亦有一個搖籃吊椅,環境舒服好chill又夠大,更是寵物有善餐廳,打卡一流!食物方面,推介牛油香草白酒蜆,餐廳選用每日由西貢直送的活蜆,鮮甜又大隻!
這間位於上水河上鄉的茶座,全場都是打卡位,只見cafe四週有仙人掌、西部牛仔帽及木桶,令人感覺自己化身西部牛仔一樣。盡情打卡後,走到另一邊還有英式電話亭場景,然後走進裡面,卻變成舞獅主題!原來茶座店主從小學習舞獅,開這間茶座是為了讓遊客近距離接觸舞獅舞獅、麒麟及貔貅文化!食物方面亦有驚喜,馳名餐蛋麵賣相一流味道亦佳。
旺角酒吧戰場黑布街又有新挑戰者進駐!呢間座落街頭轉角嘅酒吧由本地手工啤酒品牌「門神」創立,用福祿壽牌匾同滿天神佛,營造出獨特嘅中式氛圍。除左售賣佢地一系列招牌自家釀製啤酒,包括龍王、玉皇大帝、灶君及嫦娥之外,仲會供應搞鬼中式點心, 如牛魔王及花雕醉雞翼等,送酒一流! ▲本地手工啤酒品牌「門神」 專賣店 ▲西遊包子 – 牛魔王($88) ▲花雕醉雞翅($48) ▲十足十「神枱」上嘅啤酒! ▲酒吧內外都有得意畫作 門角 地址:旺角山東街88號地舖電話:29114662...
韓國超人氣街頭小食之一拉芝士熱狗棒,係各位芝士控去首爾必食item之一,依家未飛到去旅行住,不過香港都有得食呢種咁邪惡小食!一條熱狗棒size超級巨大,現場即叫即整,而且有好多款口味選擇,好似有芝薯拉絲熱狗棒、水牛芝士拉絲熱狗,好似全部都係為芝士控而設!一咬開內餡芝士好熔漿般爆發出來,趁熱食仲會做到超長拉絲效果。 ▲韓國拉絲炸熱狗($34)一口咬開下去,濃濃芝士真係令人好滿足! ▲芝士愛好者絕對不能錯過呢個口味!車打芝士mix馬蘇里拉芝士,飄著濃濃奶香味,芝士滿到要爆出黎!! ▲芝薯拉絲熱狗棒,切粒薯仔包坐著熱狗棒,不過入面其實係冇腸,粒粒薯仔炸成香脆,入面MOZZARELLA CHEESE芝士綿滑,香味濃郁! ▲芝薯拉絲熱狗棒 ($34)醬汁可以揀茄汁、車打芝士醬、蜜糖芥末醬、芝士芥末醬或泰式辣醬 ▲車打芝士腸熱狗棒(最上面)係個加大版熱狗腸,如果想食腸就可以揀呢個!外面係以麵粉、米糠一齊炸,融係在芝士腸中車打芝士一咬爆汁,食時要小心燙口! 文字來源:香港人遊香港 / 圖片來源:@foodtedgram、@foodiskatyslife__...