葵青區

葵廣美食2024｜爆餡越式法包！另有撈檬+湯河+越式小食 這間位於掃街天堂葵廣的小店，主打各款越式美食，包搭法包、撈檬、湯河，以及豬頸肉、鳳爪、蝦餅等小食。當中最吸引的就是越式法包，包身烤得外脆內軟，內餡有7種選擇，包括豬頸肉、燒牛肉、扎肉等。另外會夾上蘿蔔絲、青瓜、紫蘇葉等蔬菜增添口感和味道，香菜的味道令整體更有異國風味。而且法包性價比頗高，單拼法包只需$38，雙拼$45， 去葵廣掃街的朋友不妨一試啦！ ▲越式豬頸肉扎肉法包（$43）：法包外脆內軟，豬頸肉中間油脂豐富之餘，豬頸肉邊有脆焦口感。而扎肉口感扎實，配上蘿蔔絲、青瓜、紫蘇葉等蔬菜令整體層次更升級！ ▲越式燒牛肉扎肉法包（$43）：燒牛肉十分入味，香味十足分量夠多！加入蛋黃醬令整體口感及味道更濃厚。 ▲單拼越式法包（$38）：法包的性價比不錯，單拼法包只需$38，雙拼$45。口味包括豬頸肉、燒牛肉、扎肉、五花腩、豬扒和燒雞。如點選肝醬法包更是低至$28！ ▲蝦餅墨魚餅撈檬（$44）：撈檬配有酸辣湯汁，食落十分開胃。粟米墨魚餅和蝦餅都好彈牙有咬口，蝦餅有成3塊！同樣配上各式清新蔬菜。 ▲越南蔗蝦（$19/2支）：蔗蝦炸得乾身，蝦膠彈牙，連清甜的蔗一起食就有雙重口感。 ▲越南青桔水（$10）：消暑透心涼必點的青桔水，加入薄荷更清涼。 越式美食 地址：葵涌廣場三樓Top世界3069-T16-T17號舖營業時間：12:00-22:00電話：68388382 文字來源：香港人遊香港/圖片來源：@shc_good_taste、@waisiksheep 、@wingsxfood、@creamfun.foodie...

香港美食嘉年華2023 掃街必去 300個攤位 一連9日的香港美食嘉年華開幕啦！場內設4大主題展區，超過300個攤位，由休閒食品、參茸海味、糧油麵食、家電及廚具都有。當中最吸引一定係熟食「為食Guide」區，事隔4年重臨，設有40個熟食攤，價錢合理，而且選舉多！當中掃街必食就推薦佛跳牆，$48就食到3隻大大隻鮑魚，仲有花膠、冬菇、海參等。台灣小食方面，就有BB 生煎包， 皮薄餡多，一口爆汁。更有台南正宗蚵仔煎、台灣雞翅包飯、麻辣鴨血、台灣腸等。而泰式小食都有好多，船河、串燒、甜品都有！仲有即燒生蠔、燒扇貝等，非常吸引！嘉年華晚上7時更免費入場，大家有時報可以感受下熱鬧氣氛！ ▲佛跳牆($48)：佛跳牆好足料，有3隻大大隻鮑魚，仲有花膠、冬菇、海參等，可以話必食之選。店家有多款組合，價錢由$48-$68不等。位置：D18-19 ▲流浮山燒生蠔($50/4隻) ：生蠔上配上粉絲蒜蓉，非常惹味。位置：D39-40 ▲BB生煎包($40/15粒) ：皮薄餡多，一口爆汁。店內更有套餐價，$50就有香水檸檬茶＋BB生煎包，超低食。位置：D33 ▲台灣雞翅包飯：燒雞翼釀入炒飯，飽肚感十足！位置：D10-12 ▲韓式串串燒($40/30串) ：串燒每串份量不多，但勝在量多款多。位置：D10-12 ▲肉鬆小貝 ($20/2粒)位置：D04-05 ▲船河($40)位置：D38 ▲串燒($30/2串)：泰式串燒種類多，而且備有三款醬汁選擇，包括沙嗲、甜酸汁和酸辣汁！位置：D38 ▲松露黑毛豬肉丸($40/8粒) 位置：D31 ▲手工燒賣($30/4粒) ：設有4款口味，鮑魚燒賣、黑松露燒賣、蟹籽雞肉燒賣和芫茜雞肉燒賣，各款一粒。位置：D37 第10屆香港美食嘉年華 地點：香港葵涌運動場（港鐵葵芳站D出口） 日期：2023年10月28日至11月5日 11:00-21:00 入場費：港幣$5（身高1米或以下小童、65歲或以上長者及殘疾人士免費進場；19:00後免費入場) 文字：香港人遊香港...