位置大埔網上爆紅海景Cafe,樓高3層,店內除了Cafe外更設按摩店。Cafe設於地下,主要提供西餐及輕食,設有戶外及室內空間,有意粉、炸魚薯條、窩夫等西餐及輕食,當中軟殼蟹意粉為人氣之選,另有其他咖啡和茶類飲品提供。Cafe亦有貓貓店長註場,一樓為貓貓休息的地方,喜歡貓的朋友亦可以到一樓睇下貓貓得唔得閒同大家玩下,不過記得先問準店主,以免影響貓貓休息時間。
分別於荃灣、大埔、旺角有分店的日式放題餐廳滿屋推出晚市優惠,買三送一,即人均$171起,現時疫苗通行證又取消咗,啱晒一家大細去慶祝下。滿屋日本料理晚市日式放題食物選擇非常豐富,包括新鮮刺身、壽司、卷物、日式料理、天婦羅、一品料理、甜品等,超過七十款料理選擇。
位於大埔白石角附近的村屋Cafe,有種居家的感覺!户外空間有超美的波希米亞風藍白色圖騰地磚和純白色的牆身,再配搭餐廳內綠色植物,超打卡-able!而食物方面選擇雖不多但質素一流,而且價錢合理,當中必是的一定是有「四重芝士」的牛角包窩夫,窩夫口感鬆脆,牛油感十足,再配搭香濃芝士,絕對是不敗的配搭!健康人士亦可以選擇田園沙律或者千島醬芝士碎蛋蝦仁飛碟,而澱粉質亦有幾款意粉供客人選擇。
位於大埔的日本拉麵店以店舖招牌「活龍蝦拉麵」為主打,「活龍蝦拉麵」只會在星期六、日期間以限定形式出售!而且每日限量,手快有手慢無啊!無論湯底、麵質、龍蝦及賣相都誠意十足,主廚貼心地為龍蝦起殼,讓大家更較容易扯出龍蝦肉,而湯底配大量櫻花蝦及蝦油香口濃郁!
日本丼飯專門店Superdon聯乘蠟筆小新推岀終極搞鬼「雪糕咖哩飯」,凍冰冰阿波羅雪糕溶化喺熱辣辣嘅咖哩,雪糕嘅甜味同咖喱嘅辣味,簡直係絕配嘅味覺同視覺享受。咖喱飯有四種不同嘅配料選擇,包括吉列豬扒、炸雞、牛肉、海鮮,咖喱仲可以揀唔辣、小辣和大辣,滿足香港人唔同口味。
這間Cafe位於大尾篤龍尾人工灘附近,無論是去沙灘曬太陽前飽餐一頓,還是去大尾篤踩單車順道chill下,都非常合適!薄荷綠的外觀很夢幻,室外吧檯充滿歐陸風情,打卡一流!由於所有食物均由店主即叫即煮,所以出餐時間可能有點慢,但食物上桌時都熱辣辣,味道也相當不錯。
這家人氣甜品店的必食招牌客家糯米糍是出名的大埔名物。老闆娘是客家人,以傳統方式包出家鄉小吃糍粑,即是糯米糍。店內只賣一款花生黑芝麻餡,小店堅持每天即場人手包製,一咬開,餡料滿瀉,令人食過翻尋味!另外,小店的石磨芝麻糊及合桃糊亦很受歡迎。
這間大受歡迎的泰國過江龍船麵專門店,1988年開業,至今已有50間分店,在香港的三間分店分別在銅鑼灣、尖沙咀及大埔。最近餐廳有新口味登場,就是雞髀船麵,可以選滷水雞髀或炸雞髀,巨髀配上由牛骨煲3小時,再加入香葉、香料、班蘭葉等秘製藥材熬煮8小時的勁濃郁船麵湯底,非常惹味,絕對值得一試!
大埔小白鷺的純白色的歐陸風餐廳Billow Bar Seafood Bistro,佔地三千呎,餐廳設計以湖邊小屋為創作靈感,融合園林綠化及海洋的建築風格,期望為客人提供寧靜舒適的空間,設户外座位,可以欣賞整個白鷺湖美景,近日更種植了超靚鬱金香花海,成為打卡好去處!
近排網上大熱的法式布丁包來到大埔都食得到!在呢間超隱世的大埔港式傳統街坊麵包店「煒成麵飽餅店」,焦糖布丁包每天新鮮出爐,超級大個勁抵食,外面香脆內裡滑嫩,入口會先食到奶油及雞蛋的順滑感,經咀嚼後,蛋漿慢慢融入並軟化,非常之正!