中環居酒屋風格酒吧 Musubi Hiro 全新主餐牌登場，加推無限清酒及手工啤酒暢飲套餐（每位HK$248），為客人帶來連串驚喜，享受一個樂而忘返的晚上！全新主餐牌包括多款驚喜居酒屋風格小食：檸汁醃海帶（HK$78）—鮮甜可口的海帶配上洋蔥、青檸汁及秘製辣椒粉，爽口而且清新怡人。
呢間位於中上環的隱世高質居酒屋，將日本味道帶到香港外，而且價錢超值，性價比高。店內牆上貼滿日本經典電影及漫畫海報，彷如置身於東京橫街小巷。店內食材由日本直送，和食以傳統日式方法處理，非常正宗，而且價錢親民。
呢間位於佐敦兩層高面積逾 4,000平方尺，以日式設計加上落地大玻璃的居酒屋環境舒適開揚，主打洋食和日式串燒。呢到午市和晚市各有特色，午市提供定食為主好似吉列廣島蠔定食、虎蝦天婦羅鍋燒烏冬等。
位於北海道極高人氣的居酒屋——淳吟Jyungin，首度衝出日本，登陸香港！餐廳座落佐敦，以一身純樸木系色調示人，門口掛有日式小燈籠，超有地道的居酒屋感覺！
位於銅鑼灣新開一間日式居酒屋，餐廳以日本戰國時代著名武將家族為名，並以武士主題貫穿餐廳設計，菜式主打日式炸物串、日式料理，炸物串是以大廚秘製的脆漿泡製，標榜外層口感更薄更脆，包括磯煮鮑魚、鹽麴雞、櫻花蝦餅 、九鬼手羽、梅水晶和關東煮，所有食物皆不添加任何味精，除了美食居酒屋亦有一系列美酒供應，有駐場品酒師可為客人建議餐酒及清酒的配搭。 ▲磯煮鮑魚，用日式醬油醃製新鮮鮑魚再慢煮4小時令其軟身，在上菜前再進行油炸，令鮑魚食落外層鬆脆，同時肉質鮮嫩。 ▲鹽麴雞，大廚以米和麴菌發酵而成的米麴，醃製新鮮雞塊再製成串揚。因為米麴的鈉含量比食鹽低，對身體負擔較少， 是近年熱門的健康食法。 ▲櫻花蝦餅，蝦餅是大廚每日以手打墨魚滑包裹著櫻花蝦製成，充滿櫻花蝦香味，再經秘製炸漿油炸，充滿層次。 ▲九鬼手羽，餐廳的招牌小吃，用無激素阿波尾雞，肉味濃郁而且脂肪含量低，再配合自製的辣醬醃製，惹味可口。 ▲梅水晶，大廚用口感爽脆的鯊魚鼻軟骨加酸梅製成，適合佐酒。 ▲關東煮有兩款湯底，包括傳統的昆布湯和魚湯，配合白魚板、厚楊豆腐和竹輪，絕對係醒酒暖胃的必點之選。 ▲ 各款餐酒及清酒。 文字來源：香港人遊香港...
鍾意去餐廳酒吧chill嘅朋友唔可以錯過呢間位於中環蘭桂坊居酒屋， 餐廳裝潢別緻，掛有現代藝術家Tomoo Gokit嘅作品作點綴，氣氛十足 。 而食物亦大玩現代風，以新式手法重新烹調傳統日式美食！其中最有人氣嘅係Pablo，即以西洋菜泥伴咖啡腌製既鰤魚，加上隔離嘅wasabi乳酪，清新而開胃！佢地嘅和牛三文治更加滋味， 鮮嫩多汁嘅宮崎A4和牛里肌肉外脆內軟，配上蛋黃醬同日式炸豬排醬，夾喺略微烘烤既牛奶麵包中間，牛香四溢！顧客除咗可以品嘗美食，仲可以聽Live Jazz！ ▲ Pablo ($180) ： 即以西洋菜泥伴咖啡腌製嘅鰤魚，加上隔離既wasabi乳酪，清新而開胃 。 ▲ Signature Wagyu Sando ($350) : 鮮嫩多汁嘅宮崎A4和牛里肌肉外脆內軟，配上蛋黃醬同日式炸豬排醬，夾喺略微烘烤既牛奶麵包中間，牛香四溢！...
呢間居酒屋地方細細，但裝潢同食物都甚有心思！招牌「心之魚生飯」配合鋪頭名，做成心形夠晒少女，裡面有三文魚、吞拿魚、鯛魚、甜蝦同蟹籽等，非常足料，啖啖都食出鮮味！「鰻魚石鍋飯」則原條鰻魚咁上，香嫩多汁，夠晒誠意，配埋有飯焦香既石鍋飯，好有層次！仲有佢個「邪惡包」係用左帶子夾住鵝肝整成，鵝肝煎得岩岩好又不油膩，加上帶子鮮甜味，口感非常豐富！最近仲推出左全新既「心之蛋卷」，裡面有鮮甜三文魚、魚籽、同流心芝士，仲有陣陣蛋香味添，非常邪惡！ ▲招牌「心之魚生飯」非常足料，面上鋪滿左三文魚、吞拿魚、鯛魚、甜蝦等等，中間夾著魚籽，層次豐富，啖啖都食到魚生既鮮味！(HKD$$98) ▲「鰻魚石鍋飯」都夠晒誠意，上枱時熱辣辣，配埋有飯焦香既石鍋飯同鰻魚汁，夠晒滿足！ ▲「鰻魚石鍋飯」既鰻魚啖啖肉，絕不欺場，岩晒肉食獸啦！ ▲「邪惡包」用左帶子包住鵝肝，鵝肝肥美煎得岩岩好，再加埋鮮味既帶子，入口即溶，鮮甜味係口腔久久不散，非常矜貴又滋味！(HKD$38) ▲新推出既「心之蛋卷」裡面有三文魚、魚籽，裡面既半溶芝士係流心的，加上嫩滑半熟既雞蛋，真係好邪惡！ ▲作為居酒屋又點少得串燒呢！呢度既「火牛三寶」都大受歡迎，分別係牛脷，牛柳串，海老露筍牛肉卷！即場大火燒，肉質嫩滑岩岩好！ 心之食堂 地址：銅鑼灣耀華街3號百樂中心12樓1203室營業時間：18:00 – 02:00 (星期日休息)電話：23211880 文字來源：香港人遊香港／圖片來源：@lovecafe333、@sa_foodieadventure、...
蘭桂芳除左酒吧，其實都有唔少好野食。呢間鋪仔細細既居酒屋，除左一般燒物串燒外，佢既芝士火山系列令一眾芝士怪流晒口水。「雙重芝士火山黑松露半燒鵝肝飯」聽個名夠晒霸氣，黑松露夠多夠香，三塊鵝肝都厚身又juicy，外表煎得夠脆，重點既芝士都爆晒出黎，仲有火灸過既香味，非常惹味。除左鵝肝，仲有「雙重芝士火山燒鰻魚飯」、「雙重芝士火山蕃茄牛肉飯」等等等，選擇超多。當然仲有其他串燒例如蒲燒鰻魚都非常厚身肥美，免治雞肉棒等等。 ▲「雙重芝士火山黑松露半燒鵝肝飯」($280)唔算平，但三塊厚身鵝肝同爆多既芝士同黑松露，絕對對得住呢個價錢 ▲「雙重芝士火山燒鰻魚飯」都絕不欺場，鰻魚夠滑，配上鰻魚燒汁同拉絲芝士簡直絕配 ▲「雙重芝士火山蕃茄牛肉飯」就相對平實，但一樣用料慷慨 ▲作為居酒屋又點少得串燒，呢個免治雞肉棒相當受歡迎 ▲串燒又點少得安格斯牛 Nunu燒 地址：中環和安里11號地舖電話：91929294營業時間：星期一至四、六 11:30-22:00 (3:30-5:30休息) / 星期五11:30-23:00 (3:30-5:30休息) / 逢星期日休息 文字來源：香港人.遊香港／圖片來源：@nunusiu、@@chi_bu_pang、@sasagingerman...
香港人出晒名步伐快🏃♀️，誓要爭取每分每秒，咁好容易繃到好緊。間唔中都要搵個地方抖吓氣，放鬆吓。呢間居酒屋就夠晒寧靜，令人放慢落來。依到嘅酒款都幾多，有日本威士忌同清酒等🍻，餸酒嘅小食仲幾好食，關東煮煮得入味，夠正宗，配上佢地自家製嘅芥辣、辣味噌，或者帶桃汁嘅西京味噌等醬汁，連日本人都好捧場🤤！ ▲先來一碗暖到入心嘅雞湯回回血先，坐低慢慢放鬆下 ▲全部燒物係用備長炭燒嫁，燒落都幾惹味 ▲依到嘅關東煮好好食呀-煮得好入味 ▲環境都幾舒適，係時候要放鬆下啦 東京大眾酒場 地址：尖沙咀廣東道82-84號流尚坊4樓電話：3705 1098時間：星期日至四：12:00-15:00; 18:00-23:00星期五至六：12:00-15:00; 18:00-00:00 文字來源：香港人.遊香港／圖片來源：東京大眾酒場...