終於搞掂個project,緊係要同同事happy hour一番慶祝下,九龍灣邊有好地方chill架?小編今日就介紹呢間連鎖經營既居酒屋,就位於商業大廈樓下,快食個二人前套餐,包括枝豆、七味鱈魚棒、刺身二點盛、日本和牛串、鹽燒赤海蝦、海膽赤之戀丼,加$1就可以任飲Sapporo 啤酒,真係大滿足呀! ▲只要人均消費夠$150,就可以加$1任飲日本Sapporo啤酒(正價$30/罐)Sapporo以香味見稱,入口麥味清香,酒香厚度卻恰如其分 ▲小編揀呢個二人前套餐,包括枝豆、七味鱈魚棒、刺身二點盛、日本和牛串、鹽燒赤海蝦、海膽赤之戀丼 ▲七味鱈魚棒,鱈魚棒燒乾後灑上七味粉,係個唔錯既佐酒小食! ▲將啲枝豆烚熟再撒鹽表面,微咸既青豆配啤酒係好多日本人至愛嘅佐酒小食,食下又一條條好快食哂! ▲海膽赤之戀丼,肉質豐厚的加拿大海膽配上鮮甜肉厚既赤蝦,確係一流! ▲刺身二點盛,有厚切三文魚同油甘魚 ▲赤海蝦做刺身已經好正,鹽燒更發輝佢既肉鮮甘香!;日本和牛串牛肉油脂豐富,好食! 鳴門割烹料理 地址:九龍灣宏照道33號國際交易中心2樓2號電話:2796 7788供應時間:6pm 後入座 文字/圖片來源:香港人.遊香港...
十點後叫啤酒🍺或sake🍶就送! OT工作已經好辛苦,放工想食返餐好慰勞下自己,可以黎呢間居酒屋旺角或西環店,order武藏男山清酒一壺或 Orion 生啤一杯,即可免費獲贈「0円美食」一客,食客可揀赤蝦刺身、赤鷄翼、炸餃子或炸雞,而且多飲仲多送!一客sake、一客小食,叫埋個friend一齊食住傾,真係人生一大樂事! ▲鳴門不嬲都搞作多多,今次仲叫sake或啤酒送小食或刺身!呢款清酒絕對唔係hea貨色,而係武藏男山清酒($48/200ml),出自擁有逾200年歷史「小山本家酒造」,其出品以日本國產米同秩父連山荒川水系的天然湧泉釀造,口感清澈淡雅。而沖繩Orion啤酒就一貫清爽且口感清甜。 ▲小編推介sake緊係配肉質飽滿爽嫩、味道鮮甜既赤蝦刺身,而啤酒口感就比較百搭,炸餃子外皮香口鬆脆、雞 翼 皮香肉嫩、炸雞即叫即炸,樣樣口感一流。 鳴門魚市場居酒屋(旺角店) 地址:旺角染布房街12-14A依利大廈地下B號舖電話:2392-6106宵夜時間:22:00-凌晨2:00 鳴門魚市場居酒屋(西環店) 地址:西營盤第一街8號縉城峰地下2號舖電話:2640-1000宵夜時間:21:00-23:00 文字來源:香港人.遊香港/圖片來源:鳴門集團...
香港人出晒名步伐快🏃♀️,誓要爭取每分每秒,咁好容易繃到好緊。間唔中都要搵個地方抖吓氣,放鬆吓。呢間居酒屋就夠晒寧靜,令人放慢落來。依到嘅酒款都幾多,有日本威士忌同清酒等🍻,餸酒嘅小食仲幾好食,關東煮煮得入味,夠正宗,配上佢地自家製嘅芥辣、辣味噌,或者帶桃汁嘅西京味噌等醬汁,連日本人都好捧場🤤! ▲先來一碗暖到入心嘅雞湯回回血先,坐低慢慢放鬆下 ▲全部燒物係用備長炭燒嫁,燒落都幾惹味 ▲依到嘅關東煮好好食呀-煮得好入味 ▲環境都幾舒適,係時候要放鬆下啦 東京大眾酒場 地址:尖沙咀廣東道82-84號流尚坊4樓電話:3705 1098時間:星期日至四:12:00-15:00; 18:00-23:00星期五至六:12:00-15:00; 18:00-00:00 文字來源:香港人.遊香港/圖片來源:東京大眾酒場...
蘭桂芳除左酒吧,其實都有唔少好野食。呢間鋪仔細細既居酒屋,除左一般燒物串燒外,佢既芝士火山系列令一眾芝士怪流晒口水。「雙重芝士火山黑松露半燒鵝肝飯」聽個名夠晒霸氣,黑松露夠多夠香,三塊鵝肝都厚身又juicy,外表煎得夠脆,重點既芝士都爆晒出黎,仲有火灸過既香味,非常惹味。除左鵝肝,仲有「雙重芝士火山燒鰻魚飯」、「雙重芝士火山蕃茄牛肉飯」等等等,選擇超多。當然仲有其他串燒例如蒲燒鰻魚都非常厚身肥美,免治雞肉棒等等。 ▲「雙重芝士火山黑松露半燒鵝肝飯」($280)唔算平,但三塊厚身鵝肝同爆多既芝士同黑松露,絕對對得住呢個價錢 ▲「雙重芝士火山燒鰻魚飯」都絕不欺場,鰻魚夠滑,配上鰻魚燒汁同拉絲芝士簡直絕配 ▲「雙重芝士火山蕃茄牛肉飯」就相對平實,但一樣用料慷慨 ▲作為居酒屋又點少得串燒,呢個免治雞肉棒相當受歡迎 ▲串燒又點少得安格斯牛 Nunu燒 地址:中環和安里11號地舖電話:91929294營業時間:星期一至四、六 11:30-22:00 (3:30-5:30休息) / 星期五11:30-23:00 (3:30-5:30休息) / 逢星期日休息 文字來源:香港人.遊香港/圖片來源:@nunusiu、@@chi_bu_pang、@sasagingerman...
呢間位於中上環的隱世高質居酒屋,將日本味道帶到香港外,而且價錢超值,性價比高。店內牆上貼滿日本經典電影及漫畫海報,彷如置身於東京橫街小巷。店內食材由日本直送,和食以傳統日式方法處理,非常正宗,而且價錢親民。
鍾意去餐廳酒吧chill嘅朋友唔可以錯過呢間位於中環蘭桂坊居酒屋, 餐廳裝潢別緻,掛有現代藝術家Tomoo Gokit嘅作品作點綴,氣氛十足 。 而食物亦大玩現代風,以新式手法重新烹調傳統日式美食!其中最有人氣嘅係Pablo,即以西洋菜泥伴咖啡腌製既鰤魚,加上隔離嘅wasabi乳酪,清新而開胃!佢地嘅和牛三文治更加滋味, 鮮嫩多汁嘅宮崎A4和牛里肌肉外脆內軟,配上蛋黃醬同日式炸豬排醬,夾喺略微烘烤既牛奶麵包中間,牛香四溢!顧客除咗可以品嘗美食,仲可以聽Live Jazz! ▲ Pablo ($180) : 即以西洋菜泥伴咖啡腌製嘅鰤魚,加上隔離既wasabi乳酪,清新而開胃 。 ▲ Signature Wagyu Sando ($350) : 鮮嫩多汁嘅宮崎A4和牛里肌肉外脆內軟,配上蛋黃醬同日式炸豬排醬,夾喺略微烘烤既牛奶麵包中間,牛香四溢!...
位於中環的日式居酒屋,環境裝潢以木系爲主,整體感覺與日本餐廳十分相似!最重要是能夠讓客人體驗穿上和服的感覺,好像置身於日本一樣!