呢間位於上環嘅多國菜café，環境以粉藍色作主調，少女心十足。菜式選項都十分多元，不論是東南亞風的飯麵，或西式意粉、漢堡及薄餅等，通通都有售。適合一班朋友去打卡，試多國菜式！櫻花蝦海鮮喇沙味道濃郁⋯⋯
這間由馬來西亞華僑廚師主理的星馬菜館，最受歡迎菜色要數招牌海南雞及正宗喇沙摻摻！海南雞飯幾乎每檯都叫，肉質嫩滑，點黑豉油、薑蓉、辣椒油一齊食無得頂！喇沙摻摻，「摻摻」其實是「兩溝」的意思，這兒用上瀨粉溝米粉，口感非常特別，配上香濃喇沙湯底，喝下去香味獨特又充滿椰香，非常吸引！
位於旺角呢間泰式餐廳由上至下都係一班90後嘅後生仔打理，其中一個負責人更有一半泰國血統，所用的醬料香料都泰國入口夠正宗。呢到主打泰式海南雞飯，雞肉滑嫩仲啖啖肉唔會肥，雞皮又爽彈配自家製泰式辣醬，酸酸辣辣好惹味，而且份量絕不孤寒大大份，仲有3款飯可供選擇黃油飯、白飯和豬油飯夠晒邪惡。另一必食網蝦春卷，即叫即炸的春卷外層薄網超級鬆脆，炸到連蝦尾都食得。 ▲招牌泰式無骨海南雞飯($45) ：雞肉滑嫩啖啖肉唔會肥，雞皮又爽彈。自家製泰式辣醬，酸酸辣辣好惹味。 ▲仲有3款飯可供選擇黃油飯、白飯和豬油飯。油飯不會太油份量多，但少了雞香味。 ▲網蝦春卷($18/4件) ：即叫即炸，外層薄網超級鬆脆，炸到連蝦尾都食得。中間除了蝦肉外還有些香芋，增加香味。 ▲炸雲吞蝦($24/4件) ：粒粒炸雲吞都卜卜趣，中間蝦肉夠新鮮彈牙，配甜酸醬一絕。 ▲小店內放了一幅搶眼真香港人壁畫，超用心製作。 文字 / 圖片：香港人遊香港...
邊個話去銅鑼灣食野一定富麗堂皇？係地鋪街邊食泰北菜都有架！呢間係小編係銅鑼灣工作既朋友介紹既，佢位於銅鑼灣車房附近，係好多打工仔既Lunch 飯堂！朋友就推薦佢地香葉肉碎炒飯，d飯真係炒到粒粒分明，而且飽滿既飯粒索滿醬汁好夠味，重點當然係上面果隻流心蛋，撈埋惹味既炒飯真係一流！ ▲香葉肉碎炒飯（＄60），用上九層塔葉加埋泰式調味料，上台時果真香氣十足，而且上面頭加隻荷包蛋更美味 ▲香葉肉碎煎蛋飯，香葉混入肉碎再炒豆角，將香辣惹味層次提升！ ▲海南雞飯（＄64）海南雞已去骨, 食落好滑啖啖肉，醬汁有薑、辣椒同青檸係海南雞飯靈魂所在！ ▲呢間位於銅鑼灣既泰國餐廳，難得地有戶外位，呢d天氣都好多人坐！ 泰滋美 地址：銅鑼灣希雲街33號A地下電話：25777822營業時間：11:30 – 23:00 文字來源: 香港人.遊香港/圖片來源: chopsticksdiary、snapeats、lokrry、leowoo611...
荃灣又有好野食！呢個越式海南雞飯，由原個椰皇焗製，而所用既飯唔係用蘋油飯去煮，而係椰皇水、黃薑、香茅同斑蘭葉去煮製，所食咬口芳香煙韌。椰肉經烤焗仲可以食埋佢！海南雞雞肉嫩滑，自然風味鮮甜。 ▲原個椰皇海南雞飯($59）海南雞肉嫩滑，雞飯吸收哂椰水、椰肉精華，-椰香甜甜十足。 ▲烤豬頸肉撈檬（$45）香噴噴烤豬頸肉，加上越式魚露撈檬粉入口醒胃清新。 ▲生牛肉湯河（$49）湯底時加入牛腩熬製，湯底絕無味精，而且肉香味濃！ ▲原個椰皇海南雞飯($59）呢個concept係用原個椰皇盛飯，份量唔算多，不過幾有心思！ 綠色越南 地址 ：荃灣西樓角道202-216號荃昌中心昌寧商場地下28號舖 文字來源：香港人.遊香港／圖片來源：@savannahleung35、@kel.lei、@iileewengi...
呢間係由泰國夫婦開幕，非常地道！最出名海南雞飯既雞肉已經起骨，肉身唔算滑，配上香茅味油飯，油飯粒粒分明，濃味醬汁非常惹味！仲有船麵都好抵食！ ▲海南雞飯（＄38）雞皮薄雞肉唔肥，油飯軟綿。 ▲泰式肉碎生菜包 香濃惹味肉碎拌入泰式香料，口感豐富加埋清爽既生菜真係好正！ ▲船麵 （$25 ）湯底牛骨香濃，香而帶點甜。 ▲泰式金邊粉（＄38）金邊粉都唔算細份，有幾件厚切雞脾肉同大量紅色櫻花蝦！ 雄泰 地址：粉嶺和泰街21號地舖電話：26680348營業時間：11:30 – 22:00 文字來源：香港人.遊香港／圖片來源：@ram_goloso、@hongkongunchiku、@fnadow、@kevincheng1234...
呢間海南雞專門店個個食完都大讚，除左因為價廉物美之外，主打無味精製作新加坡式去骨海南雞，只見每台台上都有一盤油畫調色盤，上面有三款醬料－葱茸、辣汁、豉油，很是特別！招牌新加坡無骨海南雞，擁有油香外皮非常嫩滑，配上油飯煙韌幾好食。 ▲雞皮爽而肉嫩，有齊三色醬，小編最愛都係甜醬油！ ▲2小口去食小編推薦二人餐（＄165）有湯、半隻海南雞(跟飯)、一個餸、油菜同埋飲品 ▲呢個跟餐青紅蘿蔔南瓜湯順㗋非常。 ▲金沙香蒜雞飯 $50 。金沙香蒜雞惹味，岩哂重口味之人 雞仔去骨海南雞專門店 地址： 長沙灣元州街493號靄華大廈地下1號鋪電話：5377 7710營業時間：11 am-10:30 pm 文字來源：香港人.遊香港／圖片來源：@garygarychiu、@kadyfung、@glo_golf、@justfood_hk...
小編去酒樓飲茶，都好鐘意食白雲鳳爪，但係整得好既食店實在唔多，除左招牌鳳爪之外，仲有翼尖、雞膝頭。醬汁亦有泰式、麻辣、沙薑選擇。其中小編最推薦沙薑口味，爽口既鳳爪撈埋麻油、沙薑粉，夠哂香口！ ▲白雲鳳爪($45/磅)浸過白滷水，加上一點白芝麻，已經相當好味！而且鳳爪可以揀有骨或冇骨，鐘意多口感就可以揀有骨，而好似小編呢d懶人當然揀冇骨！ ▲有白雲、泰式、香辣、麻辣、沙薑、魚露、黑椒或酸甜8種口味，最多人揀係沙薑口味！ ▲除左鳳爪之外，仲有其他小食如雞膝蓋同雞腎。 ▲開店以來得到唔少客人支持，仲有區外人得登黎買！ 強記鳳爪 地址：大埔鄉事會街8號大埔墟街市及熟食中心一樓SM04舖電話：65836428 文字：香港人.遊香港／圖片來源：@candy_hsin、@sanwong627、@tyyangela、@eat.fung...
小編記得之前去台中小店食過一人一個鍋，香港人一直都好少呢d鋪頭，而家係尖沙咀就食得到！呢度湯底火鍋款式多多，包括招牌竹笙椰子海南雞鍋、麻辣肥牛窩、冬蔭公海鮮窩、忌廉龍蝦湯、韓式泡菜鍋等。除一主材料牛、豬或海鮮外，仲有秀珍菇、花枝丸、娃娃菜、金菇、粟米、鮮茄等，完全唔駛諗食咩！ ▲麻辣肥牛窩88一個份麻辣窩真係大滿足！岩哂平日唔係食好多既人！ ▲沙嗲肥牛窩88滾得火熱的是潮洲沙嗲鍋沙嗲味道唔算濃，不過由於份量唔多沙嗲醬汁都容易掛係牛肉之上！ ▲招牌竹笙椰子海南雞鍋128湯式清甜養生滋潤，椰子味香濃無比，而且雞肉嫰滑！ ▲鮮茄茸雜菜窩-78-所有鍋物內已經有粉絲或烏冬，仲有一碗白飯，細食既朋友仔可以考慮下2個人share食！ 熱點 地址 ：尖沙咀加連威老道18號地下B舖電話：37020019營業時間：18:00 – 23:30 文字來源：香港人.遊香港／圖片來源：@goaround.daily、@cathylamm、@mjqueen7e、@keecheryl...
