呢間位於柴灣屋邨入面已經有多年歷史的港式茶餐廳,充滿傳統茶餐廳風格,好似卡位和牆壁充斥不同餐牌,花紋格仔地磚,好有舊香港味道。食物方面當中的蔥油生炸雞髀可以話必試,即叫即炸生雞髀配上香口的蔥油,外皮炸至脆卜卜但肉質保持多汁嫩滑。
76 結果
雞髀
這間以生炸雞髀作主打的茶記,牆上大大隻字寫上「神級雞髀皇」、「雞髀打人牙骹軟」,非常霸氣!「神級雞髀皇」份量十足,採用韓式醃肉方法,醃足幾個小時,果酸讓肉質變得更加嫩滑,客人落單後即叫即炸,以高溫炸至雞皮勁脆但內裡仍鎖住肉汁,外脆內嫩!
位於中環嘅拉麵店,餐廳裝潢以日式木系風格設計,油漆傢俬配深啡木,同時設有戶外座位。拉麵店屬於日本有超過150家分店的塚田農場副線,新裝修後變成居酒屋,增添多款小食,例如關東煮、炸雞等等,餐牌提供多款特色拉麵,有必試招牌慢煮雞髀醬油拉麵、熱賣番茄拉麵、蝦味噌拉麵、柚子拉麵! ▲慢煮雞髀醬油拉麵,係居酒屋招牌式拉麵,濃郁的雞白湯,配嫩滑雞髀和溏心蛋。 ▲蝦味噌拉麵,配以赤味噌、白味噌及波士頓龍蝦殼一同熬製,蝦鮮味十足,帶淡淡鹹香。每碗配上虎蝦,蝦肉結實彈牙,鮮味更上一層。 ▲番茄拉麵,配上雞肉絲、番茄、芝士,係店內最暢銷嘅一款拉麵。 ▲柚子拉麵,帶有淡淡的柚子香未,上面係築地雞肉丸和玉米。 ▲酒糟炸雞,以清酒酒糟及鹽漬為主要醃料,再以油炸至金黃香脆。 ▲壽喜燒串,日本冬季的主食將新鮮的蔬菜釀入和牛,再點上醬油和生雞蛋,味道非常鮮美~ 文字來源:香港人遊香港/圖片來源:@nojo.hk...
凌晨時分肚餓可以點做,好多長沙灣人都大推呢間小食店,老闆娘萍姐主打即叫即燒即炸小食、串燒,茄子、雞翼、雞軟骨、豬頸肉、台灣腸都係好多街坊最愛!雞髀扒皇更加係呢度既皇牌,內層又嫩又多汁,上台時仲有「滋滋」聲,而無骨雞髀肉外皮脆卜卜,真係雞皮燒得剛剛好,爽脆口感搭配肉質,惹味香口仲要係無骨啖啖肉。最岩叫返打啤酒,一路啤啤佢,一路食宵夜! ▲蒜蓉扇貝($32/隻)扇貝加上蒜蓉、淮鹽。扇貝燒完更入味鮮美,蒜蓉調起左個味道! ▲雞髀扒皇($28/隻)雞皮濃郁焦香同油香,食慾大增非常誘人! ▲雞髀扒皇($28/隻)上台時已經預先切好一件件,方便食用。 ▲二送車仔麵($30/碗) ▲自家蒜蓉醬豆苗,豆苗清香脆爽,配上色澤誘人、香味撲鼻既自家蒜蓉醬。 ▲原條燒茄子($26)將茄子對半切開,中間鋪上芬香既蒜蓉,茄子冇渣 萍姐美食 營業時間:18:00 – 04:00地址:長沙灣青山道380號和興大廈地舖電話:63313411/60373166 文字來源:香港人遊香港 / 圖片來源:@ragazinehk、@steven_kmk、@sukitsk...
呢間老牌港式快餐1975年開業,一路都係走舊式快餐店風格,氣氛富人情味,由早餐、午市到下午茶,顧客都絡繹不絕。裝修擺設以橙、紅與白為主,牆上貼滿各款餐單,好多華富人都係由細食到大,即使搬離華富既中年人,都帶自己仔女weekend返黎呢度懷緬一番,可見自稱雞髀大王呢一間食店既實力。呢度雞髀入味,生炸即成色澤金黃,油光滿滿,啖啖肉嫩多汁,值得encore! ▲黑椒雞髀飯:黑椒毫不吝嗇,足夠送飯!大大隻既炸雞髀,咬開雞髀,即刻食到肉嫩多汁既雞肉,見到晶瑩剔透既雞油 ▲生炸雞髀:食落充滿雞油甘香,肉厚而且油脂滿瀉 ▲黑椒雞髀飯:雞髀油光潤澤,食落充滿雞油甘香,肉厚而且油脂滿瀉。做法幾十年都冇變,雞髀醃至入味,再用滾油炸副8成熟,客人order時才炸至全熟 ▲咖哩牛腩飯:牛根腩炆得夠稔,咖哩係港式微辛口感,不過配料就似足日式咖哩,有齊紅蘿蔔、馬鈴薯、洋蔥,送飯一流! ▲呢間難得既香港仔清泉,多次參加最近社會運動既罷工罷市 麗絲快餐店 地址:香港島香港仔華富邨商場6樓17-18號舖 營業時間:2550 4914 文字來源:香港人遊香港 / 圖片來源:@kizmeqik、@stupid_stupid_00_0210、@desmondyellow、@archumom、@bartonlo...
屯門區呢間實力派小食店很得輝一向都是車友愛聚腳的深宵小食店。小食店主打有三款口味的雞髀。夜媽媽唔怕邪惡的話必定要試下佢地極Juicy的生炸雞髀。如果嫌生炸太熱氣的話,滷水髀或沙薑髀都相當入味架! 店主表示如果唔夠喉的話還有各式各樣的小食選擇,唔夠飽的話仲可配麵餐或自家製的磨菇飯添! ▲雞髀(生炸/滷水/沙薑)($30)店主堅持每隻雞髀都係即叫即整。生炸雞髀皮脆肉嫩勁JUICY,配上指天椒辣粉或香草辣粉,味道更上一層樓。 ▲店主表示有兩款究極級的辣粉可以俾好辣的食客挑戰。小編實試過,真係辣到噴火呀。 ▲滷水髀同沙薑髀名氣雖然不及炸脾大,但店主的自家秘方令到雞髀入味之餘又能保持肉質的嫩滑口感 ▲椒鹽雞軟骨($39)粒粒都炸到卜卜脆呀!! ▲蘑菇飯(跟餐$17)炸髀配菇飯應該不會陌生,但留意番呢個汁係自家調味架! ▲益力多沙冰($30)唔好誤會呢杯係雪糕,係沙冰黎架。 ▲菠蘿的海($25)呢杯其實係菠蘿味梳打加藍糖水,小編鍾意佢個名有詩意得黎又好靚。 「沒有最邪惡,只有更邪惡」就算食到肥過電單車,都要黎試下喇 !HAHA! 很得輝 地址:屯門仁愛堂街50號金滿閣地下C2號舖電話:91948386營業時間:星期二至日 18:00 – 02:00 文字/圖片來源:香港人.遊香港...
元朗有間快餐小店,賣既係大大碟頭快餐,巨型雞髀先焗後炸,鎖住肉汁,雞髀肉非常嫩滑,實在係出色之作。不過雞髀又點可能隻隻一樣大呢?老闆覺得唔夠大隻既話就會比夠2隻,真係個良心它細黎! ▲至識食雞脾-28,棄用味精醃料,反而用洋葱、蒜頭等蔬菜香料打蓉醃。 ▲選用大大隻雞髀,真係隨時大過你塊臉!雞髀外皮薄而香脆,充滿肉汁。 ▲雞髀肉醬意粉,老闆覺得雞髀唔夠大隻就會比多隻你! ▲聽講高峰期日賣300隻! 覓食家 地址: 元朗鳳琴街15-21號地下14-18號舖鴻運中心營業時間:11:30–21:00 文字來源:香港人.遊香港/圖片來源:@zoey_lam007、@hohosharediary_hohomei、@c____c_e、@makeup_cole.k...
油麻地呢間食店最出名炸大大雞髀, 外層香脆又唔會好油膩, 女仔食唔怕肥。雞髀中間非常入味。雖然表面炸到好咁乾身,但裡面仲keep到嫩滑多汁,咬落去肉汁豐富又嫩滑,真係唔話得! ▲巴蜀生炸雞脾王煎蛋飯($42) ▲原來雞脾用菠蘿果醋汁醃雞髀醃3個鐘! ▲大大隻炸髀皮脆肉香,肉質Juicy非常,小編覺得雞髀配薯條($33)先係絕配! ▲小店人手同地方都有限,好多時賣哂就收工! 和順記 地址:油麻地碧街24號地鋪電話:9868 7962營業時間:7am-4pm 文字來源:香港人.遊香港/圖片來源:@chu_mui、minggt1、drerictsui、chu_mui...