大南街café多，吸引不少文青到訪。最近更有魚生飯專門店進駐，健康又足料的魚生碗，打卡或醫肚都一流！魚生飯有超過20款配料提供，亦有多款醬汁。配搭自由度高。若選擇困難，亦可選餐廳配搭好的款式⋯⋯
呢間位於深水埗的日本餐廳，主打魚生丼飯，根據份量和魚生種類分為4款選項——梅、竹、松及特上。 丼飯的特別之處就是可以一丼三食，首先以紫菜包飯做手卷，之後品嚐丼飯，最後加入湯整成茶漬飯，每種食法都有不同口感及味道，但海鮮的鮮味不變⋯⋯
成大半年但仍然未有得飛，真係好掛住日本啲魚生同其他美食啊！如果真係想止吓個「和風」癮，可以去呢間鮨一日本料理，食返個海鮮丼先啦！呢度嘅壽司同出面嘅唔同，啲壽司已經係豉油色，只需沾少少Ｗasabi就可以食！其中千層海膽飯一定係必食之選， 海膽飯最上層鋪滿咗大量海膽，下面有拖羅蓉同壽司飯。另外會提供紫菜比你包住海膽嚟食，海膽好新鮮，食落去好香甜！加上海膽上面嘅金箔，令到成件事高級十倍！ ▲ 千層海膽飯 ($298)： 一啖海膽一啖飯，你會發現海膽多過飯！ ▲ 日本A5和牛刺身丼 ($398) ：可能大家都食過和牛燒肉，或其他和牛菜式，唔知和牛刺身丼你又有冇興趣呢？ 和牛刺身口感超軟嫩，入口即融！ ▲ 池魚王 ($268)： 珍貴嘅刺身部位，都要靠師傅刀工先可以切得咁薄。口感勁軟滑，食落有陣魚油香味！ ▲上十貫目 ($238) ： 壽司飯係醬油顏色 ，唔使再額外點豉油都夠晒味道！ ▲甲羅燒 ($98)： 蟹膏勁鮮甜，撈埋生蛋黃食就更加香滑！ ▲刺身拼盤：每款刺身有兩片，一個人都可以食晒八款！ 文字來源：香港人遊香港 / 圖片來源： @littlefoodcravershk 、@kingfoodies 、@ riri.foodie.na 、@yoyohomei...
喺香港，一般想食一餐好食嘅日本菜都唔平，呢間位於觀塘嘅樓上日本餐廳就提供價錢平民嘅壽司、刺身同丼飯，而且味道都十分唔錯。當中最多人叫嘅當然係魚生飯，由最平$60去到最貴$188都有，最抵食嘅就係刺身魚生飯，$98可以食齊海膽、三文魚、油甘魚、甜蝦、帶子、蟹籽、玉子、蟹柳、章魚同埋魷魚，魚生控可以食返夠本。唔夠飽嘅仲可以叫啲壽司同手卷，其中鰻魚壽司就相當唔錯。 ▲呢間餐廳主要做晚市，父子檔經營，由落單、煮嘢到埋單執枱幾乎都係由老闆自己打理，充滿人情味，簡直就好似香港版嘅深夜食堂咁，而且門口塊牌仲寫住「香港加油」添！ ▲刺身魚生飯($98)，有齊哂咁多樣魚生刺身，飯量又足，非常抵食。 ▲帆立貝甜蝦飯($98)，足足有6隻帆立貝同埋3隻甜蝦，鍾意呢兩款刺身嘅魚生控可以叫呢個飯。 ▲吞拿魚蓉飯($80)，吞拿魚蓉有好香嘅魚油味，而且份量十足，作為晚飯非常足夠。 ▲鰻魚壽司($18)，鰻魚燒至金黃色，飯入面仲包咗蟹柳同玉子，睇見都流口水。 ▲玉子($16)，金黃色嘅玉子，玉子控見到係咪好想食呢？ 職人食事 地址：觀塘開源道60號駱駝漆大廈3座6樓S1室電話：9355 2377營業時間：18:00 – 03:00 文字來源：香港人遊香港/ 圖片來源：@rogerli_lfhk、invisible_foodblog、carftsman、mandieatagram、craftsman_dinner...
係中環蘇豪返工食餐好d就會好貴，呢間就有唔少foodie都試過，Lunch 用120蚊就可以食到3個迷你丼飯，選擇都幾多架，有成27款！好似半燒三文魚飯、角切魚生飯、蔥碎三文魚飯呢d都好受歡迎！三式飯套餐仲包括味噌湯和餐後甜點，所以都幾抵食！ ▲呢個自選3個迷你海鮮丼set ($120) : 由當初100蚊食到依家120蚊，都仲係咁多人黎食！因為佢真係好抵，除左有3個迷你海鮮丼之外，仲有味噌湯同餐後甜點！ ▲迷你海鮮丼之中，角切魚生飯係幾受歡迎既，因為一次過可以食到幾款魚生，而且三文魚、吞拿魚、帆立貝同三文魚子堆到成座山咁高，影相打卡專用！ ▲半燒三文魚飯每碗都有4大舊三文魚，半燒之後，形成內生外熟！ ▲葱碎油甘魚，京葱分量都幾，勁香葱味同油甘魚都幾夾！ ▲丼飯餐仲有雪糕送！ 小澤日本料理 地址：中環蘇豪嘉咸街49號地下C號舖電話：25264828營業時間：11:30 – 15:00／18:00 – 22:00 文字來源：香港人.遊香港／圖片來源：@korea_angel、@heehee_yanyan、@yuyuhkfoodie、@eatol...
呢間位於銅鑼灣嘅日式丼飯店，雖然價錢稍高，但依然一直人龍不斷，皆因佢地採用嘅都係「日本空運食材」，食物非常高質，最近仲殺到入九龍區開分店，喜愛丼飯嘅朋友們係時候準備出動喇！ ▲主打用「日本空運食材」做日式丼飯嘅Superdon，首家分店「SUPERDON EXPRESS 」已經進駐九龍逸東酒店地庫嘅全新Food Hall。 ▲火焰三色丼 ($188) 有三文魚、中拖羅同三文魚背，魚生燒得半熟，魚油味香濃，飯嘅醋酸味突出，整體黎講非常不錯！ ▲丼飯本身份量偏少，男仔食怕唔夠飽的話也可加錢變set，會多份沙律同湯，店內亦有其他串燒小食供應（分店Menu可能有所不同） ▲如果怕貴，佢亦有其他比較平價嘅熟身丼飯可以選擇，如果想食豪小小，可以揀呢個北海道玉子黑松露和牛丼 ($268) 牛扒份量好多，肉質唔乾韌，入口有油香，旁邊仲有大量香蔥和生雞蛋、配埋醬汁撈飯超正！ スーパー丼 Express 地址：佐敦彌敦道380號香港逸東酒店地庫1號舖營業時間：12:00 – 21:00 文字來源：香港人.遊香港／圖片來源：hkfoodbae、chewyest、alvinho1001...
期間限定超抵優惠！喺荃灣有一間新開嘅日式小店做緊開張優惠，所有丼飯買一送一，包括魚生丼、爆丼、天婦羅丼同咖哩丼！重點小店並無將貨就價，丼飯足料之餘又有水準，值得推介👍👍👍 ▲大丼屋嘅丼飯主要分為四類，分別係魚生丼、爆丼、天婦羅丼同咖哩丼！今次就試咗巨型富士山丼 ($188) ，入面有蟹肉絲、三文魚子、牡丹蝦，吞拿魚腩蓉同海膽！所有魚生都非常新鮮，就連最容易出事嘅海膽都夠鮮甜！醋飯味道調得剛剛好，加埋青瓜絲，撈勻一齊食唔只增加口感仲有好fresh嘅感覺，真心推！ ▲另外我地仲試咗個 燒牛肉爆丼 ($88) 而佢的確係丼如其名，牛肉多到爆出黎，總共有5、6大片牛肉，牛肉有炭燒嘅味道，食落牛味都算濃而且夠軟身，拌飯嘅雞蛋亦有蛋香，雞蛋下面仲收埋好多椰菜絲，所有野加埋一齊黎食，味道一流，係食肉獸之選！ ▲另外叫咗幾個小食，分別係芝士蟹籽玉子燒 ($28)、炸魷魚鬚 ($28)同章魚小丸子 ($28)，玉子燒中間夾住不少芝士蟹籽，玉子甜度適中，口感鬆軟，魷魚鬚外皮炸得香脆，魷魚肉厚亦爽口彈牙，可惜章魚小丸子無乜餡料，而且粉太多，建議可以另選其他！ ▲買一送一優惠做到3月尾，重點係全店免收加一，真係抵上加抵呀！小店晚市時間已經派曬大隊，想試的話就可能要預少少時間排隊了！ 大丼屋 地址： 荃灣川龍街118號百悅坊2樓201-202號舖營業時間： 12:00 – 21:00電話：2156 2919...
鍾意食蟹又懶拆嘅朋友！🦀🦀 宗像屋專賣日式海鮮丼，每款海鮮丼內有9種或以上的魚貝海鮮，大家同時品嚐3種食法，包括傳統魚生飯、自製手卷及茶漬飯。最近佢哋再次推出全蟹丼，用阿拉斯加鱈場蟹即場製作，一到貨就即烚即拆肉！蟹肉分量方面，最吸睛嘅一定係堆到成座山咁高嘅220克蟹肉，另外仲有110g及160g可以揀。每日限定5碗，要食就快手啦！ ▲全蟹丼用活生生嘅阿拉斯加鱈場蟹製作，蟹一到貨即烚即拆肉！ ▲宗像屋開業有一段時間，好多食客都對佢地成座山咁高既魚生飯情有獨鐘。 ▲特上：吞拿魚，吞拿魚茸，甜蝦，北寄貝，帶子，三文魚籽，烏賊，油金魚，鱲魚，更加有海膽同蟹肉 ▲加上魚湯成為茶漬飯 宗像屋 Munakataya 地址︰青山道60號地下B鋪電話︰2178 3322 文字來源：香港人.遊香港/ 圖片來源：Meter Chen 、winnietamwingyi、 nicoleballball...
