位於紅磡的高級中菜飯店,非常適合港人與親朋好友在過時過節時到此享用美食慶祝。餐廳由香港淮揚菜界鼎鼎大名的蔣標先生創辦,另一間姐妹店更位於灣仔,菜式都是以中國淮揚菜爲主。餐廳環境高尚並帶有傳統中國風味,墻壁上的中國畫以至餐廳所用的餐具都完美地展現餐廳的中國傳統風味。
Eatertainment一直是香港迪士尼樂園度假區餐廳的一大特色,除了按時令食材變換菜式外,度假區酒店主廚團隊亦會不斷研發創意料理,令賓客保持新鮮感。賓客可於 7 月 1 日起至 9 月 30 日期間,於度假區酒店四間內的餐廳 - 華特餐廳、晶荷軒、雲龍軒以及芊彩餐廳將可一試米芝蓮一星中菜主廚陳國強的設計菜式。
香港其中一樣馳名美食就是煲仔飯!呢間位於西環的煲仔小菜餐廳,不止吸引香港人去品嘗,更出名到遊客都會特意到訪,一嚐香港滋味。餐廳有各款煲仔飯可選,有與煲仔飯絕配的臘腸潤腸⋯⋯
呢間北角中菜館除左有傳統菜式之外,仲會有一啲創作菜式食添。古井燒鵝來源係宋代宮廷秘方,因為宋朝皇帝逃難來到南方得來的,用上荔枝柴去燒。呢度出名唔至有燒味之外,仲會有燉湯,燉湯係用左意大利礦泉水配喜馬拉雅山粉紅礦物鹽煲,廚師會落足料煲成5粒鐘,絕不加味精!係社會運動期間,呢間良心食店仲有捐款比好鄰舍北區教會架! ▲本地蜂蜜叉燒拼無骨脆皮燒腩仔: 燒腩仔個皮好脆身,叉燒食落都好鬆軟嫰滑,燶邊程度埋蜜汁份量燒得岩岩好!呢度既燒味都會有蜂蜜拌豆作配菜! ▲金銀蒜開邊海蝦蒸陳村粉($138):陳村粉都入晒味,食落封好香蒜蓉味!開邊蝦食落去唔會無晒蝦既鮮味同蒸既時間岩岩好! ▲砂鍋鵝汁炒飯(普通$95): 呢個石鍋飯有啲飯焦係地,炒飯炒到粒粒分明! ▲荔枝柴燒新會古井燒鵝($170 下庄):呢度既燒鵝燒到個皮好脆同好薄!鵝肉味都好濃郁。 ▲桂林辣醬排骨籠仔飯: 午餐先有得食既籠仔飯,排骨入晒味,一個人食晒一個籠仔飯都好飽! 人人和平小飯店 地址:北角堡壘街6-8號A地舖營業時間:11:00 – 22:00電話:25708616 文字來源:香港人.遊香港/圖片來源:@happytummybkk、@ascendtegami、@lamb_xdd、@chaytuan、@hepingrestaurant_hk...
有時一大班人諗唔到食咩,可以考慮下食私房菜,今次介紹呢間私房菜位於尖沙咀,位置絕對有利。呢間私房菜係一棟大廈入面,在客廳放左三張大圓檯,而另外有兩間獨立房間,呢度既座位同菜式都需要預先預訂同埋落$500訂金。呢間一共有五個套餐提供,得套餐A係無海鮮,另外四個套餐都係有海鮮。今次小編食既係套餐C,六位客人份量。 ▲冬菇鵝掌花膠燴鮑魚:份量好多,鮑魚同花膠煮到好林身,而冬菇係勁入味! ▲當紅炸子雞:雞炸到個皮好脆,但肉質都幾滑! ▲花雕蛋白蒸蟹:呢個小編認為最好食,蟹肉多同好鮮甜,而蛋白蒸到好滑! ▲黃金大蝦: 每隻蝦都好大隻,蝦殻好濃咸蛋黃味,好惹味! ▲金銀蒜粉絲蒸元貝: 粉絲勁入味,好多蒜,每粒帶子都好大粒! ▲瑤柱西蘭花球: 去到尾聲先有呢個菜式,醬汁好多瑤柱絲,食落去有啲流。 ▲餐廳得呢5款套餐,有啲套餐要4位或6位起,套餐價錢是實價,不用再額外加一和茶錢。 薈萃軒 地址:尖沙咀彌敦道86-88號安樂大廈4樓B號舖 營業時間: 星期一至日18:30 – 22:30 電話: 52826528 文字來源/圖片來源:香港人.遊香港...
鼎爺喺節目到表現精湛嘅廚藝,大受觀眾讚賞,不過就有傳出呢間粵菜館「鼎會館」即將唔做,大家想試就要快喇!早前鼎爺就聯同駐店名廚李翔新設計兩份全新菜單,分別係午市菜單「庭園茶聚假日二人餐」同晚市菜單「鼎.會館 順德盛宴」。庭園茶聚假日二人餐係粵式嘅Brunch Set,每道菜都好似西餐咁做得十分精緻,其中最吸引人嘅就係香甜多汁嘅秘製叉燒。至於順德盛宴,入面嘅豉酒鵝燴陳村粉就採用咗新鮮預製嘅「順德馳名碌鵝」,鵝肉充分吸引香濃秘製醬汁,配埋陳村粉,簡直一流。 ▲鼎爺嘅廚藝有幾了得,相信大家喺節目入面都睇到,雖然價錢比較高,不過機會難得,點都要去試返次呀? ▲庭園茶聚假日二人餐($768/兩位),以西式Brunch嘅形式嚟包裝粵菜,一共有十款,每款都非常精緻。 ▲秘製叉燒、懷舊蝦多士、梨香釀帶子、紫晶千島汁脆蝦球,當中嘅叉燒經秘製醬汁醃最少5至6個鐘,再放入明爐燒至燶邊脆口,之後用煮過嘅麥芽糖搽上表面,再放入焗爐焗5分鐘,口感豐富,香甜多汁。 ▲話梅聖女果,就係車厘茄配梅醬,非常開胃。 ▲貴妃蚌稻庭麵、迷你豆莎煎堆、香漕滷水鵝肝,鵝肝用100度熱水浸至8成熟,之後放入冰水過冷河,令鵝肝維持喺最嫩滑狀態,再浸喺香漕滷水3個鐘,令鵝肝充分吸收滷汁,非常香口。 ▲阿爺芝麻卷、芋蓉燉鮮奶,食完上面嘅鹹食之後,就可以食呢兩款甜食,作為整個午市餐嘅完結。 ▲順德盛宴($888/一位),訂座由六位起,而且要提前兩日預訂,想去試下嘅人一定要留意。 ▲北滘鹽燒鮮鮑魚、龍江生煎雞,呢份晚市菜單而家仲做緊優惠,由原價$888/位減至$4,888/6位,當中已經包括咗加一服務費,優惠期去到10月31日為止。 ▲均安蒸豬,係順德名菜之一,用豬腩以秘製調味粉同埋順德二曲酒醃製3個鐘以上,再放入蒸爐大概40分鐘,然後用釘喺豬皮上均勻咁插多個細洞,等油脂滲出之後用冰水沖洗10-15分鐘,最後放涼切件上碟,肉香多汁而唔肥膩。 ▲松茸菌白玉杯,冬瓜入面釀入松茸同埋野菌,賣相精美。 ▲脆煎魚餅,香脆嘅外層包住魚肉餅,非常可口。 ▲芋蓉燉鮮奶、懷舊白糖糕,食完鹹食之後,就可以享受埋呢兩款中式甜品。 ▲花金鼓兩食,以兩種食法食花金鼓魚,一種係以刺身伴多種配料一齊食,另一種就係以豉汁清蒸。 ▲豉酒鵝燴陳村粉,碌鵝嘅肉充分吸收咗香濃醬汁,將呢啲鵝肉放上陳村粉一齊蒸,令陳村粉都吸收埋鵝汁嘅精華,食完令人非常滿足。 ▲鮮香焗龍蝦,肉質彈牙爽口,又唔算太大份,食完個胃都仲有位可以食埋其他菜式。 ▲鼎級拆魚羹燴魚翅,入面有甘筍、粉絲、木耳、勝瓜、腐竹、星斑魚蓉、果皮燈同芫茜燈,口感非常豐富。 鼎.會館 (已結業) 地址:中環皇后大道中80號H Queen’s 23樓 電話:2327 1398 營業時間:星期一至六 12:00nn – 3:00pm;6:00pm – 10:30pm 文字來源:香港人遊香港/ 圖片來源:@鼎.會館...
以前大埔有間麵店叫「和暢」,結業時好多人都好傷心,呢間「暢和」係一個80後近幾年創立既,依家佢以特許經營模式開左幾間分店。呢度醉雞肶入口酒香味濃,雞肉厚而滑,質感嫩滑,醉雞係用花雕酒浸,浸到佢酒香味濃。而配煙韌爽口幼麵就好正喇,首先麵條柔韌而彈牙,幼麵湯底以蝦角、大地魚及新鮮豬筒骨等熬製,落足心機! ▲醉雞例牌($49),呢度醉雞富濃濃酒香味,雞肉入口嫩滑,而且都幾厚肉 ▲order醉雞就可以+$15配埋蝦子撈麵! ▲麵店入面有古早口味碗仔翅食都係非常難得! ▲花膠冬菇 ▲牛腩麵肉質夠腍 ▲新鮮豬雜($50)用料充足 文字來源:香港人.遊香港/圖片來源:@window7777、@homie_food_hk、@guolamfruit、@niana_niefung...
去到粥鋪一定會有人叫一碟炒麵、一碗冇咁濃味既粥,將佢地撈埋一齊食!由幾年前傳出結業消息令街坊好傷心,但依家重開,又可以食到佢地既粥、炒麵同埋腸粉炸兩!豉油王炒麵咸香加入粥,炒麵色水均勻,夠哂鍋氣而不過硬,撈入碎牛粥食就最正! ▲呢個hidden menu需要自己自行組合!豉油王炒麵咸咸香香加入綿綿粥底有另一番風味! ▲佢地用自家煮過老抽炒熱幼麵,上色均勻,又唔會好油膩! ▲蝦米腸唔係用入貨,係店家新鮮香滑布拉腸粉,係要混醬先最好食! ▲唔上粥麵,仲有茶記名物香濃沙嗲牛肉麵,比多個選擇食客。 添財記粥粉麵咖啡 地址: 九龍城龍崗道35號營業時間: 07:00–17:00 星期一 休息電話: 2383 9664 文字來源:香港人.遊香港/圖片來源:@yschan、@fannyl00831、@glo.cheng、alexscheng...
仲有醉雞都好掂!粉嶺聯和墟有間以藥膳米線為主打,佢地天麻川芎白芷魚頭湯米線好受女士歡迎,呢個湯有平肝風、治血虛、祛頭風,好滋陰呀真係!每碗米線有魚頭、魚雲,都幾足料,魚雲膠原蛋白口感真係好正呀! ▲天麻川芎白芷魚頭湯米線($43),天麻川芎白芷湯味道香濃,呢個天氣飲一兩啖已經暖笠笠! ▲流心醉蛋($10)蛋黃呈流心水汪汪咁。 ▲家鄉雞湯米線($38)-配料上有冬瓜、雲耳、杞子同嫩口雞件 ▲醉雞有一隻($190)同半隻($100)揀,雞件夠滑,重酒香味,嫩滑新鮮 陳黃記 地址:粉嶺聯和墟聯昌街42號地舖電話:34817800營業時間:11:00 – 21:00 文字來源:香港人.遊香港/圖片來源:@sukimpy、@justfood_hk、@hkfoodiesilvana、@cammygm...
最近旺角呢間無麵店日日都大排長龍,原來大家都係想試柳州酸辣螺螄粉,食過嘅客人都大力推介,老闆每日自拆螺肉、配以雞湯、豬骨湯、酸辣筍、酸豆角等熬成嘅湯底,香濃得黎帶點酸酸辣辣,非常惹味!另一款都好多人叫嘅係卜卜蜆花甲粉,店主好細心咁用熱鍋上,新鮮蜆滾出奶白色嘅湯底,蜆肉花甲本身嘅鮮甜,加上金菇菜、玉米、莞茜等配菜,食落清甜好味! ▲香滑嘅米線,配上香濃嘅湯底、-配埋螺絲肉、肉末、酸豆角 ▲同場仲有其他麵款可以揀 ▲卜卜蜆粉用上原隻蜆、再配上金菇菜、玉米莞茜等配菜 ▲個湯滾到奶白色,非常清甜。 無麵不歡-中華房粉麵 地址︰旺角通菜街1A -1L號威達商業大廈地下M號舖時間︰12:00 – 23:00電話︰67688854 文字來源:香港人.遊香港/圖片來源:無麵不歡-中華房粉麵...
店主係陝西少數民族,最拿手做西安特色Biang Biang麵,每條足足有麵條近3cm闊,叫又腰帶麵!入口又比較像腸粉,滑而爽口,掛上辣度十足既香料同醬汁,香而不麻,愈食愈好食!唔怪得連續幾年都獲米芝蓮推介! ▲尖椒炒雞蛋,清清爽爽青椒香搭配煎的香酥雞蛋,送白飯一流! ▲製作Biang Biang麵用料簡單,高筋麵粉、鹽和水,但極費力氣,必須反覆揉壓、推拉、甩打。 ▲羊肉餃biang biang麵($52)加入大量炸蒜、生蒜、乾辣椒和醋,充分呈現陝西菜獨特的酸辣蒜香 ▲腊味肉夾膜,夾着臘汁豬肉,外面係有煎乾麵包質感,不過唔會太硬! 有緣小敍 地址:佐敦文苑街36號地舖電話:53002682營業時間:11:30 – 17:00、18:00 – 21:30 地址:中環和安里14-15號地下B舖電話:52966630營業時間:11:30 – 17:00、18:00 – 21:30 文字來源:香港人.遊香港/圖片來源:@33ayapan、@pixeve、@mzjstewart、@nomkonger...