呢間位於紅磡明安街開業的傳統上海式小店,剛榮獲米芝蓮推介!小店主打的粢飯,遠近馳名,即叫即做,新鮮滾熱辣,再加碗必試的鹹豆漿,當早餐或午餐,都絕對是完美之選!
154 結果
上海
這間主打上海點心外賣的小店在北角開業七年,小店的生煎包及鍋貼均為必食招牌菜,其中生煎包最花工夫,標榜用開店以來就培植的老麵種,並按港人喜好改良,特別將生煎包做到一口一個,方便又滋味!
Sanrio 1:35懷舊香港本土特色的店舖模型登場!7-Eleven便利店聯乘本地玩具品牌Penguin Toys及Sanrio Characters推出一系列充滿以懷舊場景作 主題場景模型,當中包括14款盲盒及4間模型店。
今次介紹呢間上海菜係今年新開,餐廳裝修得好靚,擺放左唔少有型格擺設及簡約金色圖畫。客人一坐底就會有餐前小食,分別係微辣既青粒同埋醬油花生脆粒。餐單上既食物款式勁多,包括有有肉類、海鮮、豆腐、湯類、麵、包點、冷盤等等,淨係冷盤都超過20款,食物既價錢都唔係好貴。呢度午市仲有套餐添,價錢由五十多元到八十多元不等,仲有免收茶芥同加一! 餐廳好大比客人一種好舒適既感覺,坐位方面可以揀大廳位置,如果人多既話仲可以提早預約定間獨立房間包廂 ▲太元雞($108):太元雞其實姐係出面其他酒樓既炸子雞,但呢度太元雞既雞皮炸到好香脆,雞肉都嫩滑,上面仲灑上炸蒜同蔥花,另外仲會配埋個南乳醬比你點雞食,都幾惹味! ▲金磚豆腐 ($78):金磚豆腐炸到長方形條狀,外皮炸到好香口同乾身,食落去有椒鹽味,而豆腐好香食落又滑。 ▲豆腐三文治($70): 豆腐勁滑同好香,中間會夾住啲餡,有豆同肉鬆,岩晒做前菜食! ▲妙齡乳鴿($28隻):妙齡乳鴿姐係年紀較細既乳鴿,同平時既乳鴿相比,妙齡乳鴿細隻少少同埋食落去啲肉嫩滑好多同埋好多汁! ▲黃金熏蛋($15): 呢度既熏蛋有黃色溏心蛋黃,咬一啖就會有啲蛋黃汁流出黎,另外會係蛋黃上面撒啲五香淮鹽,食落去令到熏蛋更香同濃味。 太元樓 地址:北角電氣道233號城市花園1,2及3座部分平台地下 24-49號A及C號舖營業時間:星期一至日 11:30 – 23:00電話:36190198 文字來源:香港人.遊香港/圖片來源:@sumi_bb、@clarlkc...
必食即包粢飯同咸豆漿! 香港有唔少上海食店,不過大多只做午市、晚市,呢間裝修格局簡樸,唔少街坊推介即包粢飯同咸豆漿,食一份已經係一餐豐富早餐!粢飯每日新鮮即叫即整,酥脆既油炸鬼,加上豬肉鬆同榨菜,包裹係糯米飯內,風味甚佳!而咸豆漿更係老闆親手調製,麻油加上各種豐富配料的確香氣十足! ▲即包粢飯($18),粢飯堅持新鮮即叫即做,內餡酥脆油炸鬼、香脆豬肉鬆、榨菜,配上煙韌軟糯糯米飯非常得宜。 ▲咸豆漿($13)係由老闆親自製作,先放少少鹽入碗,加入咸香蝦皮、葱花,燙熱既豆漿從高處一沖,加入豉油浙醋、麻油同油炸鬼碎,咸咸地香滑順口! ▲鍋貼($22/4隻) 使用上新鮮人手搓壓鍋貼皮,厚薄適中,內餡手剁新鮮豬肉 ▲鍋貼 ($22/4隻) 皮都幾厚,不過就容易煎到底脆,內餡鮮甜多汁。 ▲熱辣辣小籠包($48)一籠有八隻 ▲小籠包($48)唔係一般既皮薄灌湯,咬入去肉味鮮、肉汁豐富。 上海美華菜館 地址:土瓜灣美善同里13號電話:27150762營業時間:06:45 – 22:30 文字來源:香港人.遊香港/圖片來源:@kaeho、@love_meow_meow、@jbut777、@littlicathy...
🤤簡單不平凡!小店位於葵涌小街,包辦唔同上海菜,酸辣湯、醉雞、排骨擔擔麵樣樣都有得食,菜館嘅醉雞,味道夠哂入味,而酸辣湯亦用料充足,新鮮熱辣,食落啖啖都有竹筍,值得食完再食! ▲小心一咬落去湯已流出黎,味道唔錯。 ▲小店位於葵涌小街,主打位於唔同上海菜。 ▲龍川口水雞辣度麻度適中,令人一試愛上。 ▲雞絲粉皮清新又驚喜。 龍川上海料理 地址:葵涌光輝圍21號昌發樓地下電話:34880083時間:11:00 – 22:00 文字來源:香港人.遊香港/圖片來源:龍川上海料理...
呢間最近新開嘅酒吧餐廳,舊式冰室嘅設計加上霓虹燈提供咗唔少打卡留影嘅熱點📸,食物都好有驚喜,嘢食方面就糅合咗上海菜、港式同西餐,融入上海元素嘅all day breakfast同麻婆豆腐醬嘅炸薯條配搭都好有心思,味道方面都幾好味! ▲太子港鐵站附近開咗間新酒吧餐廳,店名夠特別 ▲上海批盪同坑鐵,再加埋相當有特色嘅霓虹燈牌 ▲食物都好有驚喜,配搭有心思仲要幾好味! ▲嘢食方面就糅合咗上海菜、港式同西餐 芳華絕代 地址:旺角界限街36號1-2樓電話:2366 2113時間:7:30 – 22:00 文字來源:香港人.遊香港/圖片來源:芳華絕代...
呢間餛飩餃子店有2間分店,滿滿上海口味家庭式餛飩餃子,餛飩皮到餡到包餛飩的過程都是店員一手包辦,成日都見到佢地熟練咁包餛飩同餃子。一碗淨餃有10隻餃子,湯底充滿麻油香,湯裏更有櫻花蝦提味。玉豆豬肉餛飩、甘荀素菜餃子、洋蔥豬肉餃子、時菜豬肉餛飩同韮菜豬肉餃子,店員話款多多人鐘意,唔怪得咁多人食! ▲煎餃($39)煎得好香,同樣是皮薄多料 ▲玉豆豬肉餛飩 + 韮菜豬肉餃子麪($39),玉豆豬肉餛飩中豆筴既豆仲混和豬肉。玉豆豬肉餛飩咬落爽口鮮甜,荷蘭豆獨清香,辟去豬肉腥味。而韮菜豬肉餃子韮菜十分香濃 ▲洋蒽豬肉餃子($39),選用清甜爽口紫洋蔥,配上豬肉餡非常清爽,仲有一點清甜。 ▲好多人都會叫埋小食四喜烤麩,烤麩發得好的話,咬起上來會略有彈性 阿芳上海餛飩 地址:尖沙咀白加士街20號永富大廈地舖電話:23958897營業時間:11:00 – 23:00 阿芳上海餛飩 地址:紅磡崇潔街97號地下電話:23030087營業時間:星期一至六 07:30 – 15:30 文字來源:香港人.遊香港/圖片來源:@gracechow1014、@kenifood、@mrsfish523、@zoe_neinei...