都會海逸酒店西餐廳於三至四月份隆重推出「環宇百味匯海珍」海鮮主題自助晚餐!除了有齊即開生蠔、熟凍蝦、藍青口、小龍蝦、雪花蟹腳、翡翠螺與熟龍蝦等海鮮之外,同時亦有多款廚師團隊悉心炮製的海鮮熱葷。特別推介菜式包括充滿東南亞風味的龍蝦三重奏,分別以韓式泡菜、中式爆炒及泰式咖哩煮成的龍蝦,每款都好惹味,同時有不同的滋味。推介菜式還有香草忌廉汁煮藍青口,利用白酒、牛油及新鮮香草,令藍青口鮮味更突出。
紅磡一間手作麵包小店「Bagel Go Go」,主打多款口味的自家製Bagel夾心三文治,餡料例如有新出的肉鬆麻糬、煙韌奶酥黑糖麻糬、鮮果忌廉、抹茶紅豆等甜品,亦有煙肉芝士、厚蛋芝士、煙三文魚、叉燒滑蛋等鹹點,一切過滿足你兩個願望!店舖除了有多款口味的Bagel夾心三文治供選擇之外,每款餡料都份料十足,好抵食!至於小鳥胃的朋友,都有較輕盈的bagel供選擇。此外,食bagel又點少得配cream cheese,店舖同時都有賣自家忌廉芝士,有黑松露、檸檬、羅勒、牛油果、芝麻、藍莓等超過10款口味。店舖會不時轉換口味,有興趣的朋友要留意啦!
位於紅磡的新派地中海菜餐廳,以多款Fusion菜式作爲主打,包括西班牙、墨西哥等等。餐廳更設有露天座位,可以欣賞海邊風景!食物方面賣相精緻,當中Impossible slider就勁吸睛,碳黑色的迷你漢堡再配上Impossible植物肉和素芝士,而且Size都非常貼心,而一口設計,唔怕食到論論盡盡。
位於紅磡的高級中菜飯店,非常適合港人與親朋好友在過時過節時到此享用美食慶祝。餐廳由香港淮揚菜界鼎鼎大名的蔣標先生創辦,另一間姐妹店更位於灣仔,菜式都是以中國淮揚菜爲主。餐廳環境高尚並帶有傳統中國風味,墻壁上的中國畫以至餐廳所用的餐具都完美地展現餐廳的中國傳統風味。
以【魔幻童話聖誕頌】為主題的聖誕自助餐將登陸紅磡,酒店除了充斥著五光十色的聖誕裝飾,更有由Promenade西餐廳和Senzuru千鶴日本料理聯成,匠心炮製的豪華豐富美饌等著大家蒞臨!西餐廳主題自助晚餐會於長達70米的自助餐枱上呈現超過200款菜式,當中必試包括:新鮮即開生蠔、即席堂弄火焰龍蝦、燒香草保雲蘇羊架、燒日本帆立貝松露薯茸伴荷蘭汁等等。
Error成員193郭嘉駿繼開設時裝品牌lilaboc後,又進軍餐飲界!193日前接受訪問時透露,將會於2月尾開設新Cafe,主打精品咖啡。193的 IG個人檔案亦已標記一間咖啡店「Tanuki Coffee」,並正在招聘員工中,據悉店舖選址紅磡,相信離開業日子不遠,各位「3嫂」記得留意開幕消息,到時去打卡!
紅磡區近日新開咗間養生湯米線店舖,鍾意養生嘅朋友一定唔可以錯過!呢間舖頭由龍璽酒家前主廚榮哥開辦!米線主打養生路線,總共超過14款藥膳湯底,有蟲草花雞湯、桃膠鮑魚雞湯、椰子雞湯、川穹白芷魚頭湯等等,美味又滋補。啱曬香港人口味,鐘意飲湯之餘又可以吃米線,兩者完美融合。仲有多款驚喜小菜,醉花螺、黑松露煙熏溏心蛋、雲影清酒鮑魚等冷盤和麻辣海參等涼拌菜式,聽個名就知出自大廚嘅菜單!自問養生一族嘅你快啲嚟試下! ▲招牌海龍皇湯 $128,湯底由波士頓龍蝦、海蝦和蜆肉熬製而成,配上日本帶子和帆立貝作為米線配料,簡直係一碗豪華米線。 ▲雲影清酒鮑魚$48,選用澳洲六頭鮑魚,用日本菊正宗清酒浸6小時後,廚師用秘製配方提出鮑魚嘅鮮味,將成個味道達至另一個層次。  ▲極尚過橋米線$108 ,湯底用上金華火腿、上肉和新鮮雞隻熬製8小時,食客可按照盤中由左上角開始加入配料,確保口感層次。 ▲曼谷水門雞飯$58 , 選用三黃雞以正宗泰式做法配以自家製醬汁製作而成的水門雞,雞肉軟嫩,米飯選用泰國香米,用三黃雞的新鮮雞油和香茅煲製而成,香氣十足。 除咗以上幾款招牌米線,仲有呢款黑松露煙熏溏心蛋,新鮮嘅黑松露撒上流心的蛋黃上,香氣馥郁! ▶ 備註:餐廳新張期間限定優惠即日起至10月31日。惠顧麵食且Like & Share餐廳Facebook/Instagram,即送蠔皇扣六頭鮑一隻! 文字來源:香港人遊香港...
天氣仲係咁熱,食返凍嘢消暑簡直一流!店舖主打粉雪冰、軟雪糕、朱古力、鮮奶茶、沙冰奶同氣泡飲,賣相仲要好吸引,啱晒打卡!焦糖控必點焦糖海鹽粉雪冰, 粉雪冰分成三層,面層係忌廉芝士、焦糖脆脆同焦糖爆谷,中間係牛奶粉雪冰配焦糖醬,最底層係焦糖布丁,食落好有層次!至於抹茶控就要叫紅豆抹茶粉雪冰,同樣分成三層,頂層有一粒粒紅豆蓉、抹茶蕨餅同芝士奶蓋,中間就係雪花冰同茶味嘅mousse cream,最底就係抹茶飲料,唔係人工抹茶味! ▲ 焦糖海鹽粉雪冰 ($50):粉雪冰有驚喜,超有層次!面頭既cream cheese 又creamy,又帶鹹香!刨冰口感細膩,亦好綿密! ▲ 最上層嘅焦糖脆脆好脆, 雪糕汁滲透落焦糖爆谷,但係唔會變淋! ▲ 食到底會有一層超滑溜嘅焦糖布甸,可以話一杯甜品滿足幾個願望! ▲ 胡麻雪花 ($32):好濃黑芝麻香!底下仲有米通、焦糖穀物脆粒,食落又有另一種口感,正! ▲ 紅豆抹茶粉雪冰 ($52):配料方面有mascarpone cheese、綠茶蕨餅同紅豆,中間有一層抹茶醬,最底仲有有抹茶mouse! 文字來源:香港人遊香港 / 圖片來源 : @ foodraah 、@ foodaholicbunny...
紅磡一間冰室有推出龍蝦鮑魚籠仔蒸飯,用荷葉佈底,將蒜蓉連海鮮和白飯一齊蒸,令每一啖飯有陣陣海鮮味,蟹鉗和原隻鮑魚都係新鮮。另外最值得一試係秘製牛乳滑蛋奄列叉燒飯,滑蛋烹調用咗冰室自家獨有秘方,令滑蛋表面光澤持久,滑蛋質感好juicy。唔想食飯嘅蛋控,可以叫個牛肉蛋蛋包,外表有滑蛋包住牛肉包,層次豐富。 ▲龍蝦鮑魚籠仔蒸飯($168),啖啖海鮮鮮味 ▲秘製牛乳滑蛋叉燒飯 ▲牛肉蛋蛋包 ▲朱古力棉花糖多士 ▲由金茶王沖製獨有港式奶茶 ▲88蚊港式手拉絲襪奶茶和鴛鴦 ▲除咗堂食有得飲,仲可以買樽裝奶茶 一仔冰室 地址:紅磡必嘉街92-112號紅磡灣中心地下9C號舖 營業時間:7:00 – 23:00 圖片及文字來源:香港人遊香港...