米線推介|本地足料平價米線小店 必試酸/麻辣湯底 話說香港有間米線小店竟然衝出國際,係英國開了分店,而且食客亦絡繹不絕,大讚好味!而係香港其實都有幾間分店架,佢哋最出名就係食酸或麻辣湯底,以及比較少見的藤椒湯底,好似食緊酸菜魚嘅感覺,而米線不過不失,唔會太硬或者軟淋。除咗湯底外,佢哋都出名份量十足,本身裡面炸醬份量已經好多,而配菜例如小編最愛嘅豬大腸,夠曬厚身大大份,中間有層薄薄肥膏,食落好滿足。值得注意嘅係,生酮人士可以將米線轉菜底,體驗到店家非常貼心。如果係重口味愛好者呢間米線舖好值得推介! ▲雲貴川小鬍子前身係雲貴川風味,湯底必叫酸或麻辣湯底($29),以及比較少見的藤椒湯底。如果非辣人士可以選擇番茄湯底。生酮人士更可以將米線轉菜底,一嚐四川風味。 ▲本身米線已配炸醬份量好足料,而配菜必叫豬大腸($10),夠曬厚身大大份,仲有豬紅($10)、麻辣豬耳($10)、豬軟骨($14)、竹笙($14)等配菜。 ▲除了米線仲有少見嘅開胃小食,例如涼拌墨魚頭($38)、涼拌魚皮、鴛鴦烤雞翼(4隻 $31)。 ▲依家仲係英國開分店啦!好多居住英國嘅香港人都經常光顧,大讚係外國都可以食到香港米線風味! 雲貴川小鬍子 分店地址: 旺角西洋菜南街103-109號地舖土瓜灣譚公道40-46號富康大廈地舖大圍積富街31號地下A舖英國76 Brick...
紅磡區近日新開咗間養生湯米線店舖,鍾意養生嘅朋友一定唔可以錯過!呢間舖頭由龍璽酒家前主廚榮哥開辦!米線主打養生路線,總共超過14款藥膳湯底,有蟲草花雞湯、桃膠鮑魚雞湯、椰子雞湯、川穹白芷魚頭湯等等,美味又滋補。啱曬香港人口味,鐘意飲湯之餘又可以吃米線,兩者完美融合。仲有多款驚喜小菜,醉花螺、黑松露煙熏溏心蛋、雲影清酒鮑魚等冷盤和麻辣海參等涼拌菜式,聽個名就知出自大廚嘅菜單!自問養生一族嘅你快啲嚟試下! ▲招牌海龍皇湯 $128,湯底由波士頓龍蝦、海蝦和蜆肉熬製而成,配上日本帶子和帆立貝作為米線配料,簡直係一碗豪華米線。 ▲雲影清酒鮑魚$48,選用澳洲六頭鮑魚,用日本菊正宗清酒浸6小時後,廚師用秘製配方提出鮑魚嘅鮮味,將成個味道達至另一個層次。  ▲極尚過橋米線$108 ,湯底用上金華火腿、上肉和新鮮雞隻熬製8小時,食客可按照盤中由左上角開始加入配料,確保口感層次。 ▲曼谷水門雞飯$58 , 選用三黃雞以正宗泰式做法配以自家製醬汁製作而成的水門雞,雞肉軟嫩,米飯選用泰國香米,用三黃雞的新鮮雞油和香茅煲製而成,香氣十足。 除咗以上幾款招牌米線,仲有呢款黑松露煙熏溏心蛋,新鮮嘅黑松露撒上流心的蛋黃上,香氣馥郁! ▶ 備註:餐廳新張期間限定優惠即日起至10月31日。惠顧麵食且Like &...
作為蕃茄湯控,對呢個超濃郁蕃茄湯底真係零抵制力!位於深水埗既蕃茄專門店湯麵,蕃茄湯底用左牛骨同牛腩去煲,濃稠且鮮牛味十足!招牌菜「犇犇有禮」有大大件牛面頰、牛坑腩、崩沙腩做配料,爽彈有咬口。「一貝子」有大大粒帶子同花甲,清甜鮮味!或可以選騸牧滑牛配滑蛋都一樣同蕃茄咁夾咁滋味!食完記得連湯底都飲乾淨啊! ▲「犇犇有禮」有大大件牛坑腩、崩沙腩、牛面頰肉,真材實料,牛味十足! ▲海鮮同蕃茄湯底都一樣夾,「一貝子」就有多隻花甲同大大粒帶子做配料,認真足料! ▲騸牧牛比一般冰鮮牛更有肥美香滑,再配埋滑蛋就一流了 ▲除左牛牛仲有豬可以選擇,豬腩肉同豬頸肉亦算肥美 ▲麵底除左上海麵,仲可以選米線、拉麵或烏冬,食完個麵記得飲埋個湯底唔好浪費啊 ▲小店仲有自家製既飲品,檸檬雪梨露、桂圓紅涼桑寄生茶等,誠意十足 番茄師兄 地址:深水埗基隆街255號地舖電話:94621567時間:12:00-22:00 文字及圖片來源:香港人遊香港、圖片來源:@tomato_c_hing...
呢間開喺荃灣嘅米線小店以傳統嘅小鍋米線做招牌。除咗小鍋米線,亦有其他選擇,分別有涼拌米線,熱拌米線, 仲有紅薯粉同埋重慶酸辣粉,一定有一款啱你食!呢度嘅米線份量好夠大大碗,而且餸菜好多好足料,餸菜差唔多鋪滿晒成個碗,大食少少都夠食。夏日炎炎最想食啲開胃嘢,雲家小鍋米線嘅酸辣湯底,酸酸辣辣非常開胃, 而且非常之濃郁,辣度都可以自己選擇,另外仲配埋芽菜,酸菜,韭菜,芫茜仲有蔥! ▲ 豬大腸豬紅豬皮酸辣小窩米線 ($52) :裝得好滿,份量飽肚! ▲ 肥牛紅腸麻辣小鍋米線 ($47)​ ▲ 口水雞...
何文田呢間食緬甸菜小店,其招牌鮮魚濃湯米線一定必食!湯底按照傳統做法非常足料用塘虱魚,雞肉熬製六小時,再加入魚蓉、炒香的黃薑粉和其他香料,所以令湯底呈黃色,鮮甜香濃絕無味精。米線更完全吸收湯底精華味道。另外個腩肉飯都好出色,腩肉層次分明,重點係入口即溶仲肥而不膩,個汁撈飯食絕對一流! ▲Mohinga鮮魚濃湯米線($48):招牌湯米線的湯底以塘虱魚蓉加入紅椒粉、黃薑粉等調味料炒香,之後加入用塘虱魚、雞肉熬的湯中,令湯頭鮮甜香濃。配料有魚片、豆卜、豌豆脆片、半隻熟蛋和莞茜。 ▲豌豆脆片係豌豆同米漿混埋一起炸,炸得好香脆,豌豆數量都幾多。 ▲曼德勒鮮茄滋味撈麵($48):自家製茄醬肉碎,味道清甜,加上莞茜同炸蒜,撈埋爽彈的蝦子麵,非常香口開胃。 ▲曼德勒紅燒腩肉配飯($55):腩肉層次分明,軟腍入味,味道帶甜,重點係入口即溶仲肥而不油。個汁撈飯食絕對一流。 ▲酥炸黃金脆蝦餅($48):蝦餅炸得金黃香脆,蝦肉爽口彈牙,蝦味突出。 ▲緬甸黃薑脆脆雞翼($48):雞翼即叫即炸,帶有少少黃薑味道。 ▲緬甸黃薑蜜特飲($20):有薑味,食到薑粒,夠潤喉;青檸檬瓜椰果特飲($20): 味道清新,仲有椰果粒;緬甸羅望子特飲($20) :味道酸酸甜甜,非常解渴和醒胃 Mohinga緬甸招牌湯米線 地址:...
作為蕃茄湯控,對呢個超濃郁蕃茄湯底真係零抵制力!位於深水埗既蕃茄專門店湯麵,蕃茄湯底用左牛骨同牛腩去煲,濃稠且鮮牛味十足!招牌菜「犇犇有禮」有大大件牛面頰、牛坑腩、崩沙腩做配料,爽彈有咬口。「一貝子」有大大粒帶子同花甲,清甜鮮味!或可以選騸牧滑牛配滑蛋都一樣同蕃茄咁夾咁滋味!食完記得連湯底都飲乾淨啊! ▲「犇犇有禮」有大大件牛坑腩、崩沙腩、牛面頰肉,真材實料,牛味十足! ▲海鮮同蕃茄湯底都一樣夾,「一貝子」就有多隻花甲同大大粒帶子做配料,認真足料! ▲騸牧牛比一般冰鮮牛更有肥美香滑,再配埋滑蛋就一流了 ▲除左牛牛仲有豬可以選擇,豬腩肉同豬頸肉亦算肥美 ▲麵底除左上海麵,仲可以選米線、拉麵或烏冬,食完個麵記得飲埋個湯底唔好浪費啊 ▲小店仲有自家製既飲品,檸檬雪梨露、桂圓紅涼桑寄生茶等,誠意十足 番茄師兄 地址:深水埗基隆街255號地舖電話:94621567時間:12:00-22:00 文字及圖片來源:香港人遊香港、圖片來源:@tomato_c_hing...