位於中環新開的高級韓式扒房，驚喜十足，以嶄新手法演繹傳統韓國滋味，將頂級牛肉以韓式的方式呈現出牛肉的美味。話明扒房，餐廳以牛肉為主打，由各地進口高質肉類，當中可以食到美國 USDA Prime Grade（極佳級）45日熟成肉眼，油花分佈最豐富，全球只有 2-3% 的美國牛肉能夠獲得此評級；韓國最頂級的 1++韓牛，飼養於慶州市也是全國最大的韓牛生產地，脂肪比例完美，肉質細緻，是不少食客追捧的和牛。
灣仔新開的法日扒房，主打一系列糅合法日料理特色的扒房，廚師除了巧用醬汁特岀牛肉的鮮味，更引入少見的日本A5神戶酒粕牛和日本 A5 雪室熟成和牛，當中日本A5雪室熟成和牛更是每日限量供應，肉質細膩，牛魔王必試！
最近呢間中環高級扒房搞咗個新推廣，逢星期日至二嘅晚巿，都可以去到佢哋扒房任點任食5款牛扒，5款扒包括有牛大腿內側、牛胸腩、牛側腹扒、牛臀肉同埋黑安格斯西冷牛扒，菜單除咗任食牛扒牛肉，仲包括法式牛肉清湯、三選一嘅前菜同埋清新雪葩，埋單都係500幾蚊，平時人均消費都上千元，抵食呀！ ▲星期日至星期二晚市時段推出「BEEF-IT-UP」任點任食優惠！呢個任食menu 包括牛大腿內側、牛胸腩、牛側腹扒製而成經典烤牛扒；以上乘牛臀肉。可以任食五款靚牛扒，600蚊有找，可謂性價比超高。 ▲來自意大利的Marango-牛肉擁有獨特的嫩滑肉質，今次亦係任食清單。 ▲今次大廚特別選取了5款特別部位，平日相對少吃得到，而所有扒類都係即叫即烤。 ▲一片又一片牛肉肉質鮮嫩，睇到都令人食指大動。 Porterhouse 地址：香港中環蘭桂坊德己立街30-36號加洲大廈7樓電話：2522 6366時間：12:00 – 15:00、17:30 – 23:00 文字來源：香港人.遊香港／圖片來源：Porterhouse...
港式扒房係好多年前情侶拍拖好地方，而呢度1966年開業灣仔扒房仲有唔少支持者，除左lunch 超多食客，晚上其首創火焰牛柳視覺震撼表演，即時睇過幾次都睇到目定口呆！用熊熊烈火燒過既牛柳肉質嫩滑、肉汁豐富，配蒜蓉汁夠惹味！ ▲火焰牛柳（＄180）侍應先放下有波浪薯條同配菜既鐵板，再拎刺著既牛柳，駕輕就熟地將點左火玫瑰露淋上，頓時間變得火光紅紅！ ▲火焰牛柳（＄180）火焰冷卻後，就可以上桌享用！醬汁可選黑椒/蒜蓉/燒汁/洋葱汁。牛柳外表燒到全熟至焦糖化，不過切落又嫩紅帶軟腍！ ▲除左火焰牛柳識得on fire之外，仲有呢個火焰雪山（＄98）做甜品，可以話係首尾呼應呀！火焰雪山頂部呈微啡色，同樣地侍應熟練地點火後，藍色火焰就包圍成個雪山，等火焰熄滅後，再淋上朱古力醬！佢中暗係朱古力雪糕，外層仲包左層海綿蛋糕！ ▲每份鐵板餐都跟一份湯同麵包，羅宋湯既雜菜熬得非常軟稔，鮮味濃郁。 波士頓餐廳 地址：灣仔盧押道3號地下電話：25277646營業時間：08:00 – 23:00 文字來源：香港人.遊香港／圖片來源：@reipopzone、@starlight.pray、@seunghyun_ko_、@sweetpotato.chai、@yaletownlai、@oetje...
呢度上年先開，裝修陳設似足舊式扒房，不過同區舊式扒房坐得好逼，呢度就挺寬敞。塊西冷牛扒肉質鮮嫩，塊牛扒仲大過塊臉，厚度足足有成寸，目測份量估計足12安士！！鐵板上既牛扒表面先煎焦糖色，煎得非常漂亮！ ▲寶石鐵板美國西冷$138 食落嫩腍牛扒調味足夠，小編推薦黃金組合五成熟配黑椒汁！黑椒汁以洋葱碎、蒜茸同黑椒，香氣十足。 ▲怕黑椒汁太辣，洋葱蒜茸汁都係個唔錯選擇！ ▲寶石鐵板紐西蘭牛柳拼扇貝，以煎過車厘茄同薯條做配菜可見誠意十足。淋上濃濃黑椒汁後，香氣四溢！ ▲如果想控制返d醬汁份量，可以自己落醬汁，唔怕彈到成身都係！ ▲白汁海鮮焗意粉$68 焗意粉都係大大碟！意粉與忌廉汁配搭恰當，提升其美味。 ▲鐵板餐唔跟沙律可以揀蒜蓉炒雜菜！ 寶石餐廳 地址：元朗安樂路1-11號明珠樓地下7-9號舖電話：27713600營業時間：11:00 – 23:00 文字來源：香港人.遊香港／圖片來源：@tiffood_61、ravankc、yukikei_mini、lm.mino、diamondrestaurant2017...
西貢市中心食店林立，能於 西貢立足多年非呢間老字號莫屬，而且同區仲有2間店！ 呢間店最大特色係懷舊既氛圍，暗橙黃燈光、格仔台布，播住黑膠法國音樂，係呢度食鐵板牛柳真係一大樂事！食鐵板餐就預左食熟d既，點知廚師都令火侯控制得超好，鐵板牛柳入面仲見到嫩滑半熟肉，難得難得！ ▲鐵板牛柳($182)大讚呢度五成熟既肉質食落非常柔軟，火喉掌握得岩岩好，鐵板牛柳做到外表脆邊而中間嫩滑。 ▲古色古香的檯燈係打卡位，配合埋呢度浪漫又懷舊氛圍真係好正 ▲附送既牛油厚多士，多士烘到好脆，非常好食 ▲食完最後點少得食返球雪糕，咁先係大滿足！ 蘇珊娜牛扒屋 地址：西貢普通道76號電話：27927163 文字來源：香港人.遊香港／圖片來源：互聯網...
