香港美食2023｜街坊熱捧高CP值西式烘培麵包店 呢間主打西式烘培麵包店至今已開設3間分店，其麵包種類款式豐富又吸引，包括有蛋糕、酥皮烘焙、Bagel等。當中有大熱嘅法式車輪牛角酥，分別有開心果醬、Lotus餅海鹽焦糖、檸檬柚子口味，依家仲新出龍蝦芝士忌廉三角形酥，撕開酥皮裡面係爆漿忌廉，睇到都流曬口水！另外Bagel都係必試之選，口味比坊間特別，有伯爵茶麻糬荔枝、蒜香芝士忌廉、香芋麻糬等，價錢都只係10幾蚊一個，好抵食呀！ ▲大熱嘅法式車輪牛角酥，分別有開心果醬、Lotus餅海鹽焦糖、檸檬柚子口味，撕開內裡是爆漿流心。 ▲Bagel款有伯爵茶麻糬荔枝、蒜香芝士忌廉、香芋麻糬，紅豆抹茶等，口感煙韌結實。 ▲牛角酥推出黑芝麻麻糬牛角，裡面滿滿濃郁芝麻忌廉，芝麻控不要錯過！ ▲新出龍蝦芝士忌廉三角形酥，裡面係流心忌廉勁邪惡！ Deesses Bakery 啟德店地址：九龍啟德協調道2號Airside. B132C 號舖 天水圍地址：濕地公園路一號Wetland Season Bay 地下10號 上水地址：龍琛路39號上水廣場5樓512號舖 圖片來源： @deesses_bakery 文字：香港人遊香港...
