這間簡約帶有玩味感的咖啡店以窩夫及多士為主，也有多款扒類及傳統意粉等主食。招牌菜式炸雞煎蛋窩夫花心思，炸雞用上水果腌製一晚， 雞肉多汁不油膩 ，配淋上楓糖漿的自家製香甜窩夫，鹹甜適中清新香口。
屯門紅橋呢邊有好多間食好西既餐廳同埋甜品，今次介紹既呢間係近期大熱既甜品鋪。餐廳偏向日式裝修，餐廳內掛了一塊大固力果人燈牌同埋歌舞伎町閃燈牌，而門口個招牌都好吸晴。餐廳除左主打梳乎厘班戟之外，仲有多款人氣、窩夫、刨冰、特飲、同埋一啲日式小食，例如:章魚燒小丸子、炸雞軟骨、日式炒麵等。一到晚飯時間就會出現人龍，如果唔想等位既話，餐廳都可以叫外送服務，不過只限同區。餐廳落單既模式係客人需要Scan QR code，自行下單既，而餐廳得好少位，同只係得高椅子。 ▲炙燒焦糖布甸梳乎厘班戟($82)： 呢度既梳乎厘班戟唔係空氣感果隻，食落去係好香蛋味，會飽肚既，呢款加埋焦糖脆面同埋布甸醬，食落去有幾種口感層次，而雪糕則配曲奇雪糕味。 ▲小丸子紅豆抹茶麻薯窩夫($66)： 估唔到每窩夫都幾大份，兩個人食一份呢個都有飽肚既感覺，可能係因為內有麻薯。呢度既窩夫幾出色，食落去脆身內軟，而抹茶Cream又唔會過甜或過苦。小丸子份量都多，而每粒食落去都好有口感! ▲Oreo朱古力芝士奶蓋刨冰($38)： 牛乳冰加上好多朱古力醬、芝士奶蓋同埋Oreo碎，竟然全部配料出奇地夾，份量大到就算兩個人都未必食得晒! ▲珍珠奶梳乎厘班戟($82)： 估唔到呢款仲智配埋芋圓，愛好芋圓既人一定要點呢款。珍珠同芋圓都好有咬口，而梳乎厘班戟上配左奶茶味既Cream，都幾濃奶茶味。 ▲ 芒果椰奶冰($38): 唔知食咩甜品好可以叫杯飲品，呢杯適合唔太鐘意太甜口味既朋友，裡面有好多粒芒果肉。 文字來源：香港人遊香港 / 圖片來源: 香港人遊香港、@ fuwafuwapancakess、@mrjack.c、...
呢間由幾位年輕人開設嘅甜品黃店，賣紫薯甜品賣出個名堂，佢唔同味道嘅雪糕和窩夫，仲好受歡迎，皆因佢嘅熱辣辣窩夫係即叫即焗，窩夫蛋漿仲經過精心調製，整得外脆內軟，唔怪得每晚都咁多人慕名去排隊。最值得一提嘅，就係佢地非常支持手足們，經常張羅同贈送物資俾有需要嘅同路人，大家仲唔快啲去「懲罰」佢？ ▲竹炭黑芝麻麻糬窩夫 ($80) ▲紫薯窩夫 ($88) ▲抹茶特盛 ($108) ▲全日窩夫早餐 ($108) ▲店內佈置都好黃！ 夏雪 地址：大圍積富街31號益富閣地下3號舖電話：5548 4270 文字來源：香港人遊香港 / 圖片來源：@summerice.hk、@barista_cheung、@fattydelicacy、@sistersnfood、@hkgoodeats...
係香港地要食梳乎厘，一係就去高級酒店，一係就要去傳統西餐廳，不過都未必做得最好，大坑轉角呢間餐店主食同甜品Menu，小編係ig 睇好多甜品都特別加上 花蝴蝶做裝飾，少女味道出哂黎！薑汁梳乎厘很特別，梳乎厘岩岩出爐發到好高，加埋暖心薑汁自己淋上去配搭非常特別！ ▲薑汁梳乎厘（＄138），薑汁同梳乎厘原來都幾夾！雪糕就係酸酸甜甜雜莓味！雪糕下加了仲有脆脆crumbles ▲蘋果金寶底層有甜蘋果，之後中間既係牛油、麵粉同糖混合粉團 ▲窩夫熱辣鬆脆，個餅卻好軟熟，又有豐富蛋香，加埋小編最愛Oreo冇得頂 ▲珍寶龍蝦仔牛角包，鬆軟既牛角包夾住滿到就黎瀉嘅龍蝦仔牛角包，龍蝦仔非常好爽口彈牙！ The Pudding Nouvea 地址： 銅鑼灣京街17號營業時間： 12:00–23:00電話： 3585 7325 文字來源：香港人.遊香港／圖片來源：cherlili、sillysillya_foodie、cheriewsh、gg_ange...
屯門井財街一向美食雲集，呢間開左唔夠一年的甜品店已經突圍而出。主打梳乎里pancake、窩夫等甜品，芝士奶蓋亦見出色。「Oreo 巧克力流心Cheese cake梳乎里」邪惡滿分，王牌「珍珠奶茶窩夫」珍珠夠煙韌，餅底由奶茶整成，d奶茶味出晒黎。鹹蛋控更可以試下新品「黃金鹹蛋麻糬窩夫」，仲有好多款創新梳乎里和窩夫等住你去試。其中一位負責人更是台灣人，想食台灣夜市小食（手抓餅、鹽酥雞、宜蘭三星蔥餡餅等等)，全部一次過可以o係度搵到晒！ ▲「Oreo 巧克力流心Cheese cake梳乎里」 鬆軟的梳乎里配上表層的芝士cream和Oreo朱古力碎碎，諗起都流口水 ▲新品「黃金鹹蛋麻糬窩夫」，店主非常用心咁將成個窩夫餅底都由麻糬整成，非常煙韌，鹹蛋味亦十分香 ▲奶蓋、水果茶等亦不失特色，有顏值又有實力！ ▲ 台灣小食款式多多，鹽酥雞都值得一試 ▲ 小店地方不算大，但勝在環境光猛舒適，行小清新之風，打卡一流！ Appétit Desserts 愛·添 地址：新墟井財街15號金銘大廈地下3號鋪電話：3460 4203時間：星期一至五4:30pm-1:00am / 星期六日及公眾假期...
上環睇睇藝術或者影相，想有個落腳點，就唔好錯過呢間文青Cafe。ASK Cafe 最近推出一SET英式2人份量下午茶，包埋2杯咖啡或茶飲。除左下午茶，仲有女士最愛嘅低脂有營窩夫，全部用橄欖油製作，食落去唔會油膩，口感鬆化，食幾多都唔會有罪惡感。 ▲ ASK英式下午茶（$198)，有鹹甜食物都有齊！ ▲當日精選蛋糕2件 ▲脆香雞翼、鮑魚、吞拿魚法包和煙燻三文魚 ▲爆谷泡沫咖啡（$42) ▲棉花糖朱古力（$40) ▲有營窩夫春天版 （原價：$88；推廣價：$68)，配上焦糖香蕉，撒上脆米增加口感，焦脆可口而唔甜膩 ▲有營窩夫秋天版 （原價：$68；推廣價：$55)，配上加拿大楓糖漿嘅窩夫，點解咁健康，全因為佢捨棄傳統牛油，反而用橄欖油製作，加埋加拿大原粒亞麻籽，食落唔會好膩！ **讀者85折優惠**只需同時Like/Follow 香港人遊香港 及ASK的Facebook/Instagram 專頁，在5:30pm-8:00pm消費滿$100，結帳時向Ask店員出示已讚好的專頁，即可享有全單85 折優惠。優惠期由今日起至12月31日止。 ASK 電話：2677 1131地址：上環皇后大道中202號The Putman地下A號舖營業時間：8:00 – 20:00 （星期一至五） / 11:00 – 20:00 （星期六） 圖片及文字來源：香港人遊香港...
