燒賣控留意！史上第一個燒賣節登陸元朗啦！4月28日至5月21日於元朗YOHO MALL I有以燒賣做主題的活動。有4大遊戲加4個打卡位，當中最矚目的必定是超巨型夾公仔機，有兩款軟綿綿的燒賣公仔等你帶返屋企！亦有釣燒賣遊戲，用魚桿將大大粒的魚肉燒賣夾起⋯⋯
係太古坊返工既好多都係agency既朋友仔，食野出名嘴雕，但佢地異口同聲咁大讚呢度燒賣好食！呢度燒賣比其他鋪頭更爽口彈牙，有魚肉味，淨係豉油加辣油就已經好惹味，唔怪得朝朝早都見到呢條人龍啦！ ▲燒賣($10/1串) 燒賣食落煙韌有咬口, 仲有魚香味。 ▲附近打工仔通常都係買外賣返去食，加埋秘製豉油同辣油真係一流呀！ ▲咖哩魚蛋($10/串)都非常受歡迎！ ▲雖然同區燒賣魚蛋都有好多間，呢間就咁多年都好受歡迎。 燒賣王 地址：鰂魚涌海光街13-15號海光苑地下 文字來源：香港人.遊香港／圖片來源：互聯網...
馬鞍山恆安邨街市開返之後，出現唔少美食驚喜！好多人食完都推薦呢間人手包燒賣，每日新鮮包製，再以大蒸籠新鮮蒸起，食落熱辣辣，而且魚肉鮮味都幾出，感覺落粉唔算多，爽口彈牙！ ▲手造魚肉燒賣($12/8粒)由朝到晚都有好多人排隊，好多人都成盒買走食！ ▲手造魚肉燒賣($12/8粒)只見店員密密手咁包魚肉燒賣，每1粒都脹卜卜！ ▲呢度營業至凌晨2點，岩哂鐘意食宵既夜鬼！ ▲恆安街巿裝修後進駐左唔少美食！連店鋪招牌都美輪美奐，好有春天氣色。 三寶皇 地址 ：馬鞍山恆安街巿 文字來源：香港人.遊香港／圖片來源：xavier_hsk，catcheung，suetyi0625，freshkat...
有黃金脆皮！ 呢間燒賣店係元朗已經超過30年，全部燒賣都自家製，真材實料，餡料有新鮮豬肉、冬菇及鯪魚肉等等，粒粒燒賣都好大粒，特別要試下嘅一定係燒燒賣，外皮燒得好香脆，加少少辣粉、椒鹽，勁香口！味道方面，醬汁亦都加好多分，辣中帶香，收工行過都要去買返串食！ ▲好多人就算唔係住元朗嘅朋友都入黎食 ▲呢款自制燒賣係由冬菇、豬肉同魚肉，味道唔錯，好彈牙 ▲除咗傳統嘅蒸燒賣，仲有串燒燒賣！ ▲燒賣入邊有冬菇豬肉同埋魚肉，食落口感實在 元朗燒賣皇后妙舒 地址：元朗阜財街14號宏豐大廈地下11B及11C號舖電話：34619725時間：11:00 – 02:00 文字來源：香港人.遊香港／圖片來源：互聯網\...
唔想領展再趕絕小店！ 以手造魚肉燒賣馳名「燒賣佬」提早左退休，幾個月前「九米香」舊址重出江湖，不過就得1個月租約，最近佢終於入左長期鋪喇，實在係可喜可賀！佢既手工燒賣同粉果用料十足，唔似出面用急凍點心，人情味滿滿，而且味道水準同價錢都一如以往，佢既自製麻辣醬簡直係神來之筆！ ▲手工燒賣、粉果，燒賣佬已經做左30幾年，街坊們都由細食到大，依家重開，大家都紛紛去支持。 ▲愛好食辣者，真係要試試燒賣佬既秘制辣油。 ▲呢度燒賣魚肉比例勁高，口感非常煙勒。粉果更係心機作，每朝5點就要起身早上五時多便開始製作粉果，為既係令街坊食到人手手工粉果。 ▲粉果係老闆每朝5點開始炒蝦米同沙葛，樣樣材料新鮮。 ▲重開消息傳出之後，引來唔少街坊黎食！ 高山粉果燒賣 地址 ： 大埔寶湖道28號廣福商場廣福街市44號舖 文字來源：香港人.遊香港／圖片來源：andy_ontik、mikelam219、giannjason、 jass.328、chocoeatsyou...
