【行山路線:奇石+海景環島行長洲!】

行山欣賞美麗風景之餘,小編最喜歡就係順道探索奇石,今次介紹去長洲環島遊路線,真係可以一次過滿足多個願望呢! 長洲除咗美食多之外,原來仲有幾條家樂徑,適合一家大細郊遊,環繞小島有多個海灣和沙灘,最特别之處,島上有小編最喜歡嘅奇石, 每嚿都栩栩如生 ,在山徑旁有地圖指示牌,説明奇石位置添,不過奇石實在太多,仲有一啲係山友發現的,所以可能要分開幾日至行得晒! 今次都未能盡錄,希望下次可以揾埋火炬石,太空人石...和進入張保仔洞探究一番啦!!

【新鮮海鮮炸物!#長洲限定】

長洲海鮮就好出名,呢間小店主打新鮮海鮮炸物,成間鋪面都行日系風格,香脆原條池魚細細條,層皮炸到脆卜卜,魚肉夠軟嫩,連骨食埋都得,配菜加埋椰菜絲,沙律醬,提子同埋酸瓜,減輕油膩感!另外仲有本灣魷魚、千層炸蠔同埋魚仔濃湯等新鮮小食!

【長洲文青必食!芋圓仙草冰】

鋪頭裝修好靚!每次到假期都好多朋友入去長洲店打下卡,呢間文青小店之前都有唔少朋友去過打卡,店舖裝置令,人感覺好舒服,空間感十足。至於食物質素都好唔錯😍,招牌綜合三色圓一碗有齊晒地瓜圓、芋圓、紫薯圓,仲有仙草等,勁豐富,味道黎充講呢度都算正宗,唔會太甜而且好有咬口!至於抹茶蕨餅口感又滑又煙靭,最吸引係面層嘅抺茶粉,又香又濃,蘸少少黃豆粉同黑糖食真係好正!

【太平清醮!Hello Kitty 平安包登場!】

宇治金時、香芋及蓮蓉 3 款口味!每年太平清醮入長洲睇飄式、買平安包可謂指定動作,以為年年都只係咁,少年你真係太年輕喇!今年Sanrio Characters首次同平安包元祖級餅店郭錦記聯乘,推出三款全新口味平安包,Hello Kitty、蛋黃哥同布甸狗平安包分別係香芋、宇治金時及蓮蓉口味,做手信一流呀!除咗平安包禮盒,仲有長洲限定嘅主題鎖匙扣同磁石𠻹!仲有呀,如果你買咗主題小冊子同印章套裝,大家可根據小冊子上列明的必到景點,包括郭錦記本店、海鮮街及長洲碼頭設有的主題印章收集站蓋章打!

【#長洲賞花!年度盛事:關公亭開花】

盛放啦!把握機會!3月係櫻花嘅季節喇!今時今日留喺香港都可以賞櫻花,長洲關公忠義亭喺1973年建成,亭兩旁種植咗十幾棵櫻花樹,係全港最大型嘅櫻花群。櫻花顏色非常鮮艷,花形細小而密,好多時都人山人海,大家記得愛護櫻花,眼看手勿動,唔好破壞呀!

【長洲奇石之旅】

行小長城!長洲除左張保仔洞同芒果大糯米糍外,去長洲黎個奇石之旅,親近下大自然都唔錯!係東灣由觀音廟方向上山,就會搵到「小長城」路牌。沿著這條由麻石築城小徑,就會睇到好多奇異怪石,不過真係要落足眼力同想像力,如果唔係擦身而過都未必知道!

熱門標籤

熱門分類

Close Bitnami banner
Bitnami