長沙灣呢間開左唔夠半年既漢堡店人氣急升，只因為佢出品既漢堡又巨型又高質，但都只係50幾蚊就有交易！招牌「鄰居漢堡」，手打漢堡扒夠厚夠juicy、配以大大塊菠蘿、蕃茄、煙肉、車打芝士、磨菇、自家製醬汁等，飽肚感十足。其他特色漢堡例如大啡菇牛肉漢堡等都絕不欺場，啡菇夠厚身又夠香！仲可以加$32轉套餐加配雙色薯條同餐飲，有齊普通薯條同蕃薯味，粗身又夠香脆，真係好邪惡！ ▲大啡菇牛肉漢堡($52)多汁又夠焾身，份量都唔細 ▲黑松露磨菇牛肉漢堡更加抵食，$58又有黑松露又有手工漢堡去邊度搵！ ▲跟餐可以加配雙色薯條同飲品，薯條夠粗身又新鮮炸出，完全冇得輸 ▲早前聖誕仲推出左聖誕套餐，除左漢堡仲有安格斯西冷扖，同樣大份又出色 ▲漢堡選擇唔算多，但基本配料足，加埋自家醬汁就更惹味 鄰居 Neighbor 地址： 長沙灣元州街162-188號天悅廣場地下A8號舖電話：37020958營業時間：星期一至四、日 12:30 – 23:00 / 星期五至六 12:30 – 00:00 文字來源: 香港人.遊香港/圖片來源: @s_bb_sarah、@neighbor_csw...
