曾獲得米芝蓮推介的印度餐廳，已經開業半世紀，有不少地道同fusion的印度菜！人氣菜式之一的松露奶油咖喱雞柳，即使是未接觸過印度料理的朋友都可以放心大膽嘗試一下，因為加入了黑松露，黑松露味道突出，可以蓋去點香料味⋯⋯
邊個話咖喱一定要配肉？係日本咖喱界，野菜配咖喱已經得到好大既認同支持，所以呢間日式咖喱外賣小店以呢個作招牌，不過同時都有牛肋條、蜜糖燒雞扒呢d選擇。店鋪細細只有好少堂食位置，選址葵涌主打街坊同學生生意，因此好多食客都係買返屋企慢慢食。除左原本咖哩口味之外，仲加推酸甜開胃既蕃茄牛肋條飯同清新既南瓜雞肉飯，而下午茶黎食就會超抵，最平24蚊有交易，仲會附上無糖綠茶，係窮人恩物之選！ ▲主打既野菜咖喱飯：吸引左部份素食foodie，佢地既咖喱汁係自家製，唔係用超市現成。野菜咖喱飯有齊13種蔬菜，包括有西蘭花、椰菜花、翠肉瓜、秋葵、青椒、紅蘿蔔等。下午茶黎買就最抵食，只係24蚊 ▲每份咖喱飯都係多汁mode，日式咖哩經改良後口感有d辛辣，送飯一流！ ▲老闆又點會忽略肉食控呢？當中咖哩蜜糖燒雞扒飯：都好受歡迎！雞扒即叫即煎，以蜜糖煎封，香甜十足！ ▲咖哩牛肋條飯：以咖哩烹煮薯仔、紅蘿蔔做配菜，炆牛肋條燉煮到柔軟口味，非常惹味。 ▲小店門口會有小量堂食座位 野菜咖喱事務所 Curry Man 地址：葵涌葵興道100號葵涌中心商場地下A42號舖 電話：51128914 營業時間：星期一至日 11:00 – 21:00 文字來源：香港人遊香港 / 圖片來源：@waitungkwong、@stripeboy、@lam.planet、@alexlam728...
呢間咖哩專門店係灣仔打工仔不嬲都係榜上有名，近日老闆娘更勇武地一句「唔做冇良心既人生意」趕絕護旗手譚詠麟，獲得唔少人支持同「懲罰」，日日lunch 都大排長龍，十居其九都係黎食呢度既招牌咖喱炸豬扒飯，選用豬里脊肉，處理過程一d唔簡單，先用陰力拍鬆同拍薄，再裹上秘製脆漿，豬扒雖然巨大，但係師傅火侯控制得宜，炸到恰到好處。再配上微辣辛勁既港式咖哩，真係送飯一流！ ▲咖哩豬扒飯($70)：豬扒輕輕沾上一層炸漿及麵包糠，成品色澤金黃誘人。食落啖啖肉口感，多汁肉腍，肉質外酥裡嫩，最香最好食係連骨帶肉既位置，食落香口脂香四溢 ▲咖哩豬扒飯($70)：咖喱味道辣中帶微甜，又有印度咖喱風格口味 ▲每份咖喱汁中間都有一大塊薯仔，燜煮後加埋甘香既咖喱汁，夠香濃！ ▲心水清既食客都會選擇外賣豬扒飯($45)：因為價錢平一大截！不過外賣始終冇堂食咁好食。 ▲呢度另一名物乾炒牛河($50)：河粉炒得均勻，每條都掛上醬油汁，配料厚切牛肉份量多。 新景園咖喱小廚 地址：灣仔春園街20號地舖 電話：25749172 文字來源：香港人遊香港 / 圖片來源：@tloveb2sweet、@k.linglingling_、@ctfoodr、@trevor.teo、@sakurafoodie...
呢間大角咀小店經歷幾次搬鋪，食物都keep住水準，鐘意食咖哩既朋友，可以試下佢地獨家泡製既港式咖哩麵，有湯麵又有乾撈，賣相的確麻麻但係味道真心夾！小編推薦食咖哩撈麵，因為無論你叫咩麵，都可以掛滿香濃既咖喱醬汁！ ▲咖哩雞扒撈丁，平時食開芝士撈丁今次可以試下d冇咁溜既！ ▲咖喱牛腩撈粗（＄55），喱腩撈粗係街坊果果食完都話正，呢度咖喱迎合香港人口味，其實配牛腩最夾！ ▲咖哩豬扒撈丁 ▲除左撈麵同湯麵之外，呢度都會有好多小食好似咖喱魚蛋咁。 金鑽喱美食 地址：大角咀大全街20號地下A5鋪電話： 2392 8968 / 5204 0604 文字來源: 香港人.遊香港/圖片來源: @hkrickylam、@winnic、@kidmin...
記唔記得有一排好興去佐敦食咖哩？呢間一做就做左幾十年，秘製咖哩醬汁，加左唔少洋蔥同蕃茄蓉，口感有提升之效，不過呢度咖喱偏辣，係巴基斯坦風味，唔係個個都接受到！值得一提係每張桌上都放了一壺冰開水，令客人能及時解辣。 ▲咖哩蟹一樣有大、中、小辣揀！ ▲咖哩牛腩飯（$72）咖哩辣醬好獨特，加入大量勁香口既洋蔥蓉，食落除左辣仲好濃洋蔥，撈飯真係一流！ ▲咖哩雞飯（$70）有人話雞唔滑又唔新鮮，計小編話用汁撈已經食晒成碟飯。有人覺得呢度定價太高，其實勝在夠真材實料！ ▲牛腩油脂甘香融入咖喱內，-牛腩炆得軟腍，唔怪得有網友話黎到只食牛腩！ 亞龍咖喱 地址：佐敦吳松街93號A地下電話：27821635 文字來源：香港人.遊香港／圖片來源：@vivienchubi、＠2chinkam、＠siubachu、＠agneslsm...
北角有間馬來風車仔麵小店可以自已選擇馬來風湯底，咖喱湯底麵一上台已經聞到芬香撲鼻既濃郁咖喱香，不過就唔係好刺鼻！想食飯既就一定要食辣死你姨媽椰香飯，配料雞蛋、花生，、鯷魚、青瓜、娘惹泡菜及冷當牛腩，仲可以加埋怡保炸雞脾，簡簡單單都可以得好豐盛。 ▲辣死你姨媽 ($62) 有椰香飯，雞蛋，花生，鯷魚，青瓜，娘惹泡菜，冷當牛腩，椰漿飯吸收了椰奶日月精華，又簡單又豐盛。 ▲辣死你姨媽 ($62) 怡保炸雞脾另加$4 ▲姨婆蝦麵($56) 配料有魚片頭、蘿蔔、豬紅、豆泡、芽菜、半隻雞蛋和脆炸腐皮，最特別都係馬來西亞西刀魚做成魚蛋，一啖咬落嫩滑魚肉，魚香十足。配合鮮蝦熬出来鮮甜可口湯底好夾！ ▲馬來燒菜心 ($28)燒菜心特別帶出菜心既鮮甜。 姨婆瑪麗 地址 ：北角北角道10號北角亞太商業中心地下1號舖電話：21118843營業時間：12:00 – 15:30、17:30 – 21:30 文字來源：香港人.遊香港／圖片來源：@rachel_ngsilent、@yan_on_the_road、@chiuey98、@huikwokwai、@mjqueen7e...
