呢個特厚西多士又係一長洲名物，以厚厚既外型見稱，西多士餡可揀藍莓、花生醬、朱古力或綠茶，表面超多煉奶，加上大舊牛油咪話唔邪惡！揀綠茶醬取代花生醬，入口又有另外一種韻味！ ▲厚西多係由兩塊厚麵包製成，厚多士蛋漿恰到好處，食落脆口，配上煉奶表面真心邪惡！ ▲綠茶西多士 ($22 厚西多$35) 綠茶口味最多女仔揀！ ▲食呢個特厚多士都係揀返花生味最啱數！ ▲厚西多咁大份量，緊係同朋友開心share 啦！ 紅點 RedPoint 地址：長洲新興街65號地下電話：29810303營業時間：08:00 – 21:00 文字及圖片來源：香港人遊香港、圖片來源：@tomato_c_hing...
旺角朗豪坊戲院隔離有間坐得幾舒服既茶餐廳，小編睇戲前後都會黎睇下，最近佢地update左新派創意既Menu，有鐵板鋸扒、薯條小食同流心西多士呢d選擇，小編試左熱辣辣鐵板魷魚上淋上黑松露豆豉汁配埋意粉食真係好正，佢厚實既原隻魷魚啖啖鮮味。食完主菜，點可以唔食佢地既流心西多士，以嶄新既手法享受流心西多士做甜品！ ▲鹹蛋金沙薯條($58)，將上年大熱既鹹蛋元素加入薯條，分食落鹹香油潤！ ▲想食法式田螺唔駛去法國餐廳既！呢度法式焗田螺（＄68）用大粒田螺肉先用蒜蓉、洋蔥、燒汁及白蘭地爆炒，再釀入田螺殼及塗上香草牛油同焗，唔駛被鋸到一頸血都食到！ ▲鐵板黑松露豆豉汁原隻魷魚意粉（＄138）對小編黎講實在有驚喜！日本原隻魷魚非常厚肉彈牙，煎熟後配上炒意粉及自家製黑松露豆豉汁，淡淡豆豉混合松露醬濃香，意粉煮得岩岩好 ▲荷蘭汁焗龍蝦拼肉眼扒（＄238）係名符其實既「海陸大餐」！當中爽口半邊波士頓龍蝦，加埋幼滑荷蘭汁後焗香，厚切肉眼扒亦唔係普通貨色！ ▲酥皮金必多忌廉湯($68)酥皮既前身原來叫「金必多」係清朝上流中西合璧料理。湯底用忌廉雞湯，再加入素翅、雞絲、火腿絲、西芹、大白菜等豐富材料，入口濃稠鮮甜，酥皮咔嚓一聲真係好脆！ ▲經典英國菜式威靈頓牛柳再唔係高級餐廳既專利，呢度威靈頓牛柳（＄188）價錢合理，配埋松露蘑菇汁是用酥皮包住牛柳扒、巴馬火腿及野菌粒，味道非常匹配 ▲吉列流心紫薯西多士（＄58）紫薯蓉混入適量忌廉同糖，做成流心效果 ▲吉列流心紅豆西多士（＄58）用上粒粒紅豆蓉同椰汁，將中式紅豆沙加入西多士內感覺又係另一個層次！ ▲吉列流心奶皇西多士（＄58）西多以吉列形式炸到金黃色，而用香濃奶皇餡-比起傳統花生醬餡美味得多呢 Made in HK Restaurant 地址：九龍旺角朗豪坊8樓02-03店電話︰+852 2918 1655營業時間：星期一至日 中午12時至下午10時30分 地址：九龍觀塘創紀之城5期apm L1樓L1-13號舖電話︰+852 2156 2000營業時間：星期一至日 上午8時至下午11時 文字／圖片來源：香港人遊香港...
邊個話飲高質咖啡一定要去連鎖店？深水埗街坊有好介紹！呢個地痞格主打咖啡專門，咖啡種類有好多種，由巴西山度士、日本虹吸式咖，到藍山咖啡都有！佢地鋪頭好細，基本上只有3、4張台，10個座位都唔夠，不過就唔少街坊歎啡食件西多士！ ▲西多士($26)上台時切開六小件，方便食用；用煎既方法做，油份比較一般少，內餡花生醬味道唔算太濃，而糖漿係用楓糖，比平時糖漿更清甜 ▲Mocha($19)只係一杯咖啡，背後飲得出製作者對咖啡執迷熱愛。 ▲呢度最chill食法就係用藍山咖啡($25)配上西多士，藍山咖啡係名氣最高單一產地咖啡，佢既獨特芳香，總佔據著愛啡之人心中一席位 ▲唔食西多士，可以選擇西化既芝士蛋糕($26)，入口濃郁芝士蛋糕係自家製，不過係高水準之選！ ▲愛好飲咖啡既你，呢種街坊風味唔知又岩唔岩你口味呢？ 藍山咖啡專門店 地址：深水埗荔枝角道289號電話：27201068營業時間：08:30 – 18:00 文字／圖片來源：@mi.wa.3、@edckw、@jason_lam32、@feidoucoffee、@ngcatcat...
食埋先減！唔係咩老字號，不過門面同裝修都係走懷舊風，醒目既彩藍色為主調。食物就以成吋厚西多士最為吸睛！將兩塊厚切麵包，沾蛋漿再落油鑊炸，上台中間呈黃金色，當然仲有最邪惡花生醬做餡，小編都係食埋今餐先減！ ▲Show me your love，粟米肉粒飯($48)係經典茶仔碟頭飯，勝在穩陣！ ▲常餐($48)炒蛋非常嫩滑，蒜蓉多士夠蒜香！ ▲以彩藍色為主調既冰室係蘇杭街上好sharp醒，附近返工既朋友都會過黎食！ 蘇杭冰室 地址：上環蘇杭街3號地舖電話：23527778/28697228營業時間：07:00 – 18:00 文字來源：香港人.遊香港／圖片來源：@cc1212chan、@purplekui、@pudding_icecream、@hongkongunchiku...
蕃薯控抬頭！ 平日去茶仔食西多士已經夠哂邪惡！今次呢個加入大量蕃薯蓉既西多士真係不得不試！厚厚麵包炸成金黃，不過仍然鬆軟，內餡中間夾著甜薯蓉而非花生醬，軟綿綿蕃薯蓉更係無得輸！ ▲蕃薯厚西多士($40)看似平凡，內裡絕不簡單，放棄使用傳統既花生醬，反而用呢度主打蕃薯黎取代，綿密香甜蕃薯蓉食落甜甜地唔會太膩。 ▲蕃薯厚西多士($40)切開厚西多，入面真係有超多蕃薯蓉！！ ▲合桃甘薯芝士餅 ▲芥蜜脆皮原隻咸豬手，呢隻豬手冇平日果d咁肥, 又多骨膠原。 Mr. Yammy 大蕃薯 地址： 粉嶺聯和墟聯昌街7號營業時間： 星期一至五11:00–23:00／星期六、日 08:00–23:00星期三休息電話： 2675 7708 文字來源：香港人.遊香港／圖片來源：kenkwok78, tomasowu, cancerianfoodies，shirleyxiao7278...
呢間來自日本忌廉包既專門店，有新品西多士配雪糕食，講緊唔係茶餐廳既西多士，係日本忌廉包加上焦糖脆面，甜甜地脆脆地，而且一貫作風滿滿牛乳香濃忌廉餡。配埋清香咖啡味雪糕同咖啡果凍，食完真係大滿足！ ▲咖啡果凍芭菲($78) 焦糖脆面嘅西多士，咬落有豐盈既忌廉餡，係用北海道濃厚8.0牛乳打成。 ▲咖啡果凍芭菲($78) 咖啡果凍粒粒都好濃郁咖啡味道，加強左咖啡味雪糕口味。而穀物脆脆更加令芭菲口感更立體！ ▲綠茶忌廉包(＄28)使用辻利綠茶粉嘅招牌忌廉、配埋九州嘅小倉紅豆，再加入八天堂嘅招牌忌廉麵包之中，食落好香甜，真係好想食。 ▲八天堂有唔少限定口味，今期就係士多啤梨味！ 八天堂 地址： 尖沙咀廣東道25號海港城港威商場地下G104號舖 文字來源：香港人.遊香港／圖片來源：圖片來源：maggiekk_，kodyhomui，sako_825，eat.eat.everyday...
呢間位於尖沙咀香檳大廈既蕃茄湯麵大受歡迎，直頭係蕃茄控嘅福音！呢度已經開業超過60年，裝潢保留以前港式冰室果種懷舊咁，老店氣息好重。招牌係蕃茄粉麵湯底都係以大量新鮮蕃茄打做，食落微酸，因此極受熟客們歡迎，亦有唔少遊客專登黎試。呢度嘅招牌蕃茄撈蛋麵雖然其貌不揚，但味道絕對濃厚美味。不過幾個月前就傳出香檳大廈被收購，9月完租約既老字號冰室未知前景，好可能今年就係最後一絕喇！ ▲蕃茄蛋撈通粉加芝士($42): 新鮮清甜蕃茄加上香濃蛋花，雖然個樣唔太靚，全片芝士遇熱融化。 ▲芝士蕃茄牛肉通($42): 蕃茄湯一睇就知勁入味，睇到都流晒口水，蕃茄系列仲有幾隻麵揀，又點可以唔試通粉，芝士配通粉都好好食，通粉軟硬適中，湯底仲有一絲絲牛肉味，正!! ▲蕃茄雞翼麵($42): 唔洗驚雞翼會無咩味，雞翼本身先醃咗，所以食落係有少少鹹味，加埋酸酸甜甜蕃茄湯底幾開胃。 ▲番茄牛肉通粉（$42）堅持以新鮮番茄做湯底，冇加任何味精，可以看到一顆顆碾碎茄肉同茄籽，而牛肉每塊都很足料，厚度適中，而且冇落任何鬆肉粉醃製，誠意十足。 ▲奶西多士($26): 冰室點少得西多士啊，下午茶必點，熱辣辣，夾住點花生醫加埋煉奶、牛油，每啖都好享受，加埋杯茶走，一個嘆住過嘅下午茶。 ▲蕃茄牛蛋撈麵($42): 除咗配芝士之外，呢度仲有得加蛋去配搭，加蛋之後蕃茄湯無咁紅，食落會清淡啲，蛋密密麻麻鋪滿咗碗面，蛋比較碎，所以每一啖麵都食到蛋，加蛋食絕對適合一啲清淡口味嘅客。 ▲冰室係1966年開業，依舊保持60年代古舊簡單風格。 星座冰室 地址： 尖沙咀金巴利道16-20號香檳大廈地庫36號舖電話號碼：27244408營業時間：星期一至六: 08:00 – 21:30(星期日休息) 文字來源：香港人.遊香港／圖片來源：@localfoodinhk、@howemmalosesweight、@bobobo_b、@ mr.march_official_2017 、xiaohongshu...
Yummy!!! 一早已經因拉芝芝士煲仔飯而聲名遠播既慈雲山茶仔，其實仲有另一亮點!就係麥提莎牛油西多士，香滑既麥提莎係西多士個心流出黎，濃濃既朱古力味配上西多士香脆外皮，真係好邪惡!!同場加映呢個繽紛既棉花糖多士，真係好岩小朋友食！ ▲麥提莎牛油西多士：外脆內熱，麥提莎醬超濃郁，可以見到好多細細粒的麥芽脆脆，好味到犯規。 ▲西多一分兩份，量勁多，滿口脆脆，感覺滿足，整體都幾甜，麥提莎粉絲大愛。 ▲看到這件多士，第一個念頭是：「也太邪惡了吧！」 ▲棉花糖多士：以為會甜到膩口，卻又反差地能嘗到棉花糖的甘甜，吃罷整件不滯。 榮記茶餐室 地址： 慈雲山毓華里12號地下A-B舖營業時間： 06:30–20:00電話： 2328 9232 文字來源：香港人.遊香港／圖片來源：互聯網...
