【銅鑼灣邪惡軸心!!流沙西多士!!!】


巧吸引巧吸引💖
西多士呢啲下午茶一定有嘅美食,大家都一定食過加煉奶或者加糖漿,咁流心嘅西多士有無聽過呢。位於銅鑼灣嘅呢間茶餐廳,就新創流心西多士,流心奶黃有咸蛋黃嘅香味,另外仲有黑麻麻芝麻流沙味,滋味嘅西多炸到金黃色,外觀十分吸睛,令港式下午茶多咗啲新花款。
▲黃金時代($68)/單叫招牌流沙西多士($34): 西多士嘅套餐有什果沙律、南瓜薯餅同紅豆,招牌西多士仲係熱辣辣,一切開入面既奶黃流沙流晒出黎,流沙真係勁多,食落外脆內軟,蛋黃味重,食到停唔到。南瓜薯餅新鮮炸,炸得好脆,有啲鹹,但好夠南瓜味。


▲回味黑芝麻流沙西多士($38): 創意滿分,同樣一切開入面既黑芝麻流沙流晒出黎,黑芝麻流沙有少少似芝麻糊個味,甜度都適合,呢個黑芝麻西多食落似甜品。


▲紅豆奶茶($25): 呢度嘅紅豆奶茶都幾好飲,奶茶滑又唔太甜,但加埋紅豆一齊飲加番啲甜味,啱啱好。


▲紅燒東坡肉($68): 一上枱就熱辣辣,好多煙出晒黎,啲汁撈飯簡直一流,東坡肉肥瘦分明,口感軟熟,而且東坡肉分量都好足。

華倫餐廳
地址:銅鑼灣禮頓道28-30號地舖
營業時間:07:00-23:00
電話: 25058099

文字來源:香港人.遊香港/圖片來源:互聯網
—————————————————————
相關文章:
【沙嗲牛肉西多士】
【男神女神西多?食完好滿足!】