呢間位於銅鑼灣的居酒屋,主打新鮮即開生蠔有別其他的居酒屋。生蠔更特別選取日本不同地方生長,由北面的北海道至南面的熊本都有,一年四季全年都有當造蠔由日本直送到港。
相信好多人未食過秘魯菜,呢間新開喺元朗嘅秘魯菜餐廳價錢親民,而且食材新鮮有質素,非常值得一試!店名叫得oyster,佢哋嘅生蠔當然唔可以唔提啦!生蠔又大隻又新鮮,配合少少檸檬汁食用已經好足夠,有淡淡嘅海水咸香,而且一啲都唔腥,加埋威士忌,真係一流!餐廳仲提供唔同嘅秘魯菜式,例如秘魯炒安格斯牛柳,好似身處喺秘魯,感受滿滿嘅秘魯風情,真係好chill! ▲ Your choice of oysters ($32-63)/Your choice of whiskey ($78-148) : 生蠔全部都好鮮甜,由淡味到濃味開始試,層次感好足,配埋威士忌一流! ▲ Causa Amarillo with crab and salmon...
黎到香港仔中心附近,離遠都已經大大個勁搶眼既招牌Oystime,故明思義,原來係間生蠔主題西餐廳,依家仲做緊$10/1隻生蠔,仲可以無上限任嗌,最適合柯打一大盤生蠔同親友共享!食完生蠔,一定要試下西餐廚稍精心準備既晚餐Menu,唔止据扒咁簡單,連英國菜威靈頓牛柳、西班牙黑毛豬都有得食,一大班人食飯,點少得啤啤佢,只要預先同店員要求,就可以印製自訂圖案係啤酒泡上面,泡製驚喜冇難度! ▲每日精選生蠔($10/隻)生蠔每日新鮮運到,生蠔來自南非、愛爾蘭、法國等地。 ▲各位生蠔迷不能錯過手掌咁大既生蠔,佢係愛爾蘭卡靈福德Carlingford 珍寶蠔,好有霸氣!蠔身肥大肉厚,海水味十足! ▲來到主食威靈頓牛柳,主廚為左食得健康一點,以雜菌及巴馬火腿,代替鵝肝醬,牛柳顏色鮮嫩,食落多汁。 ▲西班牙黑毛豬($148),豬肉肉質軟稔,油香肉嫩。 ▲大蝦配龍蝦汁意粉,每份意粉都有2隻越南大蝦,扁意粉向上一拉,意粉掛滿滿滿龍蝦汁,醬汁香氣撲鼻,原來係加入左蝦殼熬成,所食落特別濃香入味! ▲朱古力心太軟配雪糕:切開呢度自家製既朱古力蛋糕,流心朱古力漿紛湧而出,擺盤極美,配上一越南咖啡口味既雪糕。 ▲相片生啤:配Hoegaarden啤酒,可以將自己心水圖案印落啤酒泡上,隨時為食客帶來唔少驚喜! ▲相片咖啡:除左啤酒屋泡可以印刷之外,咖啡都可以做到呢個效果! ▲蠔灘 Oystime環境寬敞,weekend過黎hea 一個下午,都係個好選擇! ▲蠔灘 Oystime室內環境用左工業風設計,都係文青水泥牆及玫瑰金屬。 ▲一轉入香港仔南寧街,就見到呢個大大個既招牌! 蠔灘 Oystime 地址:香港仔南寧街13-23號香港仔中心第一期1樓2號舖 電話:2620 0168 文字 / 圖片來源:香港人遊香港...
大家係d特別值得慶祝既日子,緊係想食餐好!係銅鑼灣其實有唔少優質日式料理,呢間擁有大玻璃窗,另一邊更有跑馬地馬場景,岩哂兩小口/兩三知己黎食。今次呢個夏日限定廚師發辦菜單,以夏日食材蕃茄、柚子等為主調,目的係想令人有清新感覺,將好熱既壞心情帶走!是次廚師發辦有17道美食,大家可以安坐bar台前,欣賞師傅認真泡製美食。小編最愛佢地既紫海膽,入口綿密軟滑,而且份量真係唔少,所以以呢個價錢黎講確係值回票價! ▲ 真鱸魚昆布漬:以北海道昆布包住真鱸魚,昆布係唔食得既,不過鱸魚片就吸收哂昆布既鮮味。 ▲赤羽太,金目鯛,粒貝:以鰹魚高湯燙霜,3款食材都肉質彈牙爽脆、味道清甜。 ▲魚子醬白海老鮪魚他他(右上) 、赤身紫蘇大根卷(中下)、 鮟鱇魚肝水雲酢(左上)、熊本蕃茄(左下)、唐揚本州沢蟹及琵琶湖稚鮎:呢道菜就好似一幅藝術品咁! ▲縞海老土佐酢啫喱:來自北海道東部厚岸灣縞海老產卵量及漁穫稀少,特別珍貴。蝦身佈滿獨特的條紋紋理,蝦肉彈牙爽滑。 ▲渡蟹、車子慢煮 :瀨户內海渡蟹及北海道車子醬汁濃郁、鮮甜十足! ▲縞鰺魚伴魚肝醬(左上)、右口魚(左下)、平政魚伴柚子胡椒大根蓉(中)、火炙金目鲷(右上)及九州海螺(右下):食法由淡到濃,先係爽口順滑既深海池魚王-縞鰺魚,右口魚緣側;再係油脂豐腴既平政魚、小笠原群島的金目鯛同九州海螺。 ▲紫雲丹伴威士忌蜜瓜:金黃光澤紫海膽份量超多,味道濃郁甘甜。 ▲鮑魚白露筍松露煮:鮑魚經過16小時以清酒汁慢火清蒸,肉質一d都唔un,配上清甜白露筍同松露! ▲穴子凍(左下)、穴子天(右)、穴子八番卷(左上):慢火熬煮穴子湯再加入甘荀粒及穴子粒製成啫喱,加入秋葵,成為清新滑漏的穴子凍;穴子天婦羅更係香脆可口;穴子八番卷以穴子包捲著甘美清雅的白露筍,配以一小片梅肉啫喱。 ▲間場先食佢地既沙律:冰菜、未來粟米、大根千切沙律,4個食材都好清新!特別係大根千切配紫蘇葉佐梅醬,紫蘇葉切到好幼,食落完全揮去飽感! ▲水松貝、岩牡蠣伴熊本蕃茄冰:自家製既熊本蕃茄冰係用日本上白糖、醋及辣椒所製成,加埋水松貝、岩牡蠣感覺好衝擊! ▲鮪魚中落骨湯:以含豐富骨膠原的鮪魚中落骨熬成清甜溫潤湯汁,食左咁多生冷野係時候暖下個胃 ▲接住仲有5款壽司:鮪魚中落骨、鮪魚腩、紫雲丹、鯖魚棒、鰯魚卷 ▲緊係要食埋時令水果啦,當日小編食既係靜岡蜜瓜。 SUSHI...
位於灣仔碼頭既築地山貴水產一向主打新鮮海產和刺身。依家正值生蠔當造季節,最近佢地又重推$188任食生蠔放題,由即日起至4月尾,客人於築地山貴堂食惠顧任何食品或者飲品滿$200,就可以加$188享用由日本兵庫縣直送既真蠔放題。真蠔既肉質肥厚,蠔身的鮮甜味道,再加上微微的海水味,令人一試難忘!更重要係,今次既優惠係星期一至日既任何時段都可以用,假期有時間不妨去望住海景嘆生蠔! ▲只要喺餐廳堂食惠顧任何食品或者飲品滿$200,就可以加$188享用由日本兵庫縣直送既真蠔放題。 ▲主廚會用日式方法去處理新鮮真蠔,開蠔後會加入秘製酸汁、辣蘿蔔蓉同埋香葱調味,令蠔的鮮甜味道得以昇華。 ▲特選壽司盛($298):築地山貴水產既皇牌壽司盛!有齊牡丹蝦、吞拿魚腩 、海膽、赤貝、三文魚籽、油甘魚、金線鯛仲有兩款季節精選。 ▲山貴丼($118):海鮮丼推介依個!有10款唔同既魚生粒同三文魚籽,簡直係大滿足! 真蠔放題@築地山貴水產 地址:灣仔灣仔碼頭2樓電話:39745609營業時間:12:00 – 21:00限定日期:3 月 25 日至 4 月尾,星期一至日任何時段均可享用,限時 90 分鐘 文字來源:香港人.遊香港/圖片來源:築地山貴水產...
韓食同日本野一次過滿足哂! 日本同韓國都係香港人去旅行熱點首選,兩者都有唔少美食,你話請唔到假去旅行,呢間酒店既自助餐幫到你!食自助餐點少得冰鎮海鮮,呢度既海鮮勁多選擇,美國波士頓龍蝦、加拿大雪花蟹腳、麵包蟹係必食item,生蠔控點可以錯過,呢度生蠔即叫即開,夠哂新鮮!除此之外,今次主題仲加入日式同韓式既經典美食,小編整理左呢個日韓自助餐攻略,跟住食唔會輸蝕! 自助餐攻略 1 -勁擦海鮮+生蠔! ▲美國波士頓龍蝦同加拿大雪花蟹腳都係勁受歡迎既海鮮,係buffet既台柱!前者肉質紮實口味甘甜蝦頭蝦膏滿滿,啖啖肉,而雪花蟹腳亦有濃味芳郁 ▲海鮮選擇多多,翡翠螺同藍青口都鮮味十足!海鮮愛好者一定非常滿足 ▲有d酒店buffet會限制每人份量,呢度就完全不設限,生蠔即叫即開,味道既鮮味又肥美,海水味濃,好有夏日海洋氣息 自助餐攻略 2 -星期五/六黎,海膽無限量供應! ▲除左三文魚、吞拿魚呢d大路選擇之外,仲有赤蝦、油甘魚、希靈魚、甜蝦、北寄貝,仲有小編極為欣賞又厚肥鮮甜帆立貝 ▲就到時間既,一定book星期五/六,因為呢2日海膽無限量供應!出面中等日本料理店都要over 200蚊,鐘意食海膽真係唔可以錯過!色澤橙黃既海膽真係人見人愛,入口猶如奶油滑不溜口 自助餐攻略 3 -必飲韓式燉湯! ▲講到養生既韓式燉湯,一定係人蔘雞湯無異!自助晚餐的每位饗客均可免費獲贈韓式人蔘雞湯乙客!紅棗、栗子蔘鬚、加上補身既老雞必定係養生人士最愛!而且呢度仿照足韓式傳統製法,會加埋糯米飯入去一齊煮,燉湯原盅燉製,飲落清香不膩口 自助餐攻略 4...
一打蠔唔該! 灣仔嘅水產巿場最近推出咗個90分鐘嘅生蠔放題,每人惠顧滿$200或以上,就可以加$188升級「超蠔盛宴」,放題選用北海道岩蠔,每隻都接近手掌大小。主廚會加秘製酸汁、辣蘿蔔蓉、香蔥調味,岩蠔尺寸較真蠔大,肉厚肥美,在踏入炎熱夏天之際,岩蠔正值當造,全部岩蠔都係日本直送,大家可以盡情任食! ▲大大隻冰鎮岩蠔配上鮮味配料,絕對令人身心大滿足 ▲岩蠔尺寸較真蠔大,肉厚肥美。 ▲客人可以每人惠顧滿$200或以上,就可每位加$188享用90分鐘日本蠔放題 ▲嘆住刺身,品嚐大吟釀,望住維港無敵海景都幾chill 築地 • 山貴水產市場 日期︰即日至6月30日時間︰12:00 – 22:30地點︰灣仔渡輪碼頭2樓電話︰39745609 文字來源:香港人.遊香港/圖片來源:築地 • 山貴水產市場...
夠鮮甜! 身為蠔迷嘅有福了!呢間餐廳為人熟悉嘅就係生蠔夠晒抵食,$9蚊生蠔長期熱賣,雖然唔算大隻,但夠哂鮮甜,唔會將貨就價!如果幾個朋友都想開支酒傾吓計,仲可以揀個$198套餐,包咗12隻精選生蠔同白酒1支,可以快D訂位啦! ▲9隻嘅精選生蠔絕對夠晒鮮甜。 ▲生蠔迷不要錯過! ▲生蠔每日新鮮到貨,貨量充足,大家不用就住叫,放開吃! ▲一班朋友想開支酒傾吓計,仲可以揀套餐嘅精選生蠔12隻-配白酒1支$198。 Season Plus 地址:觀塘駿業街56號中海日升中心1樓A號鋪電話:35863737時間:11:30 – 23:00(星期日至四)、11:30 – 00:00(星期五至六) 文字來源:香港人.遊香港/圖片來源:互聯網...
有任食生蠔! 荃灣呢間餐廳一直以270度海景自助餐打出名堂,最近佢哋仲出咗逢星期六日嘅Weekend brunch Buffet😍,其中要數回本首選一定係任食法國生蠔,生蠔係屬於芬大奇生蠔,肉質爽口,裙邊味濃彈牙,再加上鱈場蟹腳🦀,好滿足,同場當然仲有唔同熱食同甜品,係呢個超靚海景旁邊過一個Happy Weekend! ▲Anchor’s推出週末自助早午餐,各準備多款海鮮及中西美食 ▲大家可以係270度海景旁享受Weekend Brunch Buffet ▲餐廳特別呈上來自法國的生蠔,保證大家回味無窮 ▲除咗海鮮生蠔,餐廳亦有供應其他熱食 Anchor’s Seafood 地址:荃灣油柑頭青山公路汀九段123號汀蘭居地下訂座及電話:(852) 2945 1138價錢:成人$351 、小童 $175,另收加一 文字來源/圖片來源:香港人.遊香港...