呢間咖啡店兼賣另一品牌蛋糕同曲奇，有網友就形容佢地既蛋糕同咖啡係perfect Match，但因疫情緣故，大家都係買完返屋企慢慢歎比較安全。尤其係今次新產品花生慕絲加朱古力醬曲奇三文治係獨立包裝，方便帶返去慢慢品嚐，香濃鬆化曲奇夾心一於打孖上有兩層，一層係芳郁既朱古力醬，另一層就係香滑花生慕絲醬，店主仲係ig教路，將曲奇三文治浸入牛奶咖啡中再食，相信更有更一番味道。 ▲花生慕絲+朱古力醬曲奇三文治，同小店出品既咖啡味道非常配調，一齊食用真係perfect match！ ▲今次花生慕絲+朱古力醬曲奇三文治係以塑料膠袋獨立包裝，外賣返屋企食更加滋味！ ▲花生慕絲+朱古力醬曲奇三文治星期一至日全天候都有得食，大家不妨買多幾個home office時做點心 ▲原味雲尼拿燒焦芝士蛋糕 Original Vanilla Basque Burnt Cheesecake （$48 ）：Burnt cheesecake系列係網絡大熱，其實佢係由@hemma.hk 用心製作，佢並未有實體店，所以心血來潮想食佢既蛋糕，只好黎呢個cafe碰碰運氣！以日本蛋入饌，芝士軟心焗到半熟，又充滿蛋香同雲尼拿香氣，而表面則帶有焦糖香。 ▲焙茶燒焦芝士蛋糕 Hojicha Basque Burnt Cheesecake （$48）/ 綠茶燒焦芝士蛋糕 Green Tea Basque Burnt Cheesecake （$48）：滑溜creamy cheese夾雜微澀茶口味，令整體冇咁邪惡。Cafe係公佈曲奇新品同時，亦宣布芝士蛋糕系列只限Weekend及公眾假期供應，星期一至五將停止供應。想食既話其實可以直接係@hemma.hk預訂！ ▲小店咖啡都非常出色，WHITE（$38）泛指所有在ESPRESSO飲料中加入牛奶飲品。 ▲Dirty（$40）選用較薄玻璃杯，令人欣賞到咖啡、鮮奶層次融合變化，擁有一冷一熱矛盾感。 文字來源：香港人遊香港 / 圖片來源：＠yy_joey、＠wilsonark 、＠hemma.hk、＠ms.v.chihuo、＠artistaperfettohk、＠marcusjeremydgs、＠mrs_chia_omakase、＠dawn.c22...
身邊總有個芫茜控打邊爐會落超多芫茜！而近年有唔少品牌同餐廳都推出左芫茜口味既食物，唔知你又試過未？位於全新掃街基地既旺角中心，呢間腸粉專賣小店已姐開業一段時間，其皇牌出品芫茜腸粉，新鮮出爐滑溜溜，成品碧綠吸睛，出左客人前會落超多芫茜，不過推出後就有芫茜控都係覺得唔係好夠味，因此小店落重料打做「芫茜腸粉升級版」，令唔少芫茜控都食得好滿足！值得一提係呢間小店有罷市支持反送中，近月佢地推出咗個廿蚊學生餐，只要係學生，就可以$20學生價食到佢地腸粉。 ▲升級版芫茜皮蛋腸粉 ($32)， 先將腸粉米漿加入超多芫茜，蒸熟後芫茜味冇咁重，顏色碧綠吸睛絕對係相機食先。 ▲ 升級版芫茜皮蛋腸粉 ($32)，腸粉可以按喜好加入粟米、雞蛋、碎牛、生菜、蜆肉等。 ▲ 升級版芫茜皮蛋腸粉 ($32)加入皮蛋及更多芫荽做配料，芫茜控龐該食得好滿足！ ▲ 精選五寶腸（$32）呢個係選擇困難症人既出路！乜都有d，有蔥花、粟米、鮮肉、蝦米 ▲ 栗米鮮肉腸 ($26) 腸粉夠皮薄饀多，加埋XO醬一齊食更惹味 ▲凍檸茜特飲 文字來源：香港人遊香港 / 圖片來源：@daydaysteamriceroll、@lottery_001、@wyemilyw、@zahlau、@_love.eating_321、@ladysubeitw...
呢間旺角傳統餅店係第二代接手，除左有傳統麵包、紙包蛋糕之外，太子爺近年開設副線Happy Roller主售忌廉卷蛋同戚風蛋糕，提供網上預訂。忌廉卷蛋行高端路線，用料採用日本麵粉、法國淡奶油、稀少糖，短短一年就成為IG大熱打卡之選，鬆軟濕潤蛋糕卷包住超多細滑忌廉，次次出爐都好快賣哂！而且仲有芋泥、抹茶、芝麻花生麻糬等口味，隻隻口味都超吸引！ ▲芝麻花生麻糬 （$138）花生控同煙韌控必選呢個口味！中間忌廉富有香濃花生味，夾雜花生碎，而外層芝麻蛋糕又濕潤又鬆軟。煙韌麻糬夾心仲做到拉絲效果！ ▲鐵觀音生乳卷蛋 （$108）鐵觀音茶香突出，卷蛋使用稀少糖，唔會好甜！ ▲芋泥卷 ($98) 芋泥卷 蛋糕卷係以原味蛋糕，蛋香濃，忌廉包住爆多厚實芋泥。 ▲ 流心抹茶口味蛋糕（$128）濕潤，用上日本京都丸久小山園出品嘅青嵐抹茶粉。 ▲抹茶芝麻忌廉卷蛋，香濃芝麻忌廉及抹茶忌廉兩個口味細緻柔滑！ 文字來源：香港人遊香港 / 圖片來源：@choisumlife、@tototoooby、@wingg_yee_、@hiheidifoodie、@foodallthewayy...
灣仔日月星街區轉角有間文藝小店 – 白做研究所 ，由台南開返黎香港。主要係文青最愛既選品店，主要係小品插畫家、設計師一些作品，大多呈現係Tote Bag、掛畫、Tee等，將生活美學融入日常。多年儲落唔少捧場客，小店同時亦係展覽講座、工作坊交流平台，希望多方面引起生活日常既共嗚！小店品牌分香港、台南兩邊業務，希望集更多來自五湖四海、素不相識既同路人互相認識。 ▲ 夫婦及另一位台灣女生首先係台南開設「白做」，再因展覽將呢個品牌帶回香港。 ▲ 小店經常引入唔同藝術插畫師作品。 ▲ 作品除左牆壁擺設以外，大多都係生活用品。 ▲ 小店唔算面積好大，卻比人舒適既感覺。小店不時會有展覽同workshop，詳情可以多留意佢地facebook 同ig ▲ Kata Kata以日本傳統染布技術設計創作，治癒版鯨魚、貓、野豬陶瓷碟都好受歡迎。 文字來源：香港人遊香港 / 圖片來源：@white_do、@janaeemi、@noelso...
呢間係性價比超高台灣小食店，品牌源自台灣宜蘭羅東。憑住兩位店主堅持，多次前往宜蘭羅東尋找地道肉焿湯，最後特意去台灣學師後開店，因此小食風味同台灣好相近。主打魯肉飯、肉焿湯米粉、手工芋圓、香芋肉鬆三明治，全部都好受歡迎。當中最ig-able 都係誘人雙紫色既香芋三明治系列，又飽肚又可口，顏值爆燈！ ▲芋見紫薯吐司（$45），份量大，內餡真材實料質感軟綿綿，紫薯泥、芋泥形成漸層深淺分明視覺效果！ 一啖真係爆晒餡！ ▲Oreo紫薯泥吐司 （$46）Oreo食落微甜甜地同紫薯泥 ▲肉鬆芋泥吐司（$40），芋泥口味較清新，肉鬆咸咸香香，反而有種反差感。 ▲1號羅東肉焿湯餐（$78）魯肉飯、肉焿湯加埋飲料。肉焿湯係以新鮮豬肉加入蕃薯粉、魚漿醃過，而湯頭再加埋荀絲、芫茜食落感覺較杰身。 ▲肉羹米粉（$48）肉羹非常香口，鹹香四溢。 ▲仙草芋圓1號（$34）包括三色芋圓、蜜紅豆及海藻水晶 ▲小店貼文宣以示支持學生及社會運動。 文字來源：香港人遊香港 / 圖片來源：@rosabeth.ngoman、@jesxfoodie、@wunderlust_girl...
