「The Cool Cousins」位於觀塘工廈區，自2019年開業至今一直陳出不同，主打多款創意漢堡包及小食，例如有72小時安格斯牛小排漢堡、花生醬楓糖薯條、泰式船麵等，深受街坊及打工仔歡迎。而餐廳的創意料理並不會停滯於此，近年更推出多幾款超吸睛美食，包括有雪糕炸雞口味burger、超厚切吞拿魚刺身burger、五花肉菠蘿burger、Mac’n Cheese burger等等，十分吸引！各位漢堡愛好者不妨試試啦！
觀塘的呢間餐廳Angel & Devil是區內出名的玩味西餐廳及酒吧，推出全新季節限定下午茶！以酸酸甜甜的各類「莓」 為主題，包括以士多啤梨、藍莓、紅莓及黑莓入饌，賣相非常精緻！平時嘅下午茶份量都比較小，今次呢個下午茶三層架多達二十幾款鹹甜點，重點推介藍莓燕窩羅蘭士撻、士多啤梨藜麥沙律鮮蝦杯、士多啤梨慕絲，仲有下午茶限定口味的白朱古力慕絲雜莓蛋糕、招牌雲朵造型甜品，鹹點有三文魚慕絲酥皮盒及砵酒啤梨配巴馬火腿，仲可以配埋自選口味的雞尾酒畫上完美的句號！ ▲價錢HK$268兩位用 (未計加一服務費) ，呢個下午茶色彩搭配鮮艷，最啱三五知己一齊嚟傾計八卦！ ▲白朱古力慕絲雜莓蛋糕，絕對係呢度嘅招牌甜品，雲朵造型可愛吸睛。 ▲朱古力慕絲餅配燈籠果，朱古力的苦澀味完全中和曬燈籠果的甜味，鍾意食朱古力嘅你切勿錯過！ ▲士多啤梨慕絲配雜莓醬，新鮮的果醬配襯軟滑幼細的果香慕絲，令人欲罷不能。 ▲藍莓燕窩羅蘭士撻，香脆的撻皮內盛載著洋蔥煙肉餡，養顏的燕窩配上煙肉零舍惹味且矜貴。 ▲莓果雞尾酒或藍莓香蕉特飲，大家不妨同friend嚟Chill噃下啦！ 文字來源：香港人遊香港...
觀塘呢間日式料理店主打烏冬，老闆同一家人都曾經去過日本四國學藝，仲重本於店內自設製麵機，每日新鮮自製烏冬，烏冬分冷熱兩大類，必試嘅海苔烏冬質感彈牙，老闆希望可以喺香港重現日本味道同口感，仲強調唔造港式日本菜。烏冬配料可以揀洋葱牛肉、天婦羅等等，價錢唔算貴，而有好多食客真係讚有日本味道🤤，最近老闆仲係長沙灣開咗分店！ ▲店主曾經去過四國學藝，每日新鮮自製讚岐烏冬 ▲加入大麥粉及粗麥粒製作嘅烏冬就含有大量纖維 ▲烏冬分冷熱兩大類，可以配鰹魚湯、醬油、拌蛋等 ▲午飯時間大排長龍 鰹烏冬地址： 觀塘開源道60號駱駝漆大廈3期11樓O室 長沙灣元洲街450/464號寶華閣地下4號舖 文字來源：香港人.遊香港／圖片來源：鰹烏冬...
觀塘冬菇亭新開咗一間麵檔主打撈麵同米線，價錢非常好大眾化！其中最多朋友推介嘅係$48一碗花膠雞髀米線，湯底用咗新鮮雞每日淆製，夠晒香濃；再加上大大隻雞脾原隻上，啖啖肉好正！花膠就用咗原塊淡水鱸魚花膠，食落都厚實嫩滑，滋味養顏！招牌米線每日限量供應，想食嘅可能要打電話留一留啦！ ▲自家製鮮蝦雲吞 ▲花膠雞髀雞湯米線 $48 ▲價錢大眾化 ▲鵝肝拌麵 $58 撈得囍麵檔 地址︰觀塘振華道70號樂華南北邨近安華樓5-8號冬菇亭電話︰2788 2269 文字來源：香港人.遊香港／圖片來源：撈得囍麵檔...
韭菜炒河蝦都好正！ 呢間正宗湘川菜之前係九龍城累積唔少人氣，好多朋友都特登要去試秘製香辣魚，老闆話所有食材包括泡椒、河蝦、臘肉等都係由湖南引人，秘製香辣魚水準好高，加入多種泡椒後酸辣惹味，韭菜炒河蝦亦都食到河蝦鮮味，一間值得推介嘅湘菜館！ ▲菜式香辣兼備唔會死辣，愛辣的朋友有福了！ ▲呢間正宗湘川館最近由九龍城搬去觀塘 ▲香辣魚加入多種泡椒，酸辣惹味 ▲鍾意食辣嘅朋友唔好錯過 湘川閣 地址：觀塘宜安街4M號地下電話：3689 0051時間：11:00 – 02:00 文字來源：香港人.遊香港／圖片來源：湘川閣...
觀塘區有間小店，每日為打工仔用心製作特濃蝦湯，為既係煮出一碗碗令人心滿意足既烏冬！呢個特濃蝦湯真係超級正！超香蝦味不在話下，杰身既湯頭易掛湯，配手打烏冬或拉麵都係一流！而薄切叉燒肉質較腍，咸香亦好夠！ ▲自家製特濃蝦湯叉燒手打烏冬（$60）湯底好重蝦味，一飲成啖海鮮味，質地好杰超級濃郁！ ▲自家製特濃蝦湯叉燒手打烏冬（$60）叉燒都幾軟淋同入味既，而且脂肪分佈平均 ▲湯底係每日自己煲，想豐富d可以加一隻半熟蛋($6) ▲沙律雞飯，炸得脆口既炸雞配上大量沙律醬大大減少炸雞既油膩感 味山田 地址：觀塘成業街7號東廣場地下G08舖電話：21144019 文字來源：香港人.遊香港／圖片來源：ashfo626, p.happy.smile, cforcharmaine...
