呢間位於紅磡明安街開業的傳統上海式小店，剛榮獲米芝蓮推介！小店主打的粢飯，遠近馳名，即叫即做，新鮮滾熱辣，再加碗必試的鹹豆漿，當早餐或午餐，都絕對是完美之選！
好多將軍澳新都城居民或者附近返工一定食過，店內係簡約樸實裝修，早餐一定要佢地粢飯熱辣辣嘅飯包住肉鬆、榨菜同油炸鬼，大大個又好好味，Lunch 黎好多學生同街坊都鐘意佢地上海排骨，大大件既排骨其實等於豬扒，加埋跟飯既酸菜肉絲都好正呀！ ▲粢飯($17)：並唔係預先整定，佢係熱辣辣既香軟糯米包肉鬆、鹹酸菜同脆脆既油炸鬼。 ▲粢飯配咸豆漿($16)：係一流既！咸豆漿材料有蝦米仔、油條、蔥花、榨菜粒 ，配料都係細細粒，味道唔會太咸，又豐富又有營養！ ▲酸辣湯($25)：好足料！有豬肉絲、筍絲、胡蘿蔔、木耳、蛋、豆腐及豬紅，飲一碗暖笠笠呀！ ▲就算唔食排骨飯，唔少人都會配麵食或者散叫($18)！ 上海真美豆漿大王 地址：將軍澳貿業路8號新都城中心三期地下商舖G22電話：3194 3909營業時間：07:00 – 22:00 文字來源: 香港人.遊香港 / 圖片來源:@sunny11111111、@eeleinniw、@kayel0409、@ricky_tt...
