今年今日憑良心做生意其實真係唔容易,呢間車仔麵店多次受示威活動影響佢做生意,有次仲TG+藍色水,食材全數報銷,損失慘重。老闆仲默默支持香港人,唔止講句加油咁簡單,仲不時會將全日營業額捐款比自由之書、立場新聞等媒體。車仔麵黎講,湯底同餸都算多選擇。湯底有麻辣、蕃茄湯、咖哩汁等,而餸方面網友都大推醉蛋、陳皮魚蛋呢d比較獨特既選擇,咁多選擇雖然唔知點揀,呢d良心小店食多幾次就可以試多幾樣! ▲三餸麵($38)呢溏心蛋夠流心夠酒味,豬軟骨燜得夠軟淋 ▲三餸麵($38)溏心蛋、鴨腎、牛腩 ▲三餸麵($38)牛腩、陳皮魚蛋,陳皮魚蛋帶出淡淡回甘味,同魚香,個麵加埋秘製辣汁更惹味。 ▲蝦多士夠脆夠香口 ▲店面細細,而入面有好多心機既圖畫,都係比較文青路線。 饗 車仔麵 地址: 深水埗基隆街391號號地下營業時間:11:00–21:00電話: 2985 6777 文字來源:香港人遊香港/圖片來源:@wingchelsea、@chocolate_tong、@isabelbellawong、@yingmichael...
而家好多餐廳食個晏起碼都要四、五十蚊,想慳啲錢都唔容易。呢間位於新蒲崗嘅車仔麵就好抵食,三餸一麵只需要37蚊,味道仲好好添,小編大力推介嘅就係鹵水雞翼,鹵得非常入味,湯底加埋腩汁嘅話簡直一流。除咗車仔麵之外,佢啲飯餐都非常之唔錯,其中招牌豬扒蛋飯絕對係必食之一,豬扒夠juicy,加埋太陽蛋的金黃蛋汁,令人食指大動!埋單嘅時候,不妨仲可以留意下收銀櫃檯,上面貼咗張紙寫住「香港人加油」添! ▲三餸一麵,其中有啲餸需要另加$1,相中嘅分別係蝦條、鹵水雞中翼同埋豬大腸,三樣餸都需要另加$1,合共$40。當中除咗雞翼之外,蝦條亦係推介之一,彈牙夠入味,加埋湯汁一齊食就一流。 ▲當然,都有好多餸唔需要另外錢,蟹柳就係其中之一。 ▲招牌豬扒蛋飯($44),豬扒夠大塊,十分之入味,菜都唔係只係得一兩條,非常抵食。 ▲瑞士雞翼餐肉蛋飯($42),除咗豬扒蛋飯之外,仲有其他飯類可以選擇。 ▲蝦條雞中翼蛋飯($42),太陽蛋有少少脆邊,中間嘅蛋白就好嫩滑。 ▲蘿蔔牛腩飯($42),蘿蔔同牛腩都好入味,同其他飯類一樣,加埋凍飲都只係加入$2,價錢夠哂平民。 地道館車仔麵 地址:新蒲崗崇齡街42號地舖電話:5217 7008營業時間:星期一至日 11:00 – 22:00 圖片來源及文字來源:香港人遊香港...
現在車仔麵食店成行成市,無論那一區都總有一間在附近,可是總給人一種不太乾淨食物隨便感覺,今天介紹這一家食店位於深水埗福華街,小編認為相當有誠意,裝修企理乾淨,店內仲開放牆壁比食客表達下心意。可能你覺得車仔麵又係魚蛋、豬皮、蘿蔔,呢度有d唔同,好多女士都會專誠過黎食佢地鮑汁炆花膠,而且份量唔係小,係抵食之選! ▲湯底有咖哩、沙嗲、蕃茄、麻辣、酸辣、腩汁選擇,配料都多到唔識揀! ▲腩汁湯底粗麵配日式溏心蛋、芝心獅子狗及日式叉燒,日式溏心蛋火喉剛剛好,蛋黃仲係半生熟有流心效果!日式叉燒色澤好美滷得入味;芝心獅子狗的芝士味略嫌太淡 ▲鮑汁炆花膠,膠質滿滿,佢係豬骨湯燜煮,再以蠔油鮑汁浸入味。 ▲涼拌青瓜($16) 有着微微細細的辣拌香香麻麻的香料味,撞上青瓜清新感覺味道很特別。 ▲強烈推介手打墨魚餅($20),咬下去除了感到結實彈牙外,還充滿墨魚香,令人想一口接一口的吃。 ▲瑞士汁雞翼($20)也是推介精選,雞翼煮得非常入味,嚐得到本身調味瑞士汁都很好吃,甜味夠又香,不會把雞肉煮得太老,肉質嫩滑。 ▲店主開放牆壁等食客可以先行繪畫 任你點車仔麵 地址:深水埗福華街147號地下 電話:2488 3338 營業時間:星期一至日 9:30am-11pm 圖片及文字來源:香港人遊香港、@fall_in_love_with_food、@laiting0204、@nikita.foodie、@13m_workshop...
呢間位於西九文化地標戲曲中心既懷舊茶室,近日風靡全城!除左佢古色古香既穿越設計外,仲有全城首創既10cm高芫茜山+芫茜湯底車仔麵,吸引一班鐘意芫茜既朋友黎挑機!車仔麵配料都好特別,同一般外面車仔麵檔既配料唔同,包括辣味東風螺肉丶秘製原件花膠丶麻辣鴨血等等!餐廳亦大賣多款港式大排檔菜式包括失傳風沙雞、懷舊鬼馬雙星、傳統手吊燒雞等等,岩晒香港人既口味!亦有街頭小食生炸大雞脾、炸油糍、古法炸白魚球等等,好多都已經比較少見!潮洲菜大師陳師傅仲帶黎特色滷水麵,一碗就有齊鵝片丶鵝肝丶鵝腸丶五花腩丶豬大腸!仲有惹味煲仔菜式,如「台山興哥手工黃鱔煲仔飯及堂弄生滾鰂魚粥(窩),歎盡失傳經典美味! ▲鍾意芫茜味既朋友可以挑戰下呢碗有成10cm高芫茜山既芫茜車仔麵!味道濃郁包你一試難忘! ▲「芫茜滑蛋煙三文魚三文治」」(港幣38元)一樣勁香芫茜味,外面比較少食得到! ▲餐廳古色古香,菜式亦有保留多款傳統菜式,「失傳風沙雞」(港幣208元)惹味經典 ▲餐廳既湖汕菜式都非常出色,呢款「汕頭陳師傅特色滷水配台灣百年老字號手造麵」仲有齊鵝片丶鵝肝丶鵝腸丶五花腩丶豬大腸,可以一次過品嚐到多款滷水滋味! ▲多款惹味煲仔菜式,如「松露野菌雞球煲仔飯」(港幣178元)、「台山興哥手工黃鱔煲仔飯」(港幣178元)、「砂鍋生炒臘味糯米飯」(港幣158元)等,都超級足料! ▲「鹹檸檬燉鵝湯」(港幣48元)都係餐廳首創,既保留潮式風味,又有新鮮感! ▲遊園茶記位於西九戲曲中心內,有百子櫃、木製桌椅等,帶有濃厚古色古香風格! 遊園.茶記 地址:九龍尖沙咀柯士甸道西88號戲曲中心1樓2-3號舖 營業時間:11:00-23:00pm 電話:23207455...
呢間地痞車仔麵,只有兩三張台, 選擇唔算多,豬紅、豬皮、滷水豬大腸、清湯 、雞腸、牛腩、蘿蔔、清菜,不過街坊都大讚係最有人情味既車仔麵!老闆輝叔帶住殘廢左手,用右手手起刀落咁整麵,小編特別推薦滷水豬大腸食落香口,肥油超多,仲有爽脆雞腸,入口雞油肥美芳香。 ▲豬大腸+牛腩車仔麵,呢度無論係環境定價錢都好親民,所有配料定價係$7-13 ▲車仔麵料蘿蔔清甜冇雜質,豬紅結實而唔會一夾就散,豬大腸沖洗得好乾淨! ▲使用上大大粒魚蛋,而牛腩腩汁香濃 ▲輝記車仔麵門面古舊,晚上門口都會開枱,以一架火水爐煮車仔麵,不過就好多街坊過黎食! 輝記車仔麵 地址:油麻地鴉打街 33號雅達商業大廈地下營業時間:星期一至日 6:30pm-12mn 文字來源: 香港人.遊香港/圖片來源: @avivaliar、@bbbylol、@pannncake_...
講到車仔麵大家會唔會淨係諗起個“快”字呢?而出奇地呢間小店嘅車仔麵正正違反左呢個特點,老闆用心良苦只為求大家可以停落黎慢慢享受一碗車仔麵,呢間鋪頭嘅招牌脆皮腩肉同日式叉燒車仔麵,自制湯底由青紅蘿蔔、雞外殼、雞骨等食材熬制10小時而成,清甜美味! 而脆皮腩肉同日式叉燒亦會經由老闆半日嘅親自製作,令其更加入味可口,同時顧客亦可以食得健康啲,若然係較重口味嘅食客都可以加入適量特製辣醬調味,可謂考慮周全,可以滿足到唔同顧客嘅需求。另外,仲有一樣最特別嘅就係呢間小店提供左手工啤酒,絕對值得大家一試! ▲呢個日式叉燒車仔麵配搭特製老火湯底,味道一流,最重要系左手邊嘅手工啤酒,加埋一齊試嘅話就正了 ▲呢度嘅脆皮腩肉車仔麵除左夠曬入味之外,仲有自家製嘅清甜靚湯,絕對值得一試! ▲全素新鮮蔬菜車仔麵絕對係健康之選,大家又可以食得健康又可以食得滋味,簡直係一舉兩得。 ▲一碗美味嘅車仔麵當然唔少得一杯特製嘅嘢飲,就好似呢款士多啤梨特飲,睇到都覺得吸引! 笑麵虎車仔麵 地址:灣仔皇后大道東94號電話:2327 3993時間:星期一至六11:30am-6pm;星期日休息 文字來源:香港人.遊香港 / 圖片來源:笑麵虎車仔麵...