呢間車仔麵店由米芝蓮大廚主理,好多配料都係自家研制特別醬汁,附近街坊都推介秘製鮑汁豬手鳳爪撈,鮑汁燜製嘅豬手肉質軟腍,皮有咬口👍🏻,另外辣魷魚🦑、豬紅配秘製清湯底都值得一試!最近佢哋仲加堆晚市限定缽仔飯,加入自家製嘅豬油同醬油,味道勁香濃👍🏻,仲有季節限定嘅慢煮南非鮑魚或者金銀蒜蒸波士頓龍蝦做配料! ▲誠意推介辣魷魚、豬紅、豬片配秘製清湯底。 ▲熱辣辣的豬骨清湯,再加埋秘製辣汁。 ▲缽仔飯加入自家製豬油同醬油,非常惹味。 ▲一撮油麵伴隨豬皮、大腸、魚蛋、豬紅等配料,港式平民美食車仔麵完成! 掂檔車仔麵 地址:尖沙咀彌敦道180號寶華商業大廈地鋪電話:2673 0433時間:11:00 – 22:00 文字來源:香港人.遊香港/圖片來源:掂檔車仔麵...
有銅鑼灣拉麵街之稱嘅登龍街最近就多左間香港代表車仔麵店進駐,呢間車仔麵主打無味精湯底,食完麵飲埋湯都唔伯口渴,每日麵店都會準備30款配菜俾大家選擇,特別推介佢哋嘅家傳手工菜似肉吞,夠足料,另外個辣榨菜亦夠哂驚喜,必試! ▲每日都有超過30款配菜選擇 ▲花雕醉雞翼$35、脆炸三寶$38 ▲家傳手工雲吞$35 ▲湯底香甜,配料亦算做得唔錯 車間道 地址:銅鑼灣登龍街18號V POINT地下5號鋪電話:36187623時間:12:00 – 22:00 文字來源:香港人.遊香港/圖片來源:香港人遊香港...
尖沙咀又有窮人恩物,捱肚餓到下午茶,點知同圍d Tea 都加哂價?尖沙咀有間車仔麵下午茶仲係做緊23蚊2餸麵,有小食仲有野飲,真係超超超超抵呀,小編直頭感動到喊!秘製汁用咗好多調味料炮製,加上麵咸香非常 ! ▲下午茶餐包兩餸麵一份小食一杯熱飲都只係$23 ▲下午茶餐由1400-1800開始,絕對值得唔食lunch等食呢個TEA! ▲車仔麵可以選擇腩汁、台式滷水汁或秘製辣汁 ▲車仔麵店黎講佢呢間算坐得好舒服喇! ▲招牌山寨雞翼,雞翼有唔少香草醃製,炸得香口賣相唔錯。 掂檔車仔麵 地址: 尖沙咀彌敦道180號營業時間: 11:00–01:30 文字來源:香港人.遊香港/圖片來源:@billywong0、@eddycwchan、@kwokyeeshing、@dimdon_cart_noodle...
呢間位於牛池灣車仔麵檔係街坊先識!對於呢間店d人都好兩極,有d人話佢地又平又抵食,有d就話佢地衛生情況其實都幾差唔敢食!事實係點就留返比大家判斷,佢晚上6點後就有即場炭燒沙嗲串燒,選擇都幾多,好似豬頸肉、雞肉、煙肉番茄、墨魚餅,亦有青椒同茄子。 ▲無論係落醬汁份量同串燒份量都極為慷慨,一不小心很容易會醬汁橫飛。 ▲唔夠飽肚既,整多碗車仔麵就岩岩好喇! ▲沙爹串燒外層脆得黎香。 ▲沙爹串燒絕對是很多香港人最喜歡美食,不過因為等候時間長好少人做,手持一串沙爹,一邊逛街一邊吃,覺得特別好味。 金發車仔麵 地址 :彩虹牛池灣富池徑3號 文字來源:香港人.遊香港/圖片來源:@choyinghk、wongkwan0809、waiwai_vanus、willtsoi...
必食蕃茄豬肉餃+西洋菜鮮肉餃! 呢間餃子店係深水埗有幾間分店,招牌往往搶眼黃底紅字,打住山東正宗口味旗號,出品正宗既餃子大大隻,並唔會浸湯,而且呢間餃子店有唔少款式餃子,小編特別推薦蕃茄豬肉餃同西洋菜鮮肉餃,無論咩餡料都好都一樣皮薄饀多,肉汁鮮甜。 ▲蕃茄豬肉餃(HK$36)食落清新自然,感覺幾fresh,佢樸實外表,內裡香氣豐盈。 ▲煎韮黃蝦仁餃(HK$38);煎餃3、煎蕃薯苗豬肉餃36煎餃3-餃子款式多多而且可以揀煎餃! ▲韭菜鮮肉餃(HK$34),皮薄餡滿而且肉汁多。韭菜鮮肉餃香濃無比,口感扎實爽脆,餡料渾厚飽滿,肉汁更係中剛烈和韭菜。 ▲西洋菜鮮肉餃(HK$36)脹卜卜可見材料豐富,咬落多汁。 山東餃子館 地址: 深水埗元州街81C號舖 地址:長沙灣東京街40-42號E舖 地址:太子花園街224號C地舖 文字來源:香港人.遊香港/圖片來源:@food__seriously、@hollyruya、@ueatieat...
聽聞車仔麵老闆娘退隱之後,有人話大不如前,以前既人龍都消失了,小編覺得係選擇多左,其實呢度風味仍在!自製蓮藕餅炸成金黃色,食落更非常爽口,煎釀苦瓜極有客家風味,而呢兩樣咁特別既車仔餸第二度未必搵得到,值得一試架! ▲呢度叫左麵底之後可以自己揀車仔餸,鯪魚球($7)-蓮藕餅($10)-釀苦瓜($9) ▲大部分菜色都係自家製,真係樣樣都想食! ▲店員會根據柯打即叫即處理食材! ▲蓮藕餅($10)-沙薑雞腳($7)-豬手($8)-西洋菜($7),全部食材都價廉物美,分量超大而且用料新鮮! 洪發美食 地址:葵涌葵興光輝圍21號地下4A號舖電話:2426 9743營業時間:07:00 – 21:00 文字來源:香港人.遊香港/圖片來源:@dj_artshop、@thomaskwankai、@iandbbbrown、Taki Lau@fb...
小編特別鐘意食魚皮餃,但係好少地方有得食魚皮餃串,旺角有間車仔麵小食店有得賣,買魚皮餃串最尾果粒一定係燒賣,真係好特別,魚皮餃口感彈牙而且啖啖肉,食到最後仲有燒賣食! ▲一碗兩餸車仔麵平均大約$26,腩汁夠味! ▲魚皮餃串($8)最趣怪都係魚皮餃有一粒燒賣最尾,有人推測係因為魚皮餃成本太貴,所以用燒賣頂替。 ▲黎呢度一定要食佢地個香中帶辣秘製辣醬,燒賣、魚蛋或魚皮餃配上辣醬後,就更加惹味! ▲呢個黃色招牌車仔麵屹立係旺角都好多年,受好多街坊支持。 真知味 地址:旺角花園街161A號營業時間:上午11時至晚上10時 文字來源:香港人.遊香港/圖片來源:laurier_law、auhiusze、vivi__shop、sjang99...
鮮甜湯底好飲又好食😋 平時食車仔麵,多數都係豬骨湯,用鱷魚湯做車仔麵你又食過未?元朗呢間剛剛開業嘅車仔麵店,就係以罕見嘅泰式鱷魚湯湯底來做車仔麵,湯底用上大量鱷魚骨及鱷魚乾,夠足料!鱷魚湯鮮甜順喉,飲落滋潤,仲有豐富蛋白質同骨膠原,愛靚女生必試試😊 ▲元朗這間剛開業的車仔麵店,以坊間罕見的泰式湯底來做車仔麵 ▲湯底鮮甜好飲又好食,仲可以配埋車仔麵 ▲鱷魚肉補氣血、養心肺,亦可以舒緩呼吸道毛病 ▲鱷魚湯含有豐富蛋白質及多種維生素,仲有女士們最鍾意嘅骨膠原 篤篤車 地點:元朗馬田路22號安寧大廈地下6號舖電話:2336 3386時間:12:00 – 21:00 文字來源:香港人.遊香港/圖片來源:篤篤車...
深水埗文記車仔麵榮登米芝蓮小食2018,文記每款食物都有獨特煮法,就連湯汁同辣醬都係自家研製,日賣過千碗麵!招牌牛腩同豬手非常軟腍入味,係必點之選!裝修好乾淨,坐得好舒服。呢度唔止餸多選擇,麵底選擇都唔少,較冷門既銀針粉、瀨粉、薯粉都有!小編推介大家一定要order瑞士雞翼,瑞士汁入味之餘,肉質勁滑都係好好味架! ▲深水埗文記車仔麵入選2018米芝蓮推介街頭小食。 ▲文記客人眾多,成日都大排長龍,已經仲擴展到3間店添,每間分店仲可以日賣千碗車仔麵! ▲車仔餸選擇超多,每日近50款,招牌牛腩同豬手都非常軟腍入味,大腸仲有得揀肥腸或者瘦腸添! ▲另外香脆嘅豬油渣亦係必點款之一,一咬落去甘香豬油就湧曬出黎,香而不膩,仲有坊間車仔麵店少見嘅上湯柚皮,夠曬特別! 文記車仔麵 地址:深水埗福榮街121號地下時間:星期一至日 24小時電話:9059 5104 文字來源:香港人.遊香港/圖片來源:xuanzhihuang、_dabo530、jbut777、rc_trafood...