呢間位於銅鑼灣梳乎厘控必去的餐廳，除了梳乎厘本身口感有空氣感又帶點煙韌、蛋香濃郁外，另一重點是面層的瀑布奶蓋，十分濃厚滑身，而且分量超足，味道平衝得宜，不會過份甜膩。疏乎厘是即叫即整，而且使用日本雞蛋及麵粉，每一份都是新鮮送到枱上⋯⋯
黑糖珍珠奶之後，有好多外地奶蓋茶飲品牌流入香港，以為香港係冇本土茶飲品牌咁就錯，係中環有間本土品牌嘅茶飲店，特別係奶蓋味道唔太鹹太淡，適中帶有香滑嘅鮮奶味，加埋杯清香嘅茶一齊飲係好夾。凍飲仲有水果茶同埋蘇打，水果嘅天然甜味，一到炎熱天氣飲一流 ▲玫瑰荔枝蘇打($34)，表面加咗花草裝飾，令成杯飲品美態展現出嚟，飲落有香甜荔枝果肉粒，配合清爽蘇打飲，好有冰極嘅感覺 ▲茉莉花奶蓋茶($25)，奶蓋嘅芝士同鮮奶比例適中，味道唔鹹得來中間滲透香滑嘅鮮奶味，配合茶一齊飲口感更佳 ▲招牌水果茶($34)，入面有荔枝西瓜香橙同埋青檸等水果而成，飲到西瓜肉，多種水果混合配杯清爽茶一齊飲唔會怪，仲好清甜 ▲唔止凍有有裝飾，花茶熱飲都會有 T PARC 地址：中環威靈頓街83號地舖營業時間：10:30 – 21:00 （星期一至四）／10:30 – 22:00 （星期六）／10:00 – 21:00（星期日） 圖片及文字來源：香港人遊香港...
成間cafe都好舒服光亮，有設計感，雲石磁磚枱面點影都咁靚！Cafe提供套餐，好似午餐一個意粉或Pizza配杯飲品都只係40幾蚊起，價錢非常親民。晚餐main course選擇更多，其中叫刀片牛仲可以無限量追加薯條添！餐廳主打海鹽芝士奶蓋飲品，芝士味濃厚帶淡淡海鹽鹹味，無論配茶底定沙冰都好夾好正！跟餐轉特式飲品都只係半價13蚊起！呢個價錢同質素去邊度搵啊！店比較新，人流唔算多，通常都唔洗等位，同朋友仔chill下就最岩啦！ ▲店內兩個薄荷綠的鳥籠座位非常搶眼，可以坐到4,5個人都冇問題，打卡最靚！ ▲無論lunch, afternoon tea定dinner都有多種套餐，跟餐的薯仔忌廉湯都香濃！ ▲或者All day breakfast 都好豐富 ▲海鹽奶藍四季春茶係佢招牌飲品，奶蓋厚身味濃，茶底都唔係一般綠茶，茶香奶滑，都只係26蚊！跟餐轉仲有半價添 ▲海鹽芝士莓果($38)用多種莓果打成，仲食到果肉！同芝士海鹽都好夾架！ ▲下午茶都只係30蚊起，非常抵食！ ▲如果只係想試下佢既特色飲品，Cafe旁邊都有外賣部可以比你拎走邊行邊飲 井茶 地址：天水圍天華路30號T Town北翼地下NG12-13號舖電話：3977 4903時間：10:30-21:30...
屯門井財街一向美食雲集，呢間開左唔夠一年的甜品店已經突圍而出。主打梳乎里pancake、窩夫等甜品，芝士奶蓋亦見出色。「Oreo 巧克力流心Cheese cake梳乎里」邪惡滿分，王牌「珍珠奶茶窩夫」珍珠夠煙韌，餅底由奶茶整成，d奶茶味出晒黎。鹹蛋控更可以試下新品「黃金鹹蛋麻糬窩夫」，仲有好多款創新梳乎里和窩夫等住你去試。其中一位負責人更是台灣人，想食台灣夜市小食（手抓餅、鹽酥雞、宜蘭三星蔥餡餅等等)，全部一次過可以o係度搵到晒！ ▲「Oreo 巧克力流心Cheese cake梳乎里」 鬆軟的梳乎里配上表層的芝士cream和Oreo朱古力碎碎，諗起都流口水 ▲新品「黃金鹹蛋麻糬窩夫」，店主非常用心咁將成個窩夫餅底都由麻糬整成，非常煙韌，鹹蛋味亦十分香 ▲奶蓋、水果茶等亦不失特色，有顏值又有實力！ ▲ 台灣小食款式多多，鹽酥雞都值得一試 ▲ 小店地方不算大，但勝在環境光猛舒適，行小清新之風，打卡一流！ Appétit Desserts 愛·添 地址：新墟井財街15號金銘大廈地下3號鋪電話：3460 4203時間：星期一至五4:30pm-1:00am / 星期六日及公眾假期 3:00pm-2:00am 文字來源：香港人.遊香港／圖片來源：@appetitedessert...
中環純天然茶店！ 這間中環以圖書館書卷味設計的優閒健康茶飲小店，主攻以天然原片茶葉和新鮮水果做茶和芝士奶蓋茶。其芝士奶蓋是用Cream Cheese、牛奶等打成，芝士香味十足仲又滑又香濃，鹹度適中。再配合用新鮮水果打成的果肉加入茶底，既飲到新鮮水果汁又飲到天然茶香，真是絕配。 ▲100%用上新鮮水果打成果肉。 ▲店內主要用4種茶葉，高山烏龍、二十五年雲南珍藏普洱、清香極品鐵觀音和銀毫茉莉龍珠。 ▲芝士芒果高山烏龍($48) 芝士奶蓋是用Cream Cheese、牛奶等打成，鹹度適中，能帶出芒果味。入口嘗到果肉外還有淡淡茶香的烏龍茶。芝士奶蓋上還會灑上抹茶粉。 ▲白桃銀毫茉莉龍珠($43) 白桃清甜，入口先有果香味之後再出淡淡的茉莉茶味，非常解渴。 Tea Library 地址: 中環擺花街24號地舖電話: 27256686營業時間: 星期一至六 11:00-22:00, 星期日12:00-19:00 文字來源／圖片來源：香港人.遊香港...
近排一打開FB、IG，就不停見到唔同茶飲店嘅打卡！呢間元朗嘅人氣店就主打奶蓋，除咗有一般嘅海鹽芝士奶蓋之外，仲好創新咁推出咗用果肉打成嘅奶蓋！其中包括菠蘿、芒果等等，新鮮果肉酸酸甜甜嘅味道，同略略帶鹹香嘅芝士奶蓋好夾🤤！最好仲出咗 #限量供應 嘅榴槤芝士四季春，將榴槤打入芝士奶蓋到，味道好濃郁！ ▲Oreo芝士奶蓋撞香醇紅茶都幾唔錯，剩係個外觀都非常吸引 ▲芝士巨峰雪沙完美展示出巨峰提子的天然顏色，口感清爽 ▲芝士菠蘿雪沙採用新鮮菠蘿打出綿綿雪沙，酸甜適中，加上海鹽濃芝士 ▲榴槤季節當然唔少得榴槤奶蓋，上等榴槤打入芝士入面，肉厚味甜，飲到芝士又食到榴槤肉 夏茶 HaCha 地址：元朗康樂路8號康樂廣場地下3號舖電話：2803 0887時間：11:00 – 20:00 文字來源：香港人.遊香港／圖片來源：夏茶 HaCha...
聽落好似好普通咁，其實簡單食物顯得非常美味！抹茶脆豬係即叫即整，烘得外層非常香脆！襯熱再搽上奶油同抹茶醬，熱力將抹茶醬溶化、再索入麵包，脆豬外脆內軟，食落又帶出甘香清甜，配杯台式飲品就最夾喇！ ▲抹茶脆豬($18)奶油豬就食得多，抹茶豬真係第一次見！佢外面烘得脆，表面塗滿綠茶醬，食落麵包好軟綿綿！ ▲抹茶脆豬會用呢個雞皮紙袋裝住，食果時就會乾淨d！ ▲茶冰珍珠奶茶($22) : 冰係由茶所制，唔會比溶冰影響，茶味一定保持濃郁！ ▲海鹽奶蓋綠茶 茶包 地址： 元朗屏會街9號同發大廈P3地舖營業時間： 12:30–20:00(星期日休息)電話： 5444 3490 文字來源：香港人.遊香港／圖片來源：互聯網...
厚厚一層芝士奶蓋😍 好多朋友返到國內都推介試吓喜茶出品嘅芝士奶蓋，其實旺角都有一間內地過江龍，主打各款茶品，包括水果茶、奶蓋和純茶系列，其中芝士奶蓋用Cream Cheese加牛奶打發而成，大家仲可以是揀要全脂或低脂嘅奶蓋，健康一族可放心大啖大啖飲。至於水果茶亦都充滿果香，果味天然馥郁，茶味亦夠突出，啱哂夏天飲。 ▲東喜茶在廣東和上海等地有廿多間分店，店外長期現人龍，香港店Menu有近30款飲品。 ▲水果茶果味天然馥郁，茶味亦夠突出 ▲各種茶類亦可配店中的名物芝士奶蓋，奶蓋厚身，味道濃香 ▲芝士奶蓋厚身，味道濃香。 東喜茶 (已結業) 地址：旺角豉油街33號地下A舖電話：29509992時間：12:00 – 23:00 文字來源：香港人.遊香港／圖片來源：Heeretea...