Staycation

位於油麻地的香港九龍諾富特酒店再次推出Staycation食住優惠！大家可以用5折價預訂香港九龍諾富特酒店食住玩，仲有機會升級至豪華房間，套餐內容包括： 高級客房、The Square品坊餐廳自助餐、 延遲退房至下午4點〈視乎房間供應情況而定〉 ，計埋提前入住同延遲退房下，大家可以住足29小時！而且仲有機會免費升級至貴賓豪華房〈視乎房間供應情況而定〉，而自助午餐必試冰鎮海鮮、沙律冷盤、中西熱盤同特色甜品，仲可以起酒店公眾地方及房間無限使用Wi-Fi上網，啱曬機不離手嘅你！今個假期把握機會同家人或朋友一齊Staycation止下旅行癮啦！ ▲ 高級客房原價(HK$1331)，現折實後二人入住房價只需 HK$682，每人平均 HK$341！仲包自助午餐，真心抵！訂購連結 ▲ 沙律冷盤，日式刺身和壽司飯糰。 ▲ 沙律冷盤：香辣雞腳沙律、魷魚沙律、慢煮三文魚沙律、意式扒菜沙律。 ▲ 烤美國安格斯牛扒配上紅酒汁，肉汁鮮嫩和口感鬆軟。 ▲ 仲有熱辣辣的新鮮豬腳薑，醋勁十足。 ▲ 四款口味Haagen-Daz作為自助餐畫上完美句號。 文字來源：香港人遊香港...

呢間位於旺角鬧市中的康得思酒店推出了多款住宿計劃，適合任何類型包括慶祝節日、二人世界、BFF等都照顧周到。因之前反應熱烈，最近推出了住宿計劃2.0，當中有個全新住宿計劃叫做專屬紀念日，無論係慶祝生日、周年紀念都非常識合，酒店會幫手用氣球佈置房間，仲包埋自助早餐、派對小食拼盤和零食拼盤。而且最早可以12點入住，下午4點先退房，自助早餐食物選擇豐富，當中必試即叫即榨新鮮果汁和自己沖杯港式奶茶食個蛋撻做早餐。除此之外，住客有7折餐飲及酒吧優惠，食埋個自助晚餐都幾抵。而且有$300水療消費額，可以去鬆一鬆。另外酒店會舉行免費太極班、品酒課、藝術導賞團和探索旺角之旅，節目都幾豐富。 ▲全景商務客房，景觀開揚可以差不多270度望出去。 ▲在旺角中的摩天大廈望下去，景觀開揚，居高臨下。 ▲房間會有氣球佈置，可以自訂需要字句。 ▲住宿計劃包埋的派對小食拼盤，有炸雞槌、熱狗、春卷、薯條。 ▲零食拼盤就有杯麵、薯片、餅乾、汽水。 ▲迎賓水果。 ▲房間室內空間夠寬鬆，仲有HDMI、AV線等插頭，幾個朋友帶堆部Switch開Party都得。 ▲洗手間都好大，有齊浴缸和企缸。 ▲雖然Package只包早餐同小食拼盤，但住客可以7折享用餐飲優惠，大家可以試下夜晚自助餐，有新鮮即開生蠔、螺、青口、龍蝦鉗。 ▲生蠔非常厚身肥美。 ▲必飲養生圓桂、木耳、蟲草花燉梅肉湯。超鮮甜，會令人一飲再飲。 ▲米芝蓮一星明閣出品的京式片皮鴨，肉嫩多汁。 ▲芝士焗龍蝦，香濃芝士鋪滿龍蝦面，肉質彈牙仲有膏。 ▲水蟹粥 ▲甜品種類繁多，奶凍、蛋糕、台式芋圓都有。 ▲提供8款MovenPick雪糕，包括焦糖燉蛋、士多啤梨、雲尼拿、朱古力、青檸、特濃咖啡、芒果、抺茶。 ▲另外，酒店每天晚上6時至7時有免費的Wine Tasting Workshop，教大家點品酒和有機會食到米芝蓮一星明閣出品的燒肉。 文字 / 圖片：香港人遊香港...