九龍香格里拉大酒店推出自助餐優惠，有自助午餐、自助晚餐和自助早午餐，自助午餐及自助晚餐以7折發售，而自助早午餐則低至8折。自助午餐以「生蠔‧青口‧香烤牛柳」為主題，可以任食即開新鮮生蠔、凍蝦、青口、香烤牛柳及西班牙白毛豬火腿等。自助晚餐則以「生蠔．龍蝦．北京烤鴨」為主題，除了可以食到新鮮生蠔、日式刺身、時令凍海鮮外，每位客人仲會送鮮甜加拿大龍蝦一隻。而酒店逢星期三特設環球焦點海鮮之夜自助晚餐 ，可以食到法式龍蝦湯、鮑魚魚肚羹、麻辣小龍蝦、泰式紅咖哩炒蟹、燕麥黃金蝦、軟殼蟹天婦羅、海鮮串燒、白酒煮青口；海鮮控不能錯過。
10月秋風起，又到食大閘蟹季節，尖沙咀海景嘉福洲際酒店就推出以蟹為主題的自助晚餐，自助餐可以食到生蠔、加拿大鱈場蟹腳、麵包蟹、軟殼蟹卷、咖哩炒蟹等美食，每位更送大閘蟹及大閘蟹粉鴨肝鍋巴。加拿大鱈場蟹腳肉鮮味，而麵包蟹蟹膏膏黃飽滿，蟹膏甘香。食到差唔多可以到大閘蟹專櫃到拎大閘蟹一隻及大閘蟹粉鴨肝鍋巴。大閘蟹蟹膏軟滑，同麵包蟹相比是另一口感。而大閘蟹粉鴨肝鍋巴，將鴨肝煎香再上層放上大閘蟹蟹粉，十分香口。酒店仲非常貼心，有薑茶準備俾大家，大家不妨飲多兩杯。而早前推出買二送一優惠非常搶手，已被搶購一空，現再度加碼優惠，推出第3位加HK$8，計計數人均$537起，性價比咁高，唔怪得咁搶手，有興趣的朋友把握機會啦！
香港九龍東皇冠假日酒店推出自助餐買 2 送 2 優惠，週用於自助午餐及自助晚餐。「蠔得喜」自助午餐以生蠔為主題，提供即開生蠔、紐西蘭青口、黃金螺、白蜆、 熟蝦（星期六至日更會供應松葉蟹腳）四款刺身及多款熟食。而自助晚餐就以「生蠔.松葉蟹腳.鴨肝」為主題，一樣食到即開生蠔、紐西蘭青口、黃金螺、白蜆、熟蝦（星期六至日供應龍蝦），另外再加碼有松葉蟹腳、煎鴨肝及五款刺身。
香港萬麗海景酒店推出以海鮮主題自助餐，可以食到肥美蟹腳、鮮嫩生蠔及人氣芝士焗龍蝦等海鮮。自助午餐和自助晚餐主打不同的海鮮，自助午餐就以「長腳蟹．冰鎮海鮮．刺身」作主題，2.5 小時內可以任食長腳蟹腳、時令冰鎮海鮮、新鮮刺身、環球風味熱葷、特色甜品等。現推出優惠，可以7折入手，星期一至五只需每位$318，小童$190。
黃金海岸酒店的聆渢咖啡廳，設計揉合不同顏色和圖案，締造了明亮鮮艷及洋溢海洋氣息的格調。用餐區設有多個即煮美食站，源源不絕呈獻即製佳餚；更設有兒童專屬甜品小天地，提供小朋友最愛的甜點美食。於晚上，戶外用餐區更繼續供應各式馳名的燒烤美饌，香氣泗溢，極富風味。酒店最近推出多款優惠，包括自助午餐加HK$1多1位優惠、自助午餐買3送1優惠、自助午餐低至75折及自助晚餐買3送1優惠，最平人均低至$299起，大家不要錯過！
