泰國人氣手標茶ChaTraMue於兩年前抵港在銅鑼灣開始首間香港旗艦店，主打招牌「正宗泰國奶茶」、「泰國荔枝綠茶」、「泰國咖啡系列」等。
位於中環鴨巴甸街嘅呢間日系Café，裝修充滿懷舊復古格調，樓高4層，整體以木系色調為主，每層都由唔同嘅元素組成。一樓主要係咖啡店，由吧檯位和數張座椅組成，Café主要售賣各種日式輕食便當，包括十勝和風牛肉、飯團及小菜拌碟，小食就有煙肉芝士焗釀大啡菇和稻庭風輕食，甜品方面就有馥橙蛋糕和伯爵茶千層糕，店舖仲有供應各款茶類和咖啡。其他樓層主要售賣服飾和各種家具等等，仲有個貴賓區和天台花園。 ▲十勝和風牛肉、溏心溫泉蛋、飯團及小菜拌碟，好豐富。 ▲煙肉芝士焗釀大啡菇，面層鋪滿拉絲芝士，超邪惡。 ▲伯爵茶千層糕。 ▲馥橙蛋糕。 ▲提供各種咖啡。 ▲仲有花茶set提供。 文字來源：香港人遊香港/圖片來源：IG@aberdeen_15...
沙田又有新開台灣過江龍茶飲店，由鄧麗欣Stephy創立的「一口吖吖1011•Sip Tea」茶飲店聯乘NASA太空總署吉祥物Snoopy登陸新城廣場開設Pop up Store！各位Snoopy粉絲注意~限定店設有四大打卡位，時光隧道、Snoopy 公仔牆、太空之旅畫作區和巨型月球，同場更售賣台灣暢銷款精品，包括雙層玻璃杯和太空人造型鴨舌帽等等及必試每日限量發售的牛奶布丁。最後，又點少得特色茶飲推介呢？蕎麥芝士奶蓋、蜂蜜檸檬奇亞籽和奇異果白木耳呢三款清新健康的台式飲料，包你驚喜滿滿，大家不放週末去嘆茶兼打卡啦！ ▲多款健康台式茶飲，外型設計以Snoopy圖案和透明瓶包裝，滿足各位奶茶控之餘又可以影相打卡！ ▲Snoopy布甸(圖左一)每天限量發售30份，購買飲料加購價$38；Snoopy黑蓋雙層玻璃杯(圖中)加購價$198及鴨舌帽加購價$128。 ▲時光隧道，類似萬花筒的玻璃設計，好有設計感！ ▲公仔牆，由200隻不同大細嘅公仔組成，觸手可及軟稔稔的感覺絕對讓粉絲倍感療癒！ ▲太空之旅畫作區，為了營造太空中心的實景，放上了Snoopy漫畫人物穿梭太空的冒險過程，讓大家都可以欣賞這場奇妙太空旅程！ ▲月球區，巨型月球亦場地的打卡亮點，讓各位客人可近距離碰觸大月球猶如置身無重力的宇宙世界。 若你是The Point by SHKP會員，在場內消費指定金額加上會員積分，可換領限量聯乘精品，如仿皮、牛仔布或黑色 Snoopy 杯提，或者獲得茶飲折扣優惠。 ▲仿皮、牛仔布、黑色杯套！（消費滿指定金額或積分達7,500分或以上即刻帶曬佢地翻屋企） ▲Snoopy 3D 造型杯（消費滿指定金額或積分達9,000分或以上即可帶佢翻屋企。） 文字來源:香港人遊香港...
茶飲店Teaculation+-×茶慶祝開業一週年及新分店開幕，在旺角和中環特設限定主題分店，品牌將與Sanrio聯乘推出「Sanrio characters·Teaculation – Thirst for Vacation」，更挑選2020最受大眾歡迎的六人男子組合HAPIDANBUI做主角，茶飲店更精心設計成員特色的六杯限定飲品，包括「草莓豆乳城堡」、「薄荷奇幻果園」、「搞怪黑芝麻撲克迷宮」、「抹茶森林探險」、「藍柑衝浪樂園」及「活力巨峰沙灘」。除咗飲品之外，各位Sanrio粉絲一定唔可以錯過聯乘限定手提杯套和索繩帆布袋！ ▲六人男子組合HAPIDANBUI，於2020年3月以《ダイジョーブ》(中譯：沒問題）正式出道，由Pochacco、Keroppi、AP 鴨、XO、水怪及Tuxedosam組成，希望向大眾傳遞快樂訊息。 ▲旺角新開幕限定分店， 另外一間則開在中環吉慶街。 ▲草莓豆乳城堡（$46），乳酸味果凍混合豆香馥郁的豆乳沙冰，再配上每日新鮮打的草莓果醬，酸酸甜甜與Pochacco一樣外內兼修，必定得人鍾意！ ▲薄荷奇幻果園（$46）...
呢間喺灣仔碼頭嘅茶飲店主打純天然無添加台灣飲品，而家更推出同心抗疫優惠， 逢星期二至日購買任何飲品，第二瓶即享半價優惠，加$4仲可加購方便攜帶嘅環保瓶裝，又環保又方便！另外，為咗感謝醫護人員，消防同救護員無私嘅付出，出示證明購買任何飲品都可享半價優惠！ ▲ 逢星期二至日購買任何飲品，第二瓶即享半價優惠！仲可同環保瓶優惠同時使用，令你們更安心飲用！ ▲ $4加購價升級方便攜帶嘅環保瓶裝！ ▲ 凡醫護人員，消防同救護員出示證明購買任何飲品享半價優惠！ ▲ 7月及8月逢星期一購買任何「抗疫VITA C」系列飲品，全日半價！ 文字來源：香港人遊香港...
夏日炎炎，又係一眾榴槤迷出動嘅時候！果王榴槤雖然唔係人人鍾意，不過鍾意得佢嘅人一定唔會嫌多！今個夏天，有唔同餐廳小店都推出各式各樣嘅榴槤甜品，例如泰國過江龍手標奶茶Cha Tra Mue就推出左抹茶榴槤軟雪糕，將抹茶、果王撞出火花！本土茶飲店花果山繼4月底旺角結業後，部署6月下旬係尖沙咀強勢回歸，再次供應招牌貓山王沙冰及其他足料飲品！而去專賣甜品，店中榴槤選擇亦非常多嘅榴槤樂園，就可以食到最時令嘅榴槤芝士撻同埋其他滋味出品！榴槤迷快啲把握機會喇！ ▲Cha Tra Mue推出抹茶榴槤軟雪糕 ▲花果山嘅招牌貓山王沙冰即將強勢回歸 ▲榴槤樂園嘅時令嘅榴槤芝士撻 Cha Tra Mue 地址：銅鑼灣渣甸街49號地舖 尖沙咀加拿芬道35A(S)號發利大廈地舖 花果山 地址：尖沙咀加拿分道33號發利大廈地下2A鋪（6月下旬開幕） 榴槤樂園 地址：尖沙咀金巴利道92號地舖 天后電氣道35號凱旋大廈地下K號舖 元朗建業街56-60號聯發洋樓地下8A舖 文字來源：香港人遊香港 / 圖片來源：Cha Tra Mue、花果山、榴槤樂園...
茶飲店最近大行其道，呢間逆市開業既香港品牌茶飲店開業以黎，一直同香港人加油，之前仲打住「五大鮮果，缺一不可」送出50杯世界水果茶同大家打氣。話就話五大鮮果，外型色彩繽紛，原來生果唔止5種架！入面生果其實包括埋西瓜、橙、提子、菠蘿、檸檬、青檸、士多啤梨、熱情果，生果咁多生果出黎效果都幾大杯下，佢飲落茶底清香唔澀，混合鮮果味好fresh！ ▲世界水果茶 （$39）水果份量多超足料！有齊西瓜、橙、提子、菠蘿、檸檬、青檸、士多啤梨、熱情果，其中有獨有香味既熱情果最突出！另外值得一提係果茶用上新鮮既菠蘿，爆汁既提子同埋清甜多汁既西瓜都令人好難忘。 ▲世界水果茶 （$39）佢地好貼心，會送埋隻叉比你，等你方便食到d生果！ ▲芝士奶蓋加上清幽既茶係最佳配搭！ ▲小男芒芒：芒果新鮮果肉香甜，好似食緊個啖啖肉芒果咁呀！ ▲小男蜜瓜 （$39）茶底有超多果肉，清甜而消暑解渴。小男葡萄 （$33）加埋芝士奶蓋相當吸睛，去皮葡萄肉、紫色葡萄汁相間，唔使自己去皮就食到啖啖葡萄肉，中層仲有葡萄沙冰，係葡萄捶既佳品！ 小男的茶 地址：尖沙咀加拿芬道8-12號嘉芬大廈地下A1號舖...
大家有係泰國飲過佢地奶茶都知道，泰國奶茶係茶味濃而偏甜，小編每次去都要請教朋友少甜個泰文點講。不過旺角就開左間泰國珍珠奶茶，以台式沖飲技術製作泰式飲品，而好多原材料都係自家熬煮，好似香茅、柑桔等，泰國風情乍現。 ▲泰式傳統奶茶(小:＄22/大:＄27):登打士街泰式奶茶店壁畫搶眼 ，打卡一定會用呢個位！ ▲星空冰茶(小:＄28/大:＄33):蝶豆花青檸飲品，浪漫極光色澤，好似浪漫無邊際星空！ ▲香茅檸檬茶($23):清爽而香甜可口 ▲泰式珍珠奶茶(小：＄25/大：30):當黑糖珍珠系列大行其道，泰式珍珠奶茶會唔會以一條涌泉殺出黎？ Thailax 地址：旺角登打士街43P-43S鴻輝大廈地下11A號舖電話：2866 3863 文字來源: 香港人.遊香港 /...
No More Content