呢間台式食店係由三位年輕人愛好台灣美食文化，將台灣日常既台式便當帶返香港，憑一股良心同滿腔熱誠，贏得唔少街坊支持，更多次高調響應罷工同撐大學生行動，便當款式都有唔少選擇，滷排骨、滷雞腿、滷豬軟骨、香酥排骨，款款都大大份，當中最多朋友仔推介滷雞腿便當，滷雞腿製作過程極其認真，需要慢煮二十四小時，使其又嫩滑又入味原來佢係每日限定午市、晚市各做10隻，真係賣哂就冇喇！ ▲滷水雞腿便當（$54）巨型滷水雞髀大大隻，分分鐘仲大過你塊面，配以數款配菜包括麻辣菜脯、粟米肉碎、豆乾、菜及粉絲，好台式風味！ ▲滷水雞腿便當（$54）雞腿預先𠝹開幾刀，慢煮滷水汁令雞肉保持嫩滑入味，午市晚市各整10 隻，想食就早d到！ ▲紅燒牛肉飯（）紅燒牛肉麵就食得多，軟嫩燉出黎既紅燒牛肉配飯亦同時配上椰菜、粉絲等配菜！ ▲那個滷排骨便當 （$64），排骨厚薄得直，薄薄上炸粉再炸至脆身，食落香口、肉質柔軟！ ▲那個滷雞球便當 （$64）一份滷雞球有五六件，採用先滷後炸既做法，唔會好「鞋」！ ▲鳳梨古早味紅茶（$35/跟餐：+$10） ▲店鋪採用簡約文青風，不過最近就好多人走黎「懲罰」佢地，想食就要早d黎等位喇！ 那個ㄋㄚˋ ㄍㄜ 地址：大角咀大政街6-16號大同新邨大有樓地下A號舖電話：51782459營業時間：12:00 – 14:30／18:00 – 21:30 文字來源：香港人遊香港 ／圖片來源：@thompson.tse、@kurrtuss、@dinewithcct、@hungrila_foodie、@thehungrycouplehk...
