講起魚麵，大家應該會即刻諗起打邊爐嘅唧唧魚麵，旺角最近有間新開嘅手工魚麵專門店，魚麵每日製造，而且將魚麵配搭唔同中西日式配料，當中最受歡迎盲係燒M7澳洲和牛手工拌麵，和牛選用後腿肉，脂肪比例少但又可以保留和牛獨特油香味同肉汁！魚麵掛埋麻醬食真係夠哂香口！另外唔可以錯過嘅係小食魚皮Nachos，用魚皮代替咗粟米片，沾上牛油果醬和肉醬，勁開胃！ ▲手工拌麵料理 – 燒M7澳洲和牛 $108。 ▲「手工魚麵」的魚肉含量有50%，粗如烏冬，口感煙韌，最適合做拌麵。 ▲呢個Nachos以墨西哥小食Nachos為藍本，但將粟米片改成以炸魚皮做主角。 ▲麵店亦有提供各款花茶、果茶俾大家。 Noodle Noodle 麵麵 地址：旺角彌敦道726號1樓電話：2323 9229時間：12:00 – 21:00 文字來源：香港人.遊香港／圖片來源：NoodleNoodle麵麵...
荃灣區餐廳轉得都幾快，不過有一間位置唔係上佳既港式雲吞麵做左10幾廿年，全因出品啱街坊口味，佢地既雲吞，冇因為希望嘩眾取寵地包到好大，一粒擺入口到啱啱好！而雲吞麵湯底，係用曬乾蝦殼、大地魚、白豆、陳皮等材料熬幾個鐘，可以話係正宗傳統港式味道。 ▲會做即炸鯪魚球既麵店比較少，鯪魚球一碟有8個，粒粒都好似乒乓波咁大，所配蜆芥既薑絲、蔥絲同蜆都好足料。鯪魚球炸得金黃香脆，食落都幾彈牙！ ▲水餃麵，蝦肉比例相稱，內餡蝦肉彈牙，加上豬肉、筍、木耳唔會好膩，而且水餃皮薄而不爛，真正皮薄餡靚！ ▲一碗雲吞麵有六隻雲吞，不過就唔係好大粒。 ▲爽滑鯇魚皮，魚皮到半生熟都幾考功夫，要做到又爽又脆又滑都幾難得。 彬記粥麵專家 地址：荃灣大陂坊6A號地下電話：24140670營業時間：14:00 – 01:30 文字來源：香港人遊香港／圖片來源：@rt_foodies、@stelliewong、@rayhowm、@mydailyfoodhk...
西環呢間小店胡椒豬雜湯底既粉麵好受歡迎，成日都有人係出面等。豬雜好似粉腸、蝴蝶腩、豬潤呢d都非常鮮嫩可口，件件切到大小適中，容易入口。唔食豬雜既都唔緊要！都有鮮牛肉呢個選擇，另外牛栢葉、牛腩、炸魚片都係網友既最愛！ ▲三拼粉麵（$35）豬粉腸有咬口嚼勁，唔會好韌，而且處理得好乾乾淨淨！ ▲三拼粉麵（$35）有豬雜仲有牛類選擇，選擇包括牛肉、牛肚等適合一眾牛魔王！ ▲鮮牛肉係粉麵檔黎講實在係少見，新鮮又矜貴，食落有牛肉滲出果下真心覺符感動。 ▲呢間小店用料新鮮，即使唔係午市黎都大排長龍！ 潮州人粉麵店 地址：西環正街6-14號正豐大廈2號舖 文字來源：香港人.遊香港／圖片來源：@winnnnnwll、@bayareafoodie_tiffany、@christyfly、@jimmyhk...
尖沙咀呢間小店主打泰國船河，老闆是半個泰國人，曾經喺泰國水上巿場賣船粉，而家全部都跟足祖傳秘方炮製，船河最講究就係湯底，用上新鮮牛血或豬血撞入滷水湯，飲落甜中帶回甘味，河粉寬身，掛湯效果一流，配料方面，炸豬皮、豬肉丸、牛丸、欖形魚蛋都係泰國直送，夠哂泰國風味 ▲羅勇雜錦湯河($48) ▲船河最講究湯底，必用新鮮牛血或豬血撞入濃濃滷水湯中 ▲食物選擇唔算很多，價錢都幾抵食！ ▲小店以藍色鐵皮及木材為主調 羅勇泰國粉麵 地址：尖沙咀厚福街7號地下電話：2203 4288時間：11:30 – 23:00 文字／圖片來源：香港人.遊香港...
呢間無論係旅客、街坊都勁Like既蝦子撈專門店係區內老字號，早年仲入左米芝蓮推介美食，因此下午都係座無虛席。佢既古法製竹昇麵以鴨蛋做全蛋麵，無論係撈麵定湯麵都彈牙十足。尤其係即每日鮮炒蝦籽撈實在咸香十足，橙色蝦子除左吸睛之外，味道非常甘香濃郁！爆滿蝦子彈牙撈麵加上一碗清香鮮甜的大地魚湯真係好正！ ▲好多食客都大推佢地醃製酸白蘿蔔，免費放在檯上添加 ▲雲吞麵($32)雲吞內餡混合豬肉、蝦肉的內餡，感覺紮實，食起上來鮮甜爽口彈牙！再加上用8小時調製既大地魚＋豬骨湯真係好正 ▲麵家主打竹昇麵，麵質爽口彈牙食落完全冇梘水味！ ▲蝦籽撈麵($38)蝦籽夠哂香，原來係每日新鮮炒製，絕對唔用隔夜貨，而且比客人都唔會好吝嗇. ▲南乳豬手(淨食：$60)既外皮爽口彈牙！ 劉森記麵家 地址：深水埗桂林街48號地下電話：23863533 劉森記麵家 地址：長沙灣元州街162-188號天悅廣場C-B5舖 文字來源：香港人.遊香港／圖片來源：@lyng2、@daiwaiu、@bx9024...
去曼谷唔少得既環節就係要會一會船麵，傳統在泰國艇上所吃船麵，分量精緻小巧，最近呢個潮流都帶左返香港！呢間西環新店湯底食得出以中藥熬製，船麵細細碗岩哂唔想食得太飽既女仔，除左船麵，呢度亦有海南雞飯同各款泰式小食供應，全部都係廿幾蚊好抵食！ ▲船麵幾款比大家選擇如豬肉、牛肉、雞肉、牛肉丸、豬肉丸。全部細細碗不過勝在夠足料。 ▲豬肉船麵($20)，裡面有齊豬肉片、豬潤、腩肉等，三種豬骨，而且船麵湯底亦用新鮮豬骨煲成，濃郁而唔會重味精。 ▲炸蝦餅($30) 蝦肉咬落尚算彈牙，又係一貫細細件風格，所以晤覺油膩。 ▲海南雞飯($25) 雞肉嫩滑完全冇骨啖啖肉，油香飯細細碗唔算好heavy！ ▲自稱泰國第一既老闆去過泰國不同地方學師，為求帶最好食既船麵比香港人。 666泰船麵 地址: 西環德輔道西366號中亞大樓地舖 文字來源：香港人.遊香港/ 圖片來源 :alvin_m_b、cherreyintung、_nothingreallymatters_...
好好味呀😋！ 之前喺廣福村冬菇亭經營三十幾年嘅「廣成麵家」年初結業，好多粉絲都好失望，最近佢哋終於係寶鄉街附近重開，大家又可以再食返手唧魚蛋、炸魚片，好有回憶味道！新開嘅仲會有生炸雞髀同豬扒包，味道都唔錯架！ ▲手打魚蛋河粉($28)，魚蛋十分彈牙富鮮魚味，配合麻香辣椒油，又香又好食。 ▲老闆每日將魚肉攪成魚漿，一唧一舀，做出一顆顆雪白魚蛋，每日新鮮製造。 ▲豬手＋雲吞撈粗，豬手炆得十分入味，香味四散。 ▲雲吞($28)是自家製，加入炒過芝麻，特別香口，有熟客覺得雲吞仲比以前大粒，雖然價錢貴了5元，但大家都唔介意 ▲炸雞肶($22)網友仲覺得搬左新鋪之後既新小食都好吸引！而炸雞肶就好似同三多有得輝！ 廣成麵家 地址：大埔寶鄉街 46-52 號地下電話：2653 1338時間：06:30 – 01:00 文字來源：香港人.遊香港／圖片來源：patrickxxl rac.y anonym1984 stv0408...