【潮州美食!香噴噴大蜆花膠米湯】

呢間小店名為「潮州人」,咁有趣嘅店名當然唔少得美味嘅菜色,當中最為特別嘅花膠米粉吸引唔少食家慕名而來,花膠不單止會透過發泡一晚令其更入味,而且仲會用鮑魚汁等調味醬炆製,香氣濃郁,口感一流。除左呢款之外,海鮮愛好者仲可以試下清酒大蜆米湯,當中嘅大蜆會加入清酒提味同自家製嘅醬料,再配埋招牌湯水,簡直就係令人流曬口水!當然,主菜嘅米粉亦唔少得其他小菜嘅配搭,例如呢間店嘅酒醉小食,醉蝦會經由花雕醃製,香氣撲鼻,同埋鹹亨花雕雞翼,賣相一流,美味可口!

清酒大蜆米粉除左有淡淡嘅酒香味,仲有大蜆嘅鮮甜味,絕對系海鮮愛好者嘅心頭好!

呢款酒醉小食,以陣陣清香酒味提昇蝦嘅鮮味,回味無窮!

招牌養顏花膠米粉香氣濃郁,花膠入味口感一流,配埋秘制濃湯,簡直吸引到令人無法抗拒!

特色小食鹹亨花雕雞翼,味道適中,入口隨即散發一陣酒香,絕對值得大家一試!

潮州人

地址:太子界限街12號A地舖
電話:65366626
時間:12:00 – 23:30

文字來源: 香港人.遊香港/圖片來源:潮州人

相關文章:
【抹茶控必收藏!本地薑高質日式抹茶蛋糕!】
【韓團應援揮手區!幻彩飲料+花花打卡牆!】