Home
真香港人小店
Latest

真香港人小店

嘆生活潮流

在家抗疫系列：【#真香港人小店！屬於香港人的Puzzle】

在家抗疫，出唔到街又要日日係屋企，除了整野食外，大家可以考慮下做啲文青少少的活動，就係砌Puzzle！有設計師就設計出【好撚鐘意香港Puzzle夜光版】，將各行各界的人手繪風格注入砌圖中，而中間的文字更於黑暗環境內夜光，非常有心思，而且Puzzle全部由香港本土製造，值得收藏。 購買連結：https://www.dogriderhk.com/product-page/%E5%A5%BD%E6%92%9A%E9%90%98%E6%84%8F%E9%A6%99%E6%B8%AFpuzzle ▲將各行各界的人手繪風格注入砌圖中，突顯大家都同熱愛這個土地。 ▲中間的文字更於黑暗環境內夜光，非常有心思。 ▲砌圖大小為53cm x 38cm，共500塊砌圖，大約用上3-5小時完成。 文字：香港人遊香港 ／ 圖片：DogRiderHK...
食通天九龍糖水甜品黃大仙區

#真香港人小店：【最後機會！黃大仙熔岩心太軟專門店！6月結業！多種口味！阿華田+開心果+紅豆抺茶+玫瑰莓心】- 想甜嚐甜

阿華田爆漿流心心太軟！仲有自家製乳酪雪糕！ 呢間甜品店主打即叫即做心太軟而且賣相吸引，除了經典朱古力外仲有創新嘅阿華田、玫瑰莓心、開心果等，款款都保證流心。當中以阿華田配乳酪雪糕最受歡迎，除了心太軟表面鋪滿阿華田粉和阿華田脆脆。心太軟切開後會即時像火山般流出熱辣辣的朱古力阿華田醬，多到流到成隻碟都係，真係令人嘩一聲。而旁邊個乳酪雪糕係自家製帶點酸酸，可以中和朱古力嘅罪惡感。小店仲有其他芋圓、窩夫等都非常值得試架。不過店主最近係Facebook宣布表示因疫情下，失去甜品店的黃金時間，變得經營困難，將於6月13日為最後一日營業日，想試的朋友要把握機會！ ▲熔岩心太軟華田配乳酪雪糕，華田味濃郁，心太軟切開後即時爆醬。 ▲開心果心太軟配乳酪雪糕，開心果味突出。 ▲芒芋：材料豐富包括芋圓、地瓜圓、紫薯圓、小丸子等，口感粒粒Q彈爽滑。 ▲榴金歲月：榴槤味香濃和肉都幾多，而芒果肉夠甜。 文字／圖片：香港人遊香港...
食通天荃灣區

荃灣日本菜：【人氣吉列牛專門店#真香港人小店 自己動手燒零失敗！】- 秘SecretChefs

香港應該有唔少人鍾意食牛！不過香港最常見嘅都係打邊爐食肥牛、燒肉，或者鋸扒！唔知大家喺香港食過吉列牛未呢？吉列豬扒就食得多，仲要係自己動手燒嘅吉列牛喺香港真係唔常見，而秘就係其中一間啦！ 除咗普通就咁沾咗麵包糠嘅牛之外，秘仲有得食「黑松露吉列牛」，如果你鍾意食黑松露，應該都會鍾意呢個秘製吉列牛！唔想再烚下烚下食牛肉？不如試吓吉列牛啦！ ▲ 板燒吉列牛 ($108)：選用美國安格斯牛肉，再沾上日式麵包糠！ ▲ 每面燒十秒，約七成熟就食得！ ▲ 秘•燒黑松露吉列牛 ($148)：係用新鮮黑松露整成，牛肉同黑松露其實都好夾！ ▲ 浦燒原條鰻魚飯定食 ($116)：如果同檯有唔食牛嘅朋友，可以選擇叫鰻魚飯！ ▲仲有香港好少見嘅日本果汁同汽水，真係好似去咗日本咁啊！ 文字來源：香港人遊香港 / 圖片來源：＠chillformation 、＠food_loversdiary、＠ morefoodbabies...
嘆咖啡Cafe九龍城區深水埗區食通天

深水埗Cafe：【深水埗文青日系風咖啡店!主打日本咖啡豆沖咖啡】- PRESS THE BUTTON

深水埗基隆街最近開左大大小小既咖啡店，附近仲有唔少賣皮革同布藝材料既鋪頭，絕對係現時文青既最佳蒲點。 今次介紹呢間咖啡店空間唔係好大，得門口有排 凳可以坐 ，主要係「立飲」，飲品都用外帶杯，不過咖啡店都提倡環保觀念，但凡客人自均 自備環保杯均可減5蚊。 店內除左可以飲咖啡外，仲有一啲日本咖啡豆、濾掛式咖啡包、熱水壺、環保咖啡杯同埋日本果醬可比客人購買 。呢度既咖啡價格大多數係$35-$45之間，位置優勢令到每杯咖啡價格比起中環既咖啡店絕對平好多。 ▲ Iced Honey Americano ($45): 咖啡店用左荔枝、龍眼蜜製來代替糖漿，飲之前倒落咖啡入面，配合埋咖啡堅果香味，係夏天飲岩晒呀! ▲ KYOTO HOJICHA($35): 其實係一款飲落清爽甘香既冷泡焙茶，茶葉係來自京都丹波農產品牌「霧の朝」泡成的，夏天飲住呢杯凍飲可以降到溫嫁!－ ▲ 仲有包裝咖啡豆可以即場買回家添。 ▲ 咖啡店仲有寄賣Circus Coffee 既日本咖啡豆添，店內仲有介紹 Circus Coffee 既每一個故事。 ▲ 咖啡店既LOGO係由一位日本插畫師Chalkboy設計既，只用簡單線條就可以呈現到豐富既視覺效果，自然成為每位客人扲完杯咖啡打卡既一個好LOGO。 文字來源：香港人遊香港 / 圖片來源： @pressthebuttoncoffee、@ essen_panda、@ _gabewong...
元朗區

元朗美食：【#真香港人小店！正宗抵食船麵！心機足料牛骨藥材湯底！】- 阿叔泰麵

元朗嘅食店一向卧虎藏龍，呢間門口唔算當眼嘅泰國麵店就主打家庭式船麵，湯底以30斤牛骨加入藥材熬足12小時，濃而不膩。原來大廚開店前特登到泰國布吉拜師學藝，所以味道正宗，加上多數來自泰國的食材，絕對值得一試。除左船麵之外，仲有青木瓜沙律、紅咖哩雞翼等小食，泰國地道風味十足。 ▲牛肉船麵($58) ▲冬蔭公湯麵($58) ▲香葉肉碎蛋飯($55) ▲青咖喱牛腩飯($58) ▲紅咖喱雞翼($46) 阿叔泰麵 地址：元朗西菁街20號益輝大廈地下3號舖電話：2887 3269 文字來源：香港人遊香港 / 圖片來源：@asokthainoodle、@notesfromck、@helentaste、@eat_isimportanthk...
Cafe旺角

旺角Café：【必撐文青Cafe！主打爆餡三文治及創意燉飯！】- 桔梗

呢間位於旺角嘅文青系Café，一踏入門口已經見到枱上放有一堆富有設計的傳單，隨之而來就係店內擺設散發出嘅文青氣息。食物方面以精緻爆餡三文治同創意燉飯為主，例如軟殼蟹小漢堡、紅酒牛舌燉飯、炸地瓜打拋豬肉、干貝公主意粉等創意配搭，充滿驚喜！ ▲干貝公主意粉($98) ▲紅酒牛舌燉飯($158) ▲軟殼蟹小漢堡($168) ▲炸地瓜打拋豬肉($78) ▲除左燉飯同意粉，仲有健康沙律可以選擇 桔梗 地址： 旺角砵蘭街160號地下至2樓電話： 27877328 文字來源：香港人遊香港 / 圖片來源：@jiegenge.hk、@hungry.tummy、@hkfoodie90s、@not_eat_nw_wind、@carmanmokcm...
灣仔區

灣仔/上環cafe：【Tiffany Blue文青咖啡店！放鬆心情好地方！】- The Corner Coffee

呢間店喺灣仔同上環都各有一間，雖然位就唔多，但係因為有幾個開放式吧枱位仔，客人可以望住咖啡師沖咖啡，拉近番大家之間嘅距離。呢到最特別嘅應該係拉花，咖啡師除咗會拉一啲可愛特別嘅畫花之外，仲會因應時節拉出符合當下嘅畫花，最啱就係影相打卡。它係一間好提倡環保小店，成日以優惠鼓勵走塑。例如，只要自己帶咖啡杯嚟購物即磨咖啡，就可以享有$10優惠購買。而且，店內仲會出售不鏽鋼飲管同咖啡杯，希望無咖啡杯嘅人都可以加入環保行列。店鋪嘅裝飾都偏向文青風，放置咗唔少關於烘焙同咖啡嘅書，配合埋賞心悅目嘅音樂，真係令人放鬆不少。得閒嘅話，就一個人嚟呢到，享受下一個人嘅時光喇！ ▲ Mocha ($35)，濃郁嘅抹茶香，帶點甘甜，喺上面拉出可愛嘅畫花，真係吸引到一眾嘅抹茶控嚟呢到朝聖啊！ ▲ 地上嘅雨水渠蓋都係店主嘅特別設計，同街外嘅渠蓋有明顯嘅分別，枱上仲畫有「盼自由歸於這裡」嘅圖，提醒一眾手足勿忘初衷。 ▲ 靜雞雞蛋糕，靜雞雞話你知得上環先有架炸，唔好去錯灣仔啊！ ▲ 新鮮烘焙嘅pastry，熱辣辣，真係食過番尋味！ ▲ 店鋪以Tiffany Blue顏色為主，俾人一種高貴嘅感覺，同朋友打卡影相一流。 The Corner Coffee (灣仔) 地址：灣仔港灣道2號地下電話：6564 3143營業時間：09:00 – 18:00 (星期一至五)、10:00 – 19:00 (星期六至日) The Corner Coffee (上環) 地址：上環皇后大道中378號福陞閣地下22號舖電話：6564 3143營業時間：09:00 – 18:00 (星期一至五)、10:00 – 19:00 (星期六至日) 文字來源：香港人遊香港、圖片來源：@thecornercoffee_hk、@fredadafoodie...
黃大仙區

新蒲崗小食：【#真香港人小店！皮薄+香滑+彈牙紅黑米腸粉！】- 鳳鳴石磨腸粉

以前香港人都係食開豬腸粉或者拉腸粉，近嚟就開始興另一種腸粉——皺皮腸粉，亦都因為呢種腸粉用櫃桶式鋼盤嚟整粉皮，所以又有人叫佢做櫃桶腸粉。其中有間可謂腸粉界新星嘅腸粉店，佢就係鳳鳴石磨腸粉。佢特別嘅地方在於唔只有傳統嘅白米腸粉，仲有紅米同黑米，兩款都係有益身體嘅健康食材。每款腸粉都係即叫即做，皮薄香滑，而且份量十足，單買之外亦都有套餐，配埋6粒燒賣同埋1支佢地自家製嘅鮮磨豆漿，如果唔係大食嘅話，叫一個腸粉套餐都已經夠哂飽肚。 ▲石磨雞蛋豬肉腸(單買$22，套餐$36)，雞蛋完全同粉皮融合埋一齊，蛋香加埋米香，真係令人食指大動。 ▲同樣係雞蛋豬肉腸，加$3就可以轉做紅米腸粉，比白米腸粉較為黏身。 ▲黑米雞蛋腸(單買$22，套餐$36)，原價單買$19嘅雞蛋腸同樣加$3就可以轉成黑米腸粉，彈牙之餘仲有少少煙靭，外形仲係好多人都鍾意嘅紫色添！ ▲石磨韮黃雞絲腸(單買$22，套餐$36)，客人可以自己按喜好加芝麻、芫荽或者辣椒碎，另外加$3可以加栗米、菜、雞蛋或者菜脯，加$5可以加蟲草花，大食嘅人仲可以加$8加底。 ▲食腸粉之餘，都可以試下由店舖自己鮮製而成嘅豆漿。 鳳鳴石磨腸粉 新蒲崗店地址：新蒲崗彩虹道242號采頤花園商場地下899號舖電話：2488 0380營業時間：星期一至日 10:30-20:00 觀塘店地址：觀塘開源道68號觀塘廣場地下G34號舖電話：2488 6928營業時間：星期一至日 08:00-19:00 銅鑼灣店地址：銅鑼灣景隆街5號聯成商業中心地下3B號舖電話：6677 1157營業時間：星期一至日 08:00-23:00 文字來源：香港人遊香港/ 圖片來源：@fengminghk、mylittlegourmand、herewego_to_eat、foodiefoodie.m...