阿華田爆漿流心心太軟！仲有自家製乳酪雪糕！
呢間甜品店主打即叫即做心太軟而且賣相吸引，除了經典朱古力外仲有創新嘅阿華田、玫瑰莓心、開心果等，款款都保證流心。當中以阿華田配乳酪雪糕最受歡迎，除了心太軟表面鋪滿阿華田粉和阿華田脆脆。心太軟切開後會即時像火山般流出熱辣辣的朱古力阿華田醬，多到流到成隻碟都係，真係令人嘩一聲。而旁邊個乳酪雪糕係自家製帶點酸酸，可以中和朱古力嘅罪惡感。小店仲有其他芋圓、窩夫等都非常值得試架。不過店主最近係Facebook宣布表示因疫情下，失去甜品店的黃金時間，變得經營困難，將於6月13日為最後一日營業日，想試的朋友要把握機會！
▲熔岩心太軟華田配乳酪雪糕，華田味濃郁，心太軟切開後即時爆醬。
▲開心果心太軟配乳酪雪糕，開心果味突出。
▲芒芋：材料豐富包括芋圓、地瓜圓、紫薯圓、小丸子等，口感粒粒Q彈爽滑。
▲榴金歲月：榴槤味香濃和肉都幾多，而芒果肉夠甜。
想甜嚐甜
地址：黃大仙蒲崗村道73號富佑大廈地舖
電話：39564744
文字／圖片：香港人遊香港