呢間位於尖沙咀佔地4000呎的日式燒肉店價錢相當親民抵食,而且選擇非常多。當中其招牌九宮格燒肉盛盒,可以一次過試勻9款牛肉,包括A4和牛、薄燒頂級肉眼、厚切牛舌腩、Prime牛小排、生薑燒牛小排、安格斯牛仔骨、汁燒護心肉、芫荽辣漬牛梅花和壺漬牛肋肉。當中A4和牛,油脂分布平均牛味香濃,另外厚切牛舌腩爽口彈牙。另一推介柚子漬雞肉山,雞肉用柚子汁醃製後入口淡淡柚子香而且燒後仲肉嫩多汁。除了肉類仲有海鮮、串物等可盡情燒。 ▲九宮格燒肉盛盒($288),A4和牛、薄燒頂級肉眼、厚切牛舌腩、Prime牛小排、生薑燒牛小排、安格斯牛仔骨、汁燒護心肉、芫荽辣漬牛梅花和壺漬牛肋肉一共9款。 ▲激巨薄燒牛舌($68),口感爽脆而且份量十足。 ▲柚子漬雞肉山($38),雞肉燒後仍然多汁嫩滑,入口有淡淡的柚子味。 ▲由左至右分別是:阿波美雞雞芯($15),燒到外層脆脆,入口爽口彈牙。椒鹽雞軟骨串($12),惹味夠咬口。菠蘿串($12),菠蘿多汁又夠甜,可解油膩。 ▲雞泡魚干($36),魚干燒到脆卜卜配沙律醬一流。 ▲紫菜月見飯($28),生雞蛋黃、紫菜、飯素。 ▲青檸菠蘿梳打($28),菠蘿肉粒份量多,可解油膩;百香果梳打($28),百香果粒粒夠多。 文字 / 圖片:香港人遊香港...
呢間位於長洲本身擁有自家設計品牌製作布袋而聞名,之後擴展開多間cafe。間Cafe分為兩部份,一邊係workshop另一邊就係Cafe。店內以白色為主配木系傢俬貫徹品牌簡約設計。Cafe主打輕食、自家製甜品和飲品。當中自家製甜品選擇豐富,味道不停創新好似有豆腐芝士蛋糕卷、玄米茶豆腐芝士蛋糕卷、甜品拼盤都有。而且最近仲有隱藏Menu冰牛,酥脆牛角包上放兩球自選雪糕,一冷一熱、一軟一脆簡直絕配。 ▲隱藏甜品冰牛,酥脆牛角包上放兩球自選雪糕,仲可以選海鹽味雪糕。(可能隨時消失) ▲豆腐芝士蛋糕卷,外層係蛋白做的戚風蛋糕、第二層是鮮忌廉、最中間是豆腐芝士蛋糕。3層不同材料口感特別和清新。 ▲比利時窩夫,自家調製食譜配香蕉、雪糕和手打鮮忌廉。 ▲甜品拼盤,可以一次過試晒想食的甜品。有齊布甸、蛋糕、雪糕和芝士蛋糕。 ▲除了甜品餐廳仲有提供輕食,全日早餐係必選。 ▲咸肉芝士奄列。 文字:香港人遊香港 / 圖片來源:island.workbench、@eating_and_working_in_h、@venus_foodholic、@waiyincheng...
呢間位於西營盤藍白色小屋般外形,充滿著歐陸風情的餐廳非常引人注目,店內裝修還帶點外國家庭式溫馨。小店提供高質精緻西餐,每一道菜都擺盤超精美,猶如藝術品。好似前菜把巴馬火腿、水牛芝士和蜜瓜排放整齊形成花環狀,超適合打卡。除了精緻,食物仲非常美味,好似波士頓龍蝦藏紅花鮮茄天使麵啖啖麵都超掛汁充滿龍蝦汁味道,而且大蝦肉質爽彈。而慢煮熟成三十天美國黑安格斯牛柳色澤粉嫩仲非常軟淋,肉汁豐富牛味濃郁。不得不提夢幻藍紫色的蝶豆花加上金黃色檸檬蜜,層次分明而且每粒波波冰粒都用了蝶豆花和花瓣特製,心思盡顯打卡一流。 ▲巴馬火腿(24個月)、水牛芝士、蜜瓜($98) :巴馬火腿、水牛芝士和蜜瓜排放整齊形成花環狀,擺盤超精美。鹹鹹的火腿配上甜蜜瓜令鹹香和甜味更加突出。 ▲是日餐湯($68) :材料豐富,有牛肉粒、番茄粒、甘筍粒等。味道甜甜酸酸好開胃而且牛肉味好濃。 ▲擺盤精緻,碟邊放上秋葵、魚子、食用花裝飾,增加藝術色彩。 ▲波士頓龍蝦藏紅花鮮茄天使麵($198) :天使麵超掛汁,啖啖都充滿龍蝦汁味道,而且大蝦肉質爽彈,店方仲細心地把蝦殼剪開,方便食用。意粉方面軟硬度適中煙煙靱靱。 ▲慢煮熟成三十天美國黑安格斯牛柳(8oz)($368) :色澤粉嫩的牛柳非常軟淋,慢煮熟成關係肉汁鎖緊,牛味濃郁不帶肥膩感。配上色彩繽紛的香甜烤雜菜,增加食慾。 ▲雜莓意大利奶凍($68) :奶凍口感綿滑,奶味濃郁又不會太甜配上酸酸甜甜的冰凍雜莓、曲奇碎和藍莓醬,形成冰甜清新口味,不會吃膩。 ▲草莓蔓越梅特飲梳打(左)($58) :每一啖都飲到甜甜酸酸的果肉,每粒波波冰粒都有花瓣,充滿視覺效果。蝶豆花檸檬蜜梳打·自家漬(右)($58) :夢幻藍紫色的蝶豆花加上金黃色檸檬蜜,層次分明,味道清新舒服。 ▲而且每粒波波冰粒都用了蝶豆花和花瓣特製,配上乾檸檬裝飾,心思盡顯打卡一流。 ▲小店細細間,約20個座位,而且都好多人食,建議大家先Book位! 文字/圖片:香港人遊香港...
近來各類型甜品網店越嚟越盛行~今日小編就推介一間浪漫唯美嘅真香港人小店。店舖主打各款靚靚嘅雲石蛋糕!必試招牌Wisky威士忌蛋糕,連蛋糕內層啫喱都係威士忌味㗎!充滿陣陣酒香味!含有酒精嘅蛋糕包括白蘭地焦糖岩鹽和士多啤梨香檳,不勝酒力嘅你就有抹茶紅豆、士多啤梨和焦糖岩鹽呢三款可以選擇! ▲Whisky雲石芝士蛋糕,呢種蛋糕有兩種食法嘅~第一,可以擺入冰格雪藏後再拎出嚟放置15至20分鐘就會有雪糕口感!第二,普通擺入雪櫃就可以保持芝士蛋糕幼滑口感~ ▲白蘭地焦糖芝士雲石蛋糕, 酒味會比whisky蛋糕淡一點,而且會帶有焦糖的香甜少喝烈酒的人士也可以嘗試一下~ ▲士多啤梨蛋糕,可以訂購酒精款和無酒精款嘅~ ▲雙層雲石蛋糕,呢個蛋糕好架勢~絕對係派對之選,影相打卡一流! 雙層蛋糕梗係要揀番雙重味道。 ▲石春型蛋糕(每日限量供應) 備註:每款蛋糕視乎價格或款式分量而定,詳情可查詢 Instagram:shanslatestudio 文字來源:香港人遊香港/圖片來源: Instagram@shanslatestudio...
呢間位於小西灣的良心小店沒有大大個招牌只會係門前放一個簡單餐牌,營業時間限定晚上只做幾個鐘,因小店寄居係「新橋美食屋」晚上6點前會係一間茶餐廳,好易眼大睇過龍。小店只賣港式滑蛋蓋飯非常專門而且只有7款加一款隨時轉的限定版,所有飯即叫即整,用蛋味香濃的湖北蛋,而且每個飯都用上3隻雞蛋份量絕不孤寒,滑蛋飯可配帶大大份牛魔王、燒鰻魚、麻香墨魚等仲可以雙拼夠晒自主,記得加秘製醬汁味道再提升。幸運的話限定版可能係鵝肝、安格斯牛扒! ▲嫩滑雞扒滑蛋飯:雞扒煎得香脆,而滑蛋好重牛油香。 ▲牛魔王滑蛋飯:牛肉分量足。 ▲麻香墨魚滑蛋飯,麻味重但不會太辣。 ▲鰻魚滑蛋飯,鰻魚夠肥美加埋秘製醬汁好惹味。 ▲限定鵝肝滑蛋飯,限定版滑蛋飯隨時變更有驚喜,可以係鵝肝、安格斯牛扒等。 文字:香港人遊香港 / 圖片:Softeggsboy、kodokuka...
呢間港式懷舊餅店位於上環,最出名係全人手搓嘅曲奇,有咖啡和牛油味,口感鬆脆,有得用半磅或一磅買。唔少人經過都會買袋走。另外仲會填應節嘅傳統餅點,有皮蛋酥、老婆餅、紅豆綠豆酥和雞仔餅等等,所有餅都係傳統手藝師父堅持人手搓麵粉製造。 ▲多款香港傳統特式出爐小吃,有紅綠豆酥、老婆餅、皮蛋酥和雞仔餅等,呢間小店曾經有表態支持香港民主。 ▲紅豆酥內餡十足,甜度適中。 ▲人手搓嘅牛油曲奇係必食,囗感鬆脆,有咖啡味和牛油味選擇,牛油味唔會太重,甜味啱啱好。 ▲呢間餅店嘅手工曲奇有試過做婚宴回禮禮物,品質有保證。 ▲每日新鮮出爐嘅牛油曲奇底蛋撻。 喜利餅店 地址:上環永和街13號/文咸東街144號地舖/上環禧利街3 號地下 文字來源:香港人.遊香港/圖片來源:@making.today.count、yoyoyowin、rayhowm、myfoodstepz、smallchoww...
呢間位於旺角嘅良心小店主打韓式鐵板多士外賣,所有食物都係即叫即整。小店提供多款多士選擇,包括封門牛柳多士、日本飛驒和牛多士、軟殼蟹牛油果醬多士等等,而且仲會照顧一班素食者推出素食大啡菇多士。多士會係一塊熱辣辣的鐵板上煎香,真係企係門口都聞到香噴噴。當中封門牛柳多士,多士軟熟香脆而牛柳肉嫩多汁再配蕃茄蔬菜和甜甜辣辣的Honey Mustard真係絕配。 ▲封門牛柳多士:選用肉嫩多汁嘅封門牛柳再配蕃茄蔬菜和甜甜辣辣的Honey Mustard。 ▲日本飛驒和牛多士:多士軟熟香脆用上特選飛驒牛肉,肉香嫩滑。 ▲素食大啡菇多士:香煎大啡菇超多汁加上溶溶地嘅芝士帶點邪惡。 ▲軟殼蟹牛油果醬多士:即叫即炸嘅軟殼蟹配牛油果和沙律菜即刻覺得健康咗。 ▲Virgin Mojito(左),青檸、薄荷、梳打水真係夏日極佳消暑飲品。Homemade Lemonade(右),檸檬汁加梳打水,不會太酸甜,剛剛好。 ▲小店內仲有一幅特色牆,打卡一流。 文字來源:香港人遊香港 / 圖片來源:Tic Tac Toast HK...
呢間小店位於佐敦人流較少的街道上,走工業風,門口室外位置更有幾個吧枱位配一幅水泥牆,非常型格打卡一流。小店提供了不少特式咖啡飲品更有自家咖啡粉售賣,方便愛咖啡人士。除了不同的咖啡,食物都是非常有質素。當中的卡邦尼煙肉意粉更是必食,意粉中間的蛋黃非常搶眼,意粉粗身有咬口又彈牙,加上煙燻煙肉煎得香口乾身和芝士碎一齊撈埋簡直一絕。小店都是用上日本雞蛋可以安心食用。 ▲卡邦尼煙肉意粉,意粉有咬口,煙肉煎得香口乾身混埋中間的蛋黃一絕。 ▲63.5度慢煮班尼迪蛋伴煙三文魚牛油果,雞蛋流心效果好治癒,蛋白仲好滑溜溜。煙三文魚和牛油果的份量都不少。 ▲士多啤梨西瓜蛋糕,杏仁蛋白餅,中間有厚厚的一層西瓜果肉,頂層仲有滿滿的士多啤梨和紅提子,非常清新。 ▲自家咖啡,可以買回家方便即時品嘗。 文字 / 圖片來源:香港人遊香港、Cafe Revol...