中環美食2023｜中環潮州菜名人飯堂 全新午市套餐 中環有間主打潮洲菜嘅名人飯堂，連球星碧咸、發哥都是捧場客，曾經試過訂座都要排3至4星期，可見受歡迎程度。依家推出全新午市套餐，總共8道菜可以一嚐潮州風味。分別有前菜傳統潮州凍魚飯，以鹽醃製的凍馬友魚塊，配上鹹香普寧豆醬，鮮甜美味。另一道名菜脆皮橡果豬手烤得非常焦脆，豬皮帶點黏口，食落去骨膠原滿滿。甜品方面有開心果慕絲伴桃膠，充滿啖啖濃郁開心果。每道菜看似簡單，但背後工序卻繁複，如果喜愛吃潮洲菜不妨去試吓！ ▲「好酒好蔡」室內裝潢概念以白色為主色調，簡潔高貴，樓底極高，客人可一邊品嘗精細巧手的潮州菜，一邊欣賞香港浪漫摩天輪夜景！ ▲全新午市套餐總共8道菜，包括脆皮橡果豬手，豬手已經預先去骨，而豬皮烤得非常香脆，仲帶點黏口，滿滿骨膠原。 ▲傳統嘅潮州凍魚飯以鹽醃製凍馬友魚塊，旁邊有鹹香普寧豆醬，簡單而美味。之後仲有一碗煙燻鴨肉炒飯，炒得惹味，飯粒分明偏硬身。 ▲蛋白煎花膠同陳皮燉法國乳鴿都好出色，而甜品有開心果慕絲伴桃膠，開心果味濃郁！ Howard’s Gourmet 好酒好蔡 地址：中環干諾道中3號中國建設銀行大廈5樓營業時間：星期一至六12:00 – 14:30；18:00 – 22:30查詢／訂座： +852 2115 3388 圖片來源： @hkfoodelicious 文字：香港人遊香港...
