位於灣仔的「真香港人」日式餐廳，師傅擅長以創意fusion日式菜，最重要係以香港為主題，例如Winter On Fire凜冬烈火，套餐有11道菜，菜式方面有慢煮鴨胸、羊肉湯、豆紙牡丹蝦壽司和鯛魚配白菜豆腐卷等等，每道菜都好有香港特色！留意番唔同食材價錢都有所不同，另外，店內仲做梗優惠可以超抵價$358試到廚師發辦12貫季節性壽司，包括金目鯛、伊佐木和拖羅矜貴魚生，大家即刻Bookmark佢喇！ ▲香港人（圖左），外皮燒至脆卜卜的馬友；泥土（圖右）腐皮包住海膽，食完非常之滿足，下面似泥土嘅食物係淮山。 ▲牛肉乾紙儂牆 ，利用食用紙製成像真度極高的高票~ ▲廢老湯，用咖啡壺煮嘅木魚蜆肉清湯，再配上用魚皮熬成嘅魚膠啫喱湯膽，非常清甜！ ▲慢煮鴨胸，鴨胸同鵪鶉蛋食落仲超有淡淡嘅甜味。 ▲魚蝦蟹，用櫻花蝦包住蟹肉炸至酥脆，脆卜卜好香口！ ▲魚子醬。 文字來源：香港人遊香港/圖片來源：@kaso.kitchen、@kappou_uo_n...
去年底新開幕的沙田區酒店頂層餐廳，最近新加盟兩位資深日籍廚師，主打Omakase（廚師發辦）和爐端燒，仲有精緻的懷石料理。除咗食物正宗高水準之外，仲加入唔少新派元素！食材仲係即日新鮮運到，疫情下難以飛去日本食地道料理~嚟沙田區呢間日式餐廳都有得嘆啦！店內環境舒適，再加埋城門河畔的美景相伴，週末想嘆一餐精緻日式料理，不妨一試！ ▲ Omakase(廚師發辦)：唔知點揀好？由主廚幫你決定啦，包括刺身或熟食都有，正所謂不時不食，廚師仲會按時令食材為你選擇最新鮮的食材，一定包你滿意！ ▲ 有咩日式新派菜咁吸引呢？一定要試招牌特色 《滿瀉三文魚籽伴北海道海膽丼》，呢碗矜貴的海膽丼，再鋪上滿溢碗邊的的三文魚籽，口感與味蕾的感覺非常澎湃。 ▲《A4和牛「野崎牛」海膽壽司》：以野崎牛的嫩，配以海膽的鮮，給味蕾帶來難忘的體驗。 ▲《鵝肝迷你漢堡》：為此經典食材配以精緻小巧的造型登場，締造全新烙印 。 文字：香港人遊香港...
13-18號 仲有2周年set ！ 週年紀念日/生日要揀餐廳book位真係人生一大難題，嚴重程度隨時引發起世界大戰！等小編比個貼士大家：10個女友，有8個都鐘意食日本野架，尤其係懷石料理omakase，唔駛諗食咩之餘又有高質口感上既享受，小編對前菜及新鮮壽司特別深刻，新鮮程度彷彿置身日本漁市場，而且招待亦好有賓至如歸感覺，女友一定滿意！ ▲Omakase，意指廚師發辦，廚師會將時令既食材，製作成精美食物。每張枱面都有一隻用和式花紙摺成既紙鶴。而由於正值深秋，所以都用上柿肉等時令食物。 ▲呢個前菜簡直令小編大開眼界！豐盈飽滿秋刀魚配上清新可口既柿子。從來都冇諗過柿子都可以有呢個清新口感，仲有鮮菊花一齊食，加埋一齊食完全將和式前菜完全提升！ ▲Soymilk Soup with saltly Egg yolk & Clams，豆乳湯配上咸蛋，呢個fusion配搭真係好正，豆乳湯飲落口感滑而順喉，咸蛋咸香而提味，而且蜆肉亦鮮味十足 ▲刺身3款－油甘魚腩、吞拿魚赤身、海膽刺身。油甘魚腩厚實滑嫩，而且色澤紋路分布均勻，而吞拿魚赤身則係魚味濃郁，而海膽特別鮮甜美味！ ▲煮：雞蛋煮鯛魚，呢個小編有少少失望，口味酷似親子丼既蛋汁，不過用料新鮮，魚質尚算鮮滑。 ▲壽司拼盤，唔知道係唔係時令既關係，壽司款式同刺身大同小異，樣樣都新鮮即切，鮮味十足！ ▲牡丹蝦壽司既蝦頭絕對唔會浪費，佢地用左黎煮麵鼓湯，蝦頭既蝦膏鮮味滲入湯內。 ▲季節食材盛盒，盒面有色彩繽紛既風乾蔬菜，有秋葵、紫薯及蕃薯片，而盒內就有天婦羅、蠔、鮮蝦配玉子豆腐、白果蕃薯小串等，樣樣精緻細膩。 ▲A4鹿兒島和牛，和牛煎至外熟內軟腍，油花豐富，入口即溶。 ▲ 最後食生果，時令係巨峰提子、青提同梨，巨峰提子果汁滿溢，梨亦清甜無比，將飽膩感一掃而空。 ▲另外雲呢拿雪糕配抺茶粉同紅豆真係頂呱呱之配搭！ ▲ 呢間餐廳位置唔算多，分室外同室內，招呼一流﹐每道菜經理都悉心介紹，而且佢地仲會留意住食客食完一道菜先上下一道菜，相當貼心。 ▲2017年11月 13日至 18 日，料理人上田UEDA仲會有特別「 UEDA 二週年限定懷石料理套餐，會有更吸引既食物配搭，想去食既，就記得呢個時間book 位喇！ 料理人上田UEDA 地址：中環士丹利街11號3樓電話：2327 4482 文字／圖片來源：香港人.遊香港...