將軍澳

位於將軍澳近日開設一間法式餐館，坐落於海旁側，客人可以邊嘆海景邊嘆正宗法式食物，餐廳提供多款法式美食，包括威靈頓三文魚、鮮嫩多汁的大蝦、Châteaubriand牛柳、烤鮮魷、粟米、燒雞腿配煙燻果仁沙嗲醬、紅絲絨蛋糕等等，店舖亦提供多款佐酒美食及特色雞尾酒。 ▲威靈頓牛扒就見得多，但呢間鋪頭就推出威靈頓三文魚，入面有蘑菇、菠菜，味道非常特別。 ▲鮮嫩多汁的大蝦，配上一杯清爽的葡萄酒。 ▲Châteaubriand牛柳，這款是經典法式菜式之一，配以經烤的韮菜、蘑菇、牛油汁、烤洋蔥及薯條。 ▲有烤鮮魷、粟米、燒雞腿配煙燻果仁沙嗲醬就夠香口，兩者都有微微辣味，好開胃。 ▲店舖最受歡迎的紅絲絨蛋糕，入面有新鲜奶油芝士、草士多啤梨、自制棉花糖、開心果和黑朱古力。⁠ 文字來源：香港人遊香港/圖片來源：@district8hk...

呢間位於將軍澳海濱旁的戀上台式料理餐廳推出了88分鐘瘋狂任飲任食大閘蟹放題，大閘蟹隻隻爆膏，蟹膏金黃飽滿，甘甜香濃又軟滑。除了可以無限追加大閘蟹外仲有多款大閘蟹菜式任食和台式飲品任飲，包括有一口蟹粉鴨血、蟹粉水餃、生滾大閘蟹粥、蚵仔滷肉飯、蟹粉花支丸、台式腸蟹粉糯米飯等。當中一口蟹粉鴨血除了本身麻辣醬汁夠惹味外再加上蟹粉係面大大增加邪惡度。而蚵仔滷肉飯的蚵仔更粒粒肥美飽滿，飯粒充滿香濃滷肉味。飲品方面珍珠奶茶、芝士奶蓋、水果茶、啤酒等都無限任飲。餐廳更有露天位，夠晒feel。 ▲任食清蒸大閘蟹 ▲隻隻都蟹膏豐滿，入口甘香軟滑，肉質鮮甜。 ▲每隻都非常多膏，而且店員會不停問要唔要Encore，真係推動你食到回本為止。 ▲一口蟹粉鴨血，鴨血淋上麻辣汁夠惹味再加蟹粉超邪惡。 ▲蚵仔滷肉飯，飯粒吸收晒滷肉汁好惹味但一點都不肥膩。 ▲蚵仔粒粒都肥美飽滿又多汁。 ▲蟹粉花支丸，花支丸夠大粒，炸得剛好不油膩入又彈牙而且蟹粉份量都不少。 ▲台式腸蟹粉糯米飯，糯米飯煙煙韌韌有台式腸、花生、蔥花夠香口又有口感。 ▲場內更設有多款台式飲品：黑糖珍珠奶茶，黑糖味夠突出而珍珠煙韌有咬口；芝士奶蓋烏龍茶，芝士又濃又香又滑；百香果茶，啖啖都有果肉而茶味剛好不會太淡口。 大閘蟹88分鐘任飲任食放題 👉🏻約3両-4両大閘蟹公＋約3両蟹乸：$388👉🏻約4.5両-5両大閘蟹公＋約3両半蟹乸 ：$498👉🏻約5.5両-6両大閘蟹公＋約4両蟹乸： $608 供應期：星期一至五(公眾假期除外) 星期六日及公眾假期均可單點： 👉🏻3兩-4兩蟹 $81/隻 👉🏻4.5兩-5兩蟹 $94/隻 👉🏻5.5兩-6兩蟹 $118/隻 —只接受現金結賬 —另加10%服務費及$18醬油費 文字 / 圖片：香港人遊香港...