大埔食咩好

呢間位於大埔的純素咖啡小店用上木系裝修和有大量乾花裝飾富有休閒田園感覺，環境舒適。全素食小店提供熟食、甜品、飲品。當中主食有個自家製番茄醬薑黃焗飯配不可能豬柳漢堡，味道酸酸甜甜非常開胃，不可能豬柳漢堡味道非常似真豬肉幾可亂真又健康因為不含膽固醇、動物激素和抗生素。另外個餃子小食皮薄多餡，用了素豬肉去包。椰菜餃子味道鮮甜，芝士餃子就比較香。更用了日式煎餃冰花方法，形成金黃脆底，增加香口度再配埋其自家製辣汁，先香後辣帶點泰式風味，非常惹味。 ▲自家製番茄醬薑黃焗飯配不可能豬柳漢堡($98)：不可能豬柳漢堡味道非常似真豬肉，就連芝士都係素食，真係幾可亂真。整體味道因番茄醬關係好似食緊pizza，好開胃。 ▲日式媽媽便當($98) ：一個set有齊關東煮、紫薯和甘筍絲餅、支豆、白麵豉湯、蒟蒻甜品和白飯。關東煮湯底清甜，入面有白蘿蔔、豆腐、豆卜、海帶結、芋絲，全都吸畫湯汁好入味而且好健康好有家的味道。 ▲椰菜餃子和芝士餃子($58) ：餃子皮薄多餡，用了新豬肉去包。椰菜餃子味道鮮甜，芝士餃子就比較香。更用了日式煎餃冰花方法，形成金黃脆底，增加香口度。配埋其自家製辣汁，先香後辣帶點泰式風味，非常惹味。 ▲焙茶拿鐵($48) ：入口香滑，茶味突出仲可選擇燕麥奶或豆奶。 ▲鎮靜花草茶($42) ：採用有機茶葉，混入了薰衣草、檸檬葉、薄荷葉、洋甘菊，入口清新和香氣撲鼻。 ▲小店用上木系裝修和有大量乾花裝飾富有休閒田園感覺。 文字/圖片：香港人遊香港...