係香港做食店，無生意又愁生計、有生意又愁加租，最近又多一間小食店加入被加租行列，結局當然熬唔住被逼走。呢度既客家糍粑係即叫即包，軟熟多餡又新鮮， 每天都有人大排長龍幫襯，烤芝麻的香氣，配上超薄的外皮，絕對會令你讚不絕口，好多街坊除左買半打糍粑之外，仲會買多碗生磨芝麻糊！
▲客家糍粑($18/3個) 客家糍粑榮升大埔名物，多左人排隊朝聖，生意係好左好多，不過此舉令業主萌生加租念頭。客家糍粑包住大量黑芝麻碎＋花生碎，一咬開完全係爆餡！
▲客家糍粑($18/3個)好多客一次過都打包3個拎走，客家糍粑($18/3個)，糯米皮煙韌得黎好軟熟，真正既皮對薄餡靚！
▲店主每日就係呢個簡單既摺台上，以膠箱覆蓋，製作家糍粑，即叫即包咁。冇華麗裝修，宣傳都係靠口碑口耳相傳，估唔到業主獅子開大口話要加多一倍租，小店就咁無法係原址繼續經營。
▲生磨芝麻糊($16)亦見非常足料！一入口芝麻勁香，表面有光澤
滑嘟嘟
地址︰大埔廣福道103號地下E號舖
文字來源：香港人.遊香港／圖片來源：tsuki_yeung, chichichismile, lny71<, arme328
相關文章：
【愛回家！同屋企人食中菜暖笠笠！】
【限量優惠『茶味卷蛋』#買一送一 】