一年一度年宵當然要去啦，除咗買咕𠱸支持本地創作，最緊要係食食食。維園年宵有好多小食，有抵食嘅蒜香燒蠔、阿拉伯串燒、鵪春蛋燒，同埋窩夫Stick食。飲品都有繽紛水果製嘅氣泡特飲，今個新年大飽口福，食貨仲唔係你莫屬？ ▲打卡又食得嘅窩夫Stick，表面加咗彩虹朱古力針，同埋朱古力醬，少女心又爆 ▲黃金薯條，薯條混合鹹蛋醬係鍋炒，達到金黃色，每條薯條帶有鹹香味 ▲北海道帝王蟹棒，至啱鐘意食蟹柳嘅你，夠曬大條 ▲水果氣泡特飲，有好多款水果味比你選擇，附送半彎月亮加波波球，令成杯特飲靚靚，係打卡出動時候 ▲阿拉伯串燒同埋糯米雞翼 ▲即叫即造嘅台灣蚵仔煎 ▲鵪春蛋串燒 ▲爆炸炸壽司，加咗爆炸糖碎，食入去雙重口感 ▲台灣墨魚香腸，仲有原味，望住腸ss轉動好治癒 ▲芋圓豆腐花，有得選擇仙草款或豆腐花。 ▲炒粒粒墨魚嘴 ▲邪惡蝦多士 ▲薯仔絲蝦卷，脆脆嘅薯仔絲，咬入軟身嘅蝦，達致外脆內軟口感 維園年宵2019 地址：銅鑼灣天后興發街1號 ( 銅鑼灣站E出口 或 港鐵天后站A2出口 ) 開放時間：12:00 – 0:00 ； 12:00 – 6:00 （年三十晚） 圖片及文字來源：香港人.遊香港...
東大街美食何其多，點可以唔提呢間印尼沙嗲串燒，秘製沙嗲醬經過改良之後更豐富惹味，仲見到粒粒花生碎，炭燒過後香氣十足，除左沙嗲牛肉、沙嗲雞肉、沙嗲羊肉之外，仲有蝦同白鱔選擇！ ▲串燒每天即製，以南薑、香茅、蒜茸等材料醃製 ▲沙嗲牛肉 ($10)、沙嗲雞肉 ($10)、沙嗲羊肉 ($11)、沙嗲雞腎 ($10)、沙嗲豬頸肉 ($18)自製既沙嗲醬，香而不辣。 ▲沙嗲白鱔，炭燒過後肉質鮮嫩而彈性，配上惹味沙嗲汁好正！ ▲去東大街必食既串燒真係好受歡迎！ 印尼沙嗲屋 地址： 筲箕灣筲箕灣東大街76D地下營業時間：星期一休息 ，16:00–01:00電話： 2886 5796 文字來源：香港人遊香港／圖片來源：@r.w.h.l、@eatmorex、@moon_usako、@man.man.chan...
食放題最忌就係趕頭趕命，呢間位於灣仔嘅半自助日式放題，晚市設4小時無限時任食，超過80款食物，好似厚切刺身、和牛串燒、海膽壽司、多款精美甜品等等，仲有吟釀清酒同日本梅酒任飲添，好吸引呀！ ▲灣仔浪人日本料理每晚6:30pm至10:30pm無分時段、無限時任食，包括刺身、壽司、燒物、各式料理同多款甜品等等。 ▲刺身總共有七款，分別係甜蝦、北寄貝、希靈魚、帆立貝、劍魚腩、油甘魚同三文魚，件件都勁厚切。 ▲任食嘅海膽壽司一啲都唔孤寒，放得滿滿，味道亦夠鮮甜，另外仲有大大塊嘅燒鵝肝壽司添！ ▲燒烤吧有即燒串燒，可以見到師傅密密燒無停手，款式有熊本和牛、福岡華味雞、羊架、海蝦、帆立貝同香草豬肉腸等等。 ▲吟釀清酒同日本梅酒任飲。 ▲另外仲有其他天婦羅、燒魚、燒物及日式料理等等。 ▲出面有自助區可以拎一啲沙律冷盤小食同埋湯。 ▲甜品吧有多款選擇，仲有即點即製嘅焦糖燉蛋同埋班㦸。 總括嚟講，呢度嘅食物款式真係幾多，而且有唔少都係出面少見！但最重要梗係無限時任食，不論你係大食積定係吹水怪都非常適合！ 晚市半自助美食放題收費：– 星期日至四 $328 （小童及長者優惠價 $188）– 星期五、六、公眾假期及前夕 $348 （小童及長者優惠價 $208） 浪人日本料理電話: 6541 3666地址: 灣仔駱克道181號京城大廈商場2樓營業時間: 星期一至日 11:30am – 3pm；6:30pm – 10:30pm 文字／圖片來源：香港人.遊香港...
呢間燒鳥店每日都由師傅將三黃雞拆肉去骨，每隻雞足足可以拆到20個唔同部位出黎燒，連雞心、雞甲狀腺呢D比較冷門嘅部份都可以試到。唔同部位嘅雞串都要用唔同時間同火喉去燒，所以真喺好考廚師嘅技術。必試推介係燒雞肉球，肉球非啖啖肉常Juicy，裏面有少少雞軟骨，食落有少少脆口，配埋蛋黃漿汁就更惹味！ ▲各式各樣嘅雞肉串燒！雞腿、雞翼、雞頸、雞肝、雞尾、雞皮。所有串燒一律$45，作為前菜最適合不過，全部做到肉嫩多汁，完美無瑕。 ▲惹味燒雞翼（＄45）燒雞翼預先去骨，外皮脆肉滑 ▲即叫即燒嘅串燒，香噴噴、又多汁，真係人見人愛啊！ Yardbird 地址︰上環永樂街154-158號地下時間︰18:00- 00:00，逢星期日休息電話︰25479273 文字來源：香港人.遊香港／圖片來源：Yardbird...
宵夜食串燒可以話係區區都有，但夠膽用海鮮做主打串燒，呢個都好少見！大埔呢間深宵限定燒海鮮串食得夠豪氣！時令鮑魚同帶子即叫即燒，小編最抵受唔住海鮮串燒到嗞嗞聲同埋佢地既鮮香氣味，再加埋醉蜆烏冬同埋初戀芝士撞棍真係冇得彈呀！店內6月開始已經貼有文宣，多次活動日子都開放俾同路人休息，係間區內良心小店！ ▲燒鮑魚（市價）選用鮑魚好厚肉，上面鋪滿蒜容，食落鮮甜 ▲燒北寄貝60起一d都唔覺韌，而且仲爽口彈牙，燒香左北寄貝仲帶出海水鮮味！ ▲初戀芝士撞棍（$25/2件）其實即係芝士燒響鈴。響鈴本來就香脆無比，索埋燒汁加埋半溶芝士，食落幾juicy！ ▲燒芝士巨型啡菇（$35），燒大啡菇食起上黎有d似肉扒，口惑柔軟，燒左更顯菇香加上邪惡芝士好似棉披咁鋪上。. ▲唔想食海鮮既話，呢度串燒都有好多選擇！ ▲Star-war醉蜆配烏冬（$33），上台時仲係熱辣辣，證明star-war真係夠哂熱，蜆仔份量夠多而且富酒香，夠辣又夠酒味！ ▲呢個甜品最近勁hit！ 彩虹小食串燒專門店 地址：大埔運頭街12-18號美華大廈地舖電話：53177943營業時間：18:00 – 02:00 文字 香港人遊香港／圖片來源：@vicvicliong、@saiyee0709、@hesteryk、@yipyeeeeman、@zozoeats、@zoeinlove...
講埋四川美食，串串香不能不提，最近尖沙咀開咗間火鍋店，主打成都串串火鍋。湯底有麻辣、菌王、蕃茄、藥膳四款。火鍋串串配料就用自助形式，出去拎個底盤自己揀就得！埋單時按每串計算，最平$5起！推介串王酥肉，新鮮炸起熱熱熱酥肉配上紅油鍋，麻辣誘人！ ▲講埋四川美食，串串香不能不提 ▲呢度嘅串串唔用磅重方式收費，以每枝竹籤計算，食多食少容易預算。 ▲湯底有麻辣、菌王、蕃茄、藥膳4款。火鍋串串配料用自助形式 ▲正價時段全單88折，7pm前離座及10pm後入座都有68折 串王之王─正宗成都串串火鍋 地址：尖沙咀金馬倫道 34-36A 號福僑大廈地舖電話：2336 8182時間：17:00 02:00 文字來源：香港人.遊香港／圖片來源：@barcaleo、@law_bobo、@follow9facetoeat...
自悉從銅鑼灣Sogo翻新之後，多左好多日本直送既熟食檔！呢度每次經過都會聞到陣陣照燒汁香氣！原來有小編最like既串燒，串燒有鹽燒同汁燒之分，呢度就係用自家製燒汁黎燒，食得出燒汁內既醇厚味醂，令串燒特別濃稠！ ▲無論係落醬汁份量同串燒份量都極為慷慨，一不小心很容易會醬汁橫飛。 ▲為免做唔切，師傅會密密手咁整，應付人流。 ▲照燒帶子同牛舌。 ▲來自岩手既雞肉。 串燒橫丁 地址 ：銅鑼灣軒尼詩道555號崇光百貨B2樓SG26號舖電話：28318803營業時間：10:00 – 22:00 文字來源：香港人.遊香港／圖片來源：香港人遊香港...
呢間位於牛池灣車仔麵檔係街坊先識！對於呢間店d人都好兩極，有d人話佢地又平又抵食，有d就話佢地衛生情況其實都幾差唔敢食！事實係點就留返比大家判斷，佢晚上6點後就有即場炭燒沙嗲串燒，選擇都幾多，好似豬頸肉、雞肉、煙肉番茄、墨魚餅，亦有青椒同茄子。 ▲無論係落醬汁份量同串燒份量都極為慷慨，一不小心很容易會醬汁橫飛。 ▲唔夠飽肚既，整多碗車仔麵就岩岩好喇！ ▲沙爹串燒外層脆得黎香。 ▲沙爹串燒絕對是很多香港人最喜歡美食，不過因為等候時間長好少人做，手持一串沙爹，一邊逛街一邊吃，覺得特別好味。 金發車仔麵 地址 ：彩虹牛池灣富池徑3號 文字來源：香港人.遊香港／圖片來源：@choyinghk、wongkwan0809、waiwai_vanus、willtsoi...
愛辣朋友要試啦😍 講起四川美食，串串香不能不提，而多間串串香中，小郡肝就可謂最受歡迎，而最近呢間人氣店宣佈登陸香港，新店選址銅鑼灣，佢哋最馳名係香辣小郡肝（雞珍）同山椒牛肉，係正宗四川紅油鍋裡涮煮後，搭配推薦油碟或者秘製乾料，鮮香脆爽，麻辣誘人！ ▲小郡肝可謂名聲大噪，火遍全國，不僅成都當地人愛吃，全國各地的美食愛好者也蜂擁而至。 ▲如果你喜歡川味，熱愛麻辣，那秘製小郡肝一定讓你欲罷不能！ ▲秘製小郡肝鮮香脆爽，麻辣誘人 ▲國內最火爆嘅串串香火鍋店就一定係呢間鋼管廠五區小郡肝串串香火鍋！ 鋼管廠五區.小郡肝串串香(已結業) 地址：銅鑼灣軒尼詩道502號黃金廣場9樓 文字來源：香港人.遊香港/圖片來源：小郡肝串串香...