出黎飯聚點可以唔食豪d?呢個鮑魚雞煲夠哂霸氣,隻隻都算幾大隻同口感好彈牙,雞件質地滑嫩,同時又入味,上台時仲咋咋聲熱辣辣,香氣四發!台台都叫呢個雞煲。另一個重點推介就係冰鎮咕噜肉,做法同冰糖葫蘆有異曲同工之效﹐佢地將咕噜肉炸左之後,再用冰粒蓋著,令咕噜肉外皮變得更脆,同掛滿咕噜肉汁,食落就有內嫩感,上台時外型更係仙氣逼人! ▲鮑魚雞煲($188)鮑魚、雞件份量都唔少,雞件更有近半隻,3、4個人食都綽綽有餘!咬落肉質幾彈牙唔會好過火,雞肉鮮嫩入味,味道惹味十分。 ▲鮑魚雞煲($188)特別一讚係呢度鮑魚煮食前界左幾刀,咁樣較易炆腍同入味! ▲冰鎮咕嚕肉($138)將咕嚕肉上放大量冰塊上,賣相晶瑩剔透,入口外涼內熱、酸甜醒胃提神。 ▲冰鎮咕嚕肉($138)冰鎮咕嚕肉肉肥瘦均勻入口唔鞋,混合糖醋等醬料加入士多啤梨、藍莓等新鮮水果,食落都好清新! ▲脆皮豆腐粒($38)加上辣椒、配上椒鹽,整成外酥內嫩既豆腐,好惹味! ▲黑椒金錢肚,呢度除左小菜之外,都仲有好多點心食。 ▲鮮蝦腸粉,鮮蝦腸粉用上大大隻鮮蝦,皮薄餡靚 火紅點-Shabu Shabu & Dim Sum 地址:油麻地砵蘭街78-80號地下C&D舖 電話:26771041/51146903 (Whatsapp) 營業時間:07:00 – 23:45 文字來源:香港人.遊香港/圖片來源:@deniseleeabab、@crystallcheungg、@vinkywww、@carolkids...
64 結果
大排檔
呢間大排檔絕對係re-u莊聚之選!必食台台都有既黑椒薯仔牛柳粒,薯仔炸過再用蜜糖炒,做到呢個焦糖脆面,非常出色。牛柳炒得啱啱好熟鬆軟而不失嫩滑,加入黑椒醬汁同牛柳薯仔一拍即合,口感微辣帶甜! ▲黑椒薯仔牛柳粒 ($108)薯仔外層焦香,薯仔咬落鬆軟又帶點甜, 牛肉軟嫩順口,一齊食、分開食都一樣咁正! ▲黎大排檔食野既好處就係可以就返你個人數叫餸! ▲蒜蓉粉絲蒸扇貝 ▲蒜蓉粉絲蒸蟶子,所用蟶子都好大隻,啲汁淋曬係個蒜蓉粉絲,好夠味! 萬發海鮮飯店 地址: 深水埗九江街150-152號營業時間: 18:00–00:00電話: 2361 8708 文字來源: 香港人.遊香港/圖片來源: choisumlife、ieatlikeapig99、evelyn_yu93、seven.lee.520...