最近呢間位於金鐘嘅酒店就同Tea WG聯乘，推出以「茶」為主題嘅下午茶，仲特別為今次調配咗茶叫做香港週末，主廚仲用呢隻茶整咗好多甜品，好似茶香法式閃電泡芙、士多啤梨撻等等，包保有茶味，每份下午茶仲會免費贈送Tea WG精緻茶包禮品一份！ ▲今次Tea-WG調配咗一種名為香港週末之茶，以特選綠茶加入野生大黃、花蕾等元素，滑順入口。 ▲甜點方面，小編大推茶香法式閃電泡芙，佢既頂層吉士醬以鮮奶油加香港週末之茶拌勻，甜滑清香怡人。迷你大黃及士多啤梨撻集合士多啤梨果蓉和煮至稔身的大黃，上層鋪滿新鮮雜莓，蘊藏層層巧思，味道酸甜醒胃，呼應香港週末之茶的果香特性。 ▲將於期間供應鹹點方面，香烤三文魚既羅勒青草醬帶出海鮮香味同鮮味；煙肉洋蔥雞蛋鹹批，香脆有致，烘焗後洋葱帶來點點香甜，香濃可口。土耳其鷹嘴豆蓉配土耳其薄包餅豆味好濃！仲有香脆炸蝦口感內爽外脆賣相精緻。而香港週末之茶三文治就有番茄、雜菜沙律等餡料，入口清新。 ▲每份下午茶都會免費贈送Tea-WG精緻茶包禮品一份！ 香港周末之茶下午茶體驗＠樂聚廊 限定日期：2018年10月1日至11月30日地址：金鐘金鐘道88號太古廣場港麗酒店大堂電話：25213838 (Ext 8250) 文字來源：香港人.遊香港／圖片來源：港麗酒店...
😍心心眼mode！😍 位於YOHO Mall呢間新開張嘅咖啡店，係今年首度登陸香港，咖啡店裝潢及甜品都非常創新。呢隻朱古力品牌，係貴價既象徵，而呢度甜品主打朱古力甜品，店內嘅軟雪糕都係人氣之選，而且上碟都係金光閃閃✨✨，直頭係打卡專用呀！ ▲金緻典藏下午茶($368): 呢份下午茶有多達7種甜品，份量多足夠二個人食，更有兩杯飲品，而且有齊甜點鹹點，一定好滿足。 ▲朱古力火鍋($288): 有新鮮水果、馬卡龍，配料點朱古力火鍋，草莓同香蕉食落好Fresh，馬卡龍同朱古力火鍋都幾夾，變得無咁甜。 ▲朱古力球配GODIVA香草白巧克力軟雪糕及鮮果($138): 外型都羸晒，好靚，朱古力球內有多款水果及軟雪糕，朱古力好幼滑，而且口感豐富，朱古力控點可以錯過。 ▲朱古力新地($128): 呢個新地有朱古力醬同朱古力醬配合，軟雪糕入口順滑，口感層次多。 GODIVA 時尚生活咖啡館 地址：元朗YOHO Mall形點1樓1043A舖電話: 31885412營業時間: 10:00 – 22:00 文字來源：香港人.遊香港／圖片來源：GODIVA Chocolatier (Asia)...
