呢間位於海港城的星馬菜，環境靚，有海景送飯之餘，菜祖味道都十分高質。堂食有維港海景欣賞，外賣就有八折優惠，十分抵食。招牌海南雞飯肉質嫩滑⋯⋯
位於深水埗基隆街的這間茶餐室，裝潢充滿馬拉氣氛，主打正宗馬來西亞菜式，包括椰漿飯、砂煲老鼠粉及椰香咖央多士等。當中嘅招牌肉骨茶更有8款部位配料可以選擇，俾你自由搭配，飲哂仲可以免費無限加湯飲添！ ▲砂煲老鼠粉($78) ▲椰香咖央多士($26) ▲肉骨茶 棒棒骨($76) ▲辣死你嗎配咖哩雞肉($55) ▲湯咖哩米($52) 蘇媽.蘇媽馬來西亞茶餐室 地址：深水埗基隆街251號地下電話：2447 9188 文字來源：香港人遊香港 / 圖片來源：@e.for.eat、@hkhungryfoodie、@foodbuddy00、@jujuip、@foodiechoco...
位於葵涌既山南食堂係真正既小店，鋪內座位不多，以外賣為主，老闆來自馬自西亞，主要賣肉骨茶同叻沙！滲滲叻沙夠真材實料，湯底椰香味濃，味道微辣非常香，岩晒重口味人士，仲有雞絲、蝦餅、香矛豬排或雞翼等多款選擇！肉骨茶藥材味濃，雜錦肉骨茶仲有齊排骨、豬肚、金菇、豆卜、油炸鬼等等等，非常豐富，每樣配料都吸盡藥膳味精華，仲可以選擇配飯或粉麵，一定飽肚！仲有多款惹味小食例如泰式炸蝦餅、香矛雞翼、涼拌豆腐等等，配埋鹹檸七都只係加5蚊，完全係平民美食！ ▲小店鋪頭唔大，以做外賣為主。滲滲叻沙非常足料，湯底微辣又有椰香，睇到個色水就知非常惹味！ ▲滲滲叻沙有多款選擇，雞絲、蝦餅、香矛豬排、香矛雞翼或雜錦都得，價錢都係$38-$46左右，絕對係平民美食！ ▲藥膳肉骨茶都非足料，基本配料有豆卜，冬菇等，都非常入味！ ▲肉骨茶仲可以配大大盒飯，或者改粉麵，岩埋大食人士！ ▲除左滲滲叻沙同肉骨茶，仲有各款乾撈都好惹味，仲可以加埋辣醬就更香濃！ ▲小店最近仲推出左椰漿飯，配埋佢地自家炒既參巴辣醬，非常值得一試！ 山南食堂 地址：香港葵涌美芳街2-14號昌鴻大廈地下9號電話：5625 8671營業時間：11:00-21:00(星期日休息) 文字來源：香港人遊香港／圖片來源：@shannanrestaurant、@matthew_0725...
好多香港人都鍾意食肉骨茶同埋叻沙，不過呢兩款菜式都需要好多材料，想做得夠地道都唔容易。呢間位於鰂魚涌嘅隱世小店就有非常地道嘅肉骨茶同埋叻沙。先講肉骨茶，湯底用咗多種藥材，香氣十足，味道清香，而且冇落味精，飲完都唔口乾，飲飲下好易就唔覺意飲哂成碗。肉方面就分有軟骨同大骨兩種，大大舊食落去非常滿足。叻沙同樣非常出色，入面落咗螄蚶、虎蝦、叻沙葉、豆卜、雞蛋、芽菜同魚片，味道非常濃郁，拍得住馬來西亞當地嘅叻沙。 ▲大骨套餐($85)，無論係飯、湯、肉或者豆卜都係大大碗，份量超足，加上佢嘅湯底真係真材實料，呢個價錢絕對係超值。 ▲招牌肉骨茶($70)，除咗大骨之外，都可以揀軟骨，適合一啲鍾意食軟骨嘅朋友。 ▲清香嘅湯底加埋大大舊肉，完全冇偷工減料。 ▲叻沙($70)，淨係睇個樣都知道佢落足料。 ▲怡保雞套餐($70)，除咗肉骨茶同叻沙之外，呢間店嘅怡保雞都好值得試。 迷湯 – 肉骨茶叻沙 地址：鰂魚涌海堤街18號地下D5號舖電話：2325 0082營業時間：星期一至三、五 12:00 – 15:30；星期四 12:00 – 15:30、18:00 – 21:00；星期六日及公眾假期休息 文字來源：香港人遊香港／圖片來源：@find_my_meal、gabebehui、stephenmakk、natyuen19]]>...
呢度老闆最喜愛煮食，尤其愛星馬菜，機緣巧合下將當地烹調方法帶回香港，以胡椒同生蒜作湯肉骨茶較有特色，以來自新加坡黑、白胡椒加生蒜熬成。愛辣既朋友就一定要試下招牌辣椒板麵，因為佢地加入左自家製乾辣椒醬，將配料同辣椒醬混埋，辣勁十足！ ▲古滑雞飯（＄58）雞髀肉都好滑，雞肉上更加上原汁原味既雞汁，有埋油飯，真係食得好滋味。 ▲古月招牌肉骨茶（配古月茶及米粉或白飯）（＄78）帶肉既骨頭好入味，肉質軟腍！ ▲招牌辣椒板麵（＄48）有5款配料包括江魚仔、肉燥、半熟蛋、葱及豬油渣粒，中間自家製乾辣椒醬先係靈魂所在。 ▲牆上手繪圖案都係老闆自己畫，好有星馬風情！ 古月 地址：北角錦屏街 29號 A地下電話： 5347 1766營業時間： 12nn-3pm， 6pm-9:30pm 文字來源: 香港人.遊香港/圖片來源: @hoyan426、@mihofun、@r.w.h.l、@wukin1118...
新加坡以白斬文昌雞而馳名，呢間小店老闆來自新加坡，每日新鮮自家製海南雞飯，雞同飯都超高質，海南雞口感肉厚而嫩，油飯富雞油味，味道濃郁，加埋佢地既黑醬油、辣醬同埋薑蓉，製作認真一d都唔馬虎！ ▲白雞飯套餐($65)：有雞有飯有湯有菜，呢個價錢都幾抵！跟餐湯仲要係細肉骨茶。 ▲海南雞飯($58)：係去左骨，首先雞皮變成啫喱狀，好爽口！雞肉非常嫩滑，睇落幾夠厚肉，食得非常滿足！老闆每日用上2.5斤重的龍崗雞，然後用斑蘭同香茅既熱湯浸熟。 ▲海南雞飯($58)：佢地油飯食得出油香，完全冇油膩感！ ▲肉骨茶係正宗馬拉藥材味，豬肋肉炆至軟腍。 文華雞飯 （新加坡） 地址：大角咀中匯街17號地下電話：2301 4266 營業時間：11:30am-10pm（星期三休息） 文字來源：香港人.遊香港／圖片來源：@kithing108、@ti.lifestyle、@stevenyan7359、@stenoodie...
呢個黃金海鮮喇沙口味都幾新加坡feel，黃金喇沙湯底帶濃郁椰香，顏色紅噹噹又夾雜些奶白，大口食米粉同油麵摻摻，再咬螄蚶爆出鮮美湯汁！而且材料非常豐富有螄蚶、虎蝦、叻沙葉、豆卜、雞蛋、芽菜、魚片。虎蝦尺寸大隻多汁，爽口鮮甜。 ▲黃金海鮮喇沙 （＄50）湯夠熱夠濃，有螄蚶，油麵溝米粉。 ▲黃金海鮮喇沙（＄50）材料豐富非常，兩隻大蝦取料新鮮，食落爽口鮮甜，魷魚爽口，而螄蚶就係香港好少見！湯底濃稠滑溜，豆卜索哂d湯汁！ ▲肉骨茶（＄50）擁有胡椒同少許藥材味湯底，飲完真係一試難忘！ ▲肉骨茶（＄50）豬肉鮮味十足，肥肉入口即溶，可謂白飯神偷。 迷湯肉骨茶專門店 地址： 鰂魚涌海堤街18號營業時間： 星期一至三、五 12:00 – 15:30／星期四12:00 – 15:30＆18:00 – 21:00／星期六至日休息電話： 2325 0082 文字來源：香港人.遊香港／圖片來源：@find_my_meal_vanishing_abs、@0924freda、@foooodsnaps...
店鋪有個特別名字，意思係20蚊就有得食！售賣肉骨茶、斑蘭咖央多、馬來黑咖啡等馬來小食，而呢度都有幾款平飯得揀，係附近，30蚊既煎蛋肉餅飯或滑蛋叉燒飯已經好難搵得到，所以深得街坊喜愛！ ▲蛋叉燒飯（＄30），店主故意叉燒切得細細粒，雞蛋滑溜、蛋味香濃。 ▲胡椒肉骨茶（＄35），有胡椒肉骨茶同鮮蝦胡椒兩款肉骨茶，微辣之後胡椒香味滲出。 ▲斑蘭咖央多（＄20），烘脆薄麵包、厚厚咖央、牛油配搭薄切方包，仲滲著啖啖班蘭香. ▲蛋炒豬腸粉（20元） ▲香煎脆邊蛋肉餅飯（＄30）老闆每日用新鮮半肥瘦豬肉調製，以豉油、糖、生粉調味，聽落十分簡單，加上搖搖欲墜既燶邊蛋，係簡單又好味既食物。 兩草 地址：銅鑼灣銅鑼灣道126號電話：27966868營業時間：11:00 – 15:00、18:00 – 20:00 文字來源：香港人.遊香港／圖片來源：@kiannboo、@huang.yuche...
