眾所周知陶冶性情最好就去藝術館，不過最近尖沙咀有Café推出全新藝術主題下午茶！邊歎美食邊陶冶藝術氛圍，一舉兩得！Café以「ART TO LIFE」（西方著名畫作）推出一系列精緻甜品，包括迷你安格斯牛漢堡、焦糖金奇異果撻、士多啤梨玫瑰撻，還有經典馬卡龍、英式鬆餅等等。仲可以品嘗到最潮嘅咖啡畫作，將西方著名畫作融入咖啡拉花之中，喺日韓國家一早興起，宜家嚟呢度都試到~大家記住嚟影相打卡喇！ ▲白色玻璃畫框取代傳統三層架作為盛載甜點嘅托盤，畫框內復刻著梵高著名的《阿爾勒的卧室》。 ▲迷你安格斯牛漢堡鬆化軟腍（圖左上），牛味濃郁，咬落去充滿甘香。經典馬卡龍（圖左中）、英式鬆餅（左下）配下午茶忌廉及果醬。焦糖金奇異果撻（圖中右三），紐西蘭金奇異果切成細細粒，配上果醬和芝士， 清香而不甜膩；士多啤梨玫瑰撻（圖中右二），香滑誘人的吉士忌廉和酥脆餅底，外脆內甜。 ▲咖啡拉花，多款名畫可供客人選擇，大家可選擇梵高的《星夜》咖啡，整幅名畫擺喺咖啡上，非常適合打卡！ ▲仲有梵高自畫像，杯杯咖啡靚到唔捨得飲。 ▲中國當代藝術家劉野，作品《溫柔地殺我》。呢幅畫係店鋪新購入的畫作，除此之外店內四周仲有來自世界各地的藝術品與精品，大家都可以過嚟睇睇！ 備註：價錢：$368/2位，包2杯artsy咖啡。 文字來與：香港人遊香港...
台東居住人口疏落，低光害又冇高樓十廈、地廣人稀，加上自然景觀遼闊山海城市，估唔到台東除左有山明水秀好風景之外，夜晚仲有閃耀動既銀河星空！滿天星宿既畫面令人驚嘆大自然既美好，因此到台東觀星已經成為台灣當地人熱門既活動之一。一到4至10月，就係觀星好時節，好多天文專家、攝影發燒友同愛好者，都會去到台東觀光旅遊網推薦既14處絕佳觀星位置睇星星！而「台東最美星空」將有56場次免費星空導覽活動，5、6月仲會有星空音樂會，真係令人好期待，希望到時疫情完結有得去啦～ 係台灣只要稍稍離開市區，配合天氣良好，就會欣賞到浩瀚星空，官方係2018年就舉行「臺東縣最美星空選拔」活動，選出14個最美星空之地 14處絕佳觀星位置由民眾投票選出，分別為大坡池、關山親水公園、三仙台、加路蘭遊憩區、帆船鼻草原、都蘭觀海公園、鹿野高台、金剛大道、金針山湛藍若洗觀景平台等 綠島帆船鼻大草原係一絕觀星地點，坐係廣闊既草原之上觀星，所有由都市帶來既煩惱一掃而空。 加路蘭原本係一處雜草叢生的一片荒蕪野地，經開發之後成為賞星新景點。 台東最美星空導覽時間約為4月至10月之間，而每年約6到8月這段期間，銀河出現時間最長，而台東最美星空導覽活動會舉行56場次免費星空導覽，到時會有天文專家為介紹臺東最美星空各點位由來，認識天體、講述星座故事與天文知識。可以禁呢度報名：beclass.com 係浩瀚星空之下同同行朋友一齊玩light painting！ 今個暑期，又再次舉辦2020臺東最美星空音樂會，唔同日子就會有一日限定既活動，大家要注意喇～ 文字來源：香港人遊香港 / 圖片來源：@wendy_86413、＠starrytaitung_@huang_renhong、＠mikihuang0716...
