尖沙咀下午茶:【藝術主題下午茶!飲得嘅梵高星夜!打印咖啡細緻呈現名畫!】-Curator

眾所周知陶冶性情最好就去藝術館,不過最近尖沙咀有Café推出全新藝術主題下午茶!邊歎美食邊陶冶藝術氛圍,一舉兩得!Café以「ART TO LIFE」(西方著名畫作)推出一系列精緻甜品,包括迷你安格斯牛漢堡焦糖金奇異果撻士多啤梨玫瑰撻,還有經典馬卡龍英式鬆餅等等。仲可以品嘗到最潮嘅咖啡畫作,將西方著名畫作融入咖啡拉花之中,喺日韓國家一早興起,宜家嚟呢度都試到~大家記住嚟影相打卡喇!

白色玻璃畫框取代傳統三層架作為盛載甜點嘅托盤,畫框內復刻著梵高著名的《阿爾勒的卧室》。

迷你安格斯牛漢堡鬆化軟腍(圖左上),牛味濃郁,咬落去充滿甘香。經典馬卡龍(圖左中)、英式鬆餅(左下)配下午茶忌廉及果醬。焦糖金奇異果撻(圖中右三),紐西蘭金奇異果切成細細粒,配上果醬和芝士, 清香而不甜膩;士多啤梨玫瑰撻(圖中右二),香滑誘人的吉士忌廉和酥脆餅底,外脆內甜。

咖啡拉花,多款名畫可供客人選擇,大家可選擇梵高《星夜》咖啡,整幅名畫擺喺咖啡上,非常適合打卡!

▲仲有梵高自畫像,杯杯咖啡靚到唔捨得飲。

▲中國當代藝術家劉野,作品《溫柔地殺我》。呢幅畫係店鋪新購入的畫作,除此之外店內四周仲有來自世界各地的藝術品與精品,大家都可以過嚟睇睇!

備註
價錢:$368/2位,包2杯artsy咖啡。

Curator

地址
·尖沙咀梳士巴利道 18 號 Victoria Dockside K11 MUSEA B113C 號舖
·堅尼地城卑路乍街 100 號
供應日期:星期一至五
供應時段: 15:00-18:00


文字來與:香港人遊香港