尖沙咀又有新餐廳啦！全層有5000呎，更將八九十年代走鬼檔融入店內裝潢，包括參考綠色鐵皮的天花設計及帆布帳篷茶檔特色。餐廳內有以熟食檔為靈感的開放式小菜檔、滷水檔及燒烤檔，客人可以親自挑選食材再向師博即時下單⋯⋯
這間位於沙田的馳名大排檔，人氣菜式除了Wasabi蟹籽手撕雞外，其中炸芒果班戟，「芒果一口脆」可說是必點名物，即叫即炸以錫紙盤盛上，外皮金黃微脆包著冰涼香甜的芒果，外脆內軟，味道酸酸甜甜，入口冰火交融，口感豐富！
香港的大排檔買少見少，想一嚐地道大排檔風味，又想坐得舒適，就一定要來這間菜館啦！餐廳有各種港式菜式，蝦多士是必食之選，炸到金黃香脆的多士包住彈牙爽口蝦肉，面層更有黑松露作點綴。好少地方有售的焗魚腸⋯⋯
店主曾經係米芝蓮食店阿鴻小吃學師，後來自己開店，食物好有信心保證，鋪面以簡單木系為主調，同一般潮式大排檔更有精品感覺，鋪面櫥窗還掛滿滷味，貪食既你可以自選滷水三拼，可以自由選擇三款滷味，每份滷味都會有炸豆腐附送。招牌菜滷水鵝係食肉控必叫！鵝肉肥瘦均稱，肉質嫩滑軟腍，鵝味香濃到位，配潮州白粥或蠔仔肉碎粥道一濃一淡非常夾！呢間潮式滷味由6月開始已默默支持社會運動，多次為公義發聲。 ▲焦糖流心蛋（$32），以花鵰酒香糖心蛋再以fusion形式，加上cream brulee脆焦糖面，別有一番風味。 ▲三味鴨舌 （$58）三味包括酒香、麻香、川香﹐當中酒香最出色，令其爽脆非常。 ▲滷水鵝片（$148）滷水濃郁芳香，鵝片軟腍 ▲新鮮鵝腸（$）爽香冇腥味 ▲蠔餅既蠔仔質素高，粒粒肥嘟嘟大大隻，鮮甜多汁，而且燶邊脆口！ ▲軟滑豬紅（$52）又軟滑又入味 ▲黃金糖醋麵（$78）正宗糖醋麵底用上湯燴過，亦唔會煎得過分乾身。 太平飯店 地址：北角渣華道124號地下D舖電話：31073797營業時間：07:00 – 22:00 文字來源：香港人遊香港/圖片來源：@kingramen、@jap_n_go、@ailun771...
灣仔有間室內大排檔，裡面靚裝甚有特色，重現香港昔日街景，有機鋪、夜總會、桑拿浴室、麻雀館、魚檔等等充滿8,90年代香港味，別有風味，打卡一流！而佢地食物都好有心思，大排檔穫氣小炒當然唔少得，仲有好多懷舊小菜外面已經好難搵到！招牌「花甲蒸水蛋」賣相非常吸引，花甲連殼蒸保留左海鮮鮮味，令蒸蛋香滑之餘仲好鮮味，送飯一流！「鹽焗馬友」呢種古法焗魚外面亦好少見，炸子雞、紅燒乳鴿等等經典菜式都做得甚為出色。最後再點個幾乎已失傳既「菠蘿皮焗西米布甸」作為甜點，非常滿足的一餐！ ▲位於灣仔既「杜老誌大飯店」位於樓上鋪，走懷舊風，係有冷氣既大排檔，乾淨又舒服！ ▲飯店靚裝重現昔日香港8,90年代風味，仲描播住首首廣東話，帶你穿越番廿年前既香港！ ▲香港特色又點少得霓虹燈，夜總會、當鋪、桑拿浴室樣樣齊，佈置甚為用心！ ▲「花甲蒸水蛋」幾乎每枱必點！花甲連殼蒸保留左海鮮鮮味，水蛋香滑夠蛋味，送飯真係一流！ ▲呢種古法「鹽焗馬友」已經好少見，用大量粗鹽鋪滿原條魚去焗，但意外地唔會死鹹，仲保留到魚既鮮味同嫩滑，果然古法就是不一樣！ ▲柚子骨都算係經典名菜，做得酸甜適合，又係送飯首選！ ▲「炸子雞」同樣外皮夠脆、雞肉嫩滑、份量仲１Ｄ都唔少添！ ▲甜品「菠藺皮焗西米布甸」一上枱已比佢個份量嚇番，菠蘿皮夠熱夠脆，向下挖就係西米布甸，陣陣蛋香味撲鼻而來，食落仲有粒粒西米，夠甜又好味！ 杜老誌大飯店 地址：灣仔杜老誌道6號群策大廈7樓營業時間：11:00-02:00電話：2638 0177 文字來源：香港人遊香港／圖片來源：@moon_usako、@hkfoodduo、@fabricelau、＠eat_yeah...
呢間大排檔絕對係re-u莊聚之選！必食台台都有既黑椒薯仔牛柳粒，薯仔炸過再用蜜糖炒，做到呢個焦糖脆面，非常出色。牛柳炒得啱啱好熟鬆軟而不失嫩滑，加入黑椒醬汁同牛柳薯仔一拍即合，口感微辣帶甜！ ▲黑椒薯仔牛柳粒 （$108）薯仔外層焦香，薯仔咬落鬆軟又帶點甜， 牛肉軟嫩順口，一齊食、分開食都一樣咁正！ ▲黎大排檔食野既好處就係可以就返你個人數叫餸！ ▲蒜蓉粉絲蒸扇貝 ▲蒜蓉粉絲蒸蟶子，所用蟶子都好大隻，啲汁淋曬係個蒜蓉粉絲，好夠味！ 萬發海鮮飯店 地址： 深水埗九江街150-152號營業時間： 18:00–00:00電話： 2361 8708 文字來源: 香港人.遊香港/圖片來源: choisumlife、ieatlikeapig99、evelyn_yu93、seven.lee.520...
茶餐既滄海遺珠！由荃灣轉上屯門公路，唔難發現有一處殘舊既大排檔，其中有一間經營已經超過50年，佢係唯一星期日都開鋪，最令人難忘係佢既西多居然足2吋之厚既厚西多，認真誠意十足，而且每塊都係新鮮用厚麵包製作，口味香脆！ ▲厚西多($19)足足兩吋厚，比一般茶餐廳不同。 ▲切下去內裏軟綿綿，以新鮮麵包炸，炸得香脆。 ▲吃下沒有油膩感。只有滿口甘脆。 ▲荃灣柴灣角街一處豪不起眼既露天熟食市場，附近一帶全是工廈，平常系附近打工仔光顧。 鄭榮記 地址 : 荃灣柴灣角街柴灣角熟食市場地下30-31舖電話 : 24921173 | 24152596 文字來源：香港人.遊香港／圖片來源：lifesosad, s_bb_sarah, sabsf_， geeka.cc...
