這間位於佐敦的泰國菜餐廳非常有名氣，好多名人都來捧場，由前上市公司主席王利民開設，主打正宗泰國菜。
香港人四季都可以打邊爐，所以其實食煲仔飯都冇分季節！呢間餐廳嘅裝修都幾high class，完全唔似係食煲仔飯！佢哋嘅臘味煲仔飯都唔會加防腐劑同化學物，更選用河源自家農場嘅走地新鮮土豬同重慶黑毛豬，食得安心又放心！川味臘味煲仔飯係呢度嘅招牌，即叫即煲，新鮮熱辣！幾種臘味所傳出嘅香味，齋聞已經流口水！飯粒吸收咗臘鴨、川味臘腸同臘肉嘅油分之後，同蔥粒、頭抽攪拌，再配上臘味一齊食，完全係perfect match！ ▲ 川味臘味煲仔飯 (中$148/大$398) ： 臘腸臘肉切得好薄片，可能會覺得冇乜口感，但其實撈埋豉油同飯一齊食，呢個配搭係非常夾！ ▲第一次去食都唔使驚唔識食，會有職員幫你個飯「上色」，不過如果唔想食咁鹹嘅就記得叫佢輕手啲啦！ ▲ 飯焦唔會太燶，食落唔會痴牙，係屬於香脆口感嘅飯焦！ ▲川椒麻辣雞煲 ($98)： 雖然呢度係食煲仔飯，但都唔可以唔試其他小菜！如果鍾意無辣不歡，兩個人Share一個飯再加個小菜就Perfect啦！ ▲ 南乳豬手煲 ($118) ：豬手同南乳汁經過長時間炆煮，非常入味同煮得夠腍，唔使怕啲牙唔好食唔到！ 文字來源：香港人遊香港 / 圖片來源： @glassesgor_diary 、@coji_foodie 、@fatfat4ever...
佐敦呢間日本料理餐廳推出「抗疫二人前」套餐，兩位只需要$550+10%服務費！餐廳選用最新鮮嘅食材，刺身厚切又鮮甜多汁， CP值超高！套餐其中一道菜係五點二切刺身， 刺身包括厚切三文魚、劍魚腩、帶子、八爪魚同甜蝦，大大件之餘，亦好新鮮，食到刺身本身嘅甜味！另外煙肉荔枝卷好特別，用咗鮮甜嘅荔枝汁同鹹鹹嘅煙肉製成，食落好清新，有驚喜！呢個價錢真係好抵食，可以一試！ ▲ 五點二切刺身：包括厚切三文魚、劍魚腩、帶子、八爪魚同甜蝦刺身，款款鮮甜多汁！ ▲ 上壽司十貫：選用當造食材，十件壽司包括鮮墨魚、左口魚、牡丹蝦、蟹棒、三文魚、劍魚腩、炙燒三文魚、三文魚籽同灸燒海鰻！ ▲ 煙肉荔枝卷：鮮甜嘅荔枝汁融合煙肉好清新，感覺亦好特別！ ▲ 燒汁牛肉：燒汁牛肉燒至7成熟，好juicy！ ▲ 比目魚西京燒：食落啖啖肉，醬汁偏甜！ ▲ 鯛魚湯稻庭烏冬：鯛魚湯好清甜，超有驚喜！ 文字來源：香港人遊香港 / 圖片來源 ： @eatwithgummy...
開喺廟街嘅The Jungle主打墨西哥同尼泊爾美食，裝修特別，入到去好似去咗Jungle森林咁，燈光暗暗地，又幾有情調，啱哂三五知己一齊傾下計！食物選擇唔算多，大部分都係墨西哥同尼泊爾嘅特色美食，例如moomoo就係尼泊爾餃子，外型好似小籠包，配上酸辣醬夠哂開胃，好值得大家去試！所有staff都係外藉人士，全部都好nice好有禮貌！建議跟set叫，lunch平均一位都只係$78，仲包starter同soft drink，抵食！ ▲ 辣肉腸Pizza：pizza 足料，口感食落都幾豐富！ ▲ 蕃茄雞肉意粉：整體偏辣，唔食得辣嘅朋友記得要叫佢小辣！ ▲ Rib Eye：跟set 叫要加多$20 upgrade，牛排高質，而且好juicy！ ▲ 餐湯都用心製作，好濃郁！ ▲ moomoo：即係尼泊爾餃子，外型好似小籠包，但個皮更煙韌，加埋中間酸辣醬汁，惹味又多汁! 文字來源：香港人遊香港 / 圖片來源...
好多人都鍾意食藍莓，唔只因為營養價值高，而且藍色仲畀人一種浪漫嘅感覺，好多甜品都會加入藍莓，非常受女士歡迎。呢間位於佐敦嘅四星級國際酒店，入面嘅Tasca Bar最近就新推出咗一款「藍莓雲呢拿下午茶」，運用淡淡嘅雲呢拿香味，突出新鮮藍莓嘅清甜味道。成set下午茶嘅甜點包括有藍莓慕斯蛋糕、意式奶凍、藍莓雲呢拿撻、法式焦糖燉蛋、藍莓紙杯蛋糕，仲有最受香港人歡迎嘅港式雞蛋仔配雲呢拿雪糕。鹹點方面就有黃金薯蝦同迷你和牛漢堡，再加兩杯自選飲品。喺一間四星級酒店入面享受以藍莓為主題嘅下午茶，真係諗下都覺得浪漫呀！ ▲藍莓雲呢拿下午茶($268/2位，另加一服務費)，有齊甜點同鹹點，仲有兩杯自選飲品，供應時間係每日下午3點至5點半。 ▲藍莓慕斯蛋糕，紫藍色嘅慕斯，入口軟滑，加埋藍莓嘅香甜，真係睇見都流口水。 ▲港式雞蛋仔配雲呢拿雪糕，雞蛋仔係好多香港人嘅至愛，雪呢拿雪糕又係唔少人都鍾意嘅口味，兩樣嘢加埋襯到絕。 ▲藍碟花檸檬冰，客人可以叫呢款飲品，口感清甜，同其他甜品同鹹點都好夾。 香港九龍諾富特酒店 Tasca Bar 地址：佐敦彌敦道348號香港九龍諾富特酒店1樓 電話：3965 8789 營業時間：12:00nn – 01:00am 「藍莓雲呢拿下午茶」供應時段：每日3:00pm – 5:30pm 文字來源：香港人遊香港/ 圖片來源：@香港九龍諾富特酒店...